越來越擔心亞仔呈分試

kawaii1128

呢個時代老師同學都不斷講, 壓力難免.

教佢只要try best, 人生不是只有考試.

babywoman

如果我仔有學障，我不會對他成績有乜要求，如果你真冇要求，小朋友會感受到，心情亦會放鬆。如果真係接近band3，就去考校風好的band2直資,考左先算。

Yanamami

考直資~就算band3, 都有校风好既学校，学生都乖，只係各人都唔係讀書材料｡高中又可去望下VTC既实用科目，学番－两门手艺~人既出路唔止一條既~妈咪要做心理輔導員，俾信心佢向前行，改变佢对band3校既印象，著手去研究边d校风好，学生乖既中学｡首先要你自己放下成見先，听你講紧張到瞓唔好，禁你既情緒亦会影响阿仔~

妹妹頭

回覆 Yanamami 的帖子

agree, 我有個親戚都係, 冇心機讀書, 唔知佢係唔係有讀障, 因冇做過評估, 一直都考尾果幾個, 派左band 3中學, 冇心機讀, 上到中五轉左去vtc既課程, 自己揀左一科有興趣既專門手藝, 依家讀得唔錯, 有心機返學, 個人仲有信心左, 同以前係2個人咁

os_ecu

開心老實人 發表於 17-11-17 06:55
亞仔本身有學障困難，昨天對我說好驚呈分試考得吾好（吾夠時間做、吾識做）會入band 3,佢講完我真係眼淚直 ...

與其咁擔心, 不如搵機會一齊放鬆一下, 情緒會影響表現, 鬆一鬆可能會有轉機.

長路漫漫啊.

唔想被動咁派去Band 3, 咪考啲二三線直資, 起碼係自己揀的.

vvmon

樓主，同仔仔講唔好比咩Band3學校嚇到，band3學校都有好校風，有肯讀書的同學！只是他們天份不在讀書，又或者未發揮到！我女都讀緊一間band2尾，外間話band3直資，那又如何？學校裡有一班同學肯讀書，品行好的同學！全在你如何引導小朋友！我女係學校都識到班肯讀書的同學，佢地學習態度唔差，感染到我女小息都去chur住老師問唔明的課題！『中二數開始教factorizations，佢覺得好抽象，唔明』當然都有一些比較頑皮的學生，不過他們唔係壞！人生唔係得考試，成績唔好並唔係失敗者，可以有好多路可以行！就算讀 band3都唔係世界末日，重要時父母如何引領孩子，band3都有校風好的學校！
講個真人真事，我本身和老公都係專業人仕，身邊有好多專業人仕的同事；其中有個同事個仔，小學成績好勁，係九龍區男x讀，個個都覺得佢似科學家，次次一講起佢個仔，佢都笑到見牙唔見眼！誰知一直上中學，成績全線下跌，DSE全抄，依家同爸爸關系好差，成日唔返屋企！
再另一個例子，另一個同事，個仔係觀塘區普通小學讀書，升band2中學，DSE都係一般，由於個仔喜歡學日文，除咗讀書，佢一直鼓勵仔去學，今年DSE後比個仔去日本繼續學日文，點知陰差陽錯，日文語文學校d老師見佢有天份，叫佢去試下報下日本其中一間大學讀經濟，點知真係收咗，雖然剛剛第一年讀，無人知結果係點，但起碼都有個機會！
上述係真人真真，信唔信由得大家！

os_ecu

開心老實人 發表於 17-11-17 10:09
請問邊D直資係2-3線?

保良局顏寶玲
林大輝
李國寶
深水埗崇真
播道

之類...

Emilyeee

開心老實人 發表於 17-11-17 10:09
請問邊D直資係2-3線?

男仔可以試下德信，直資男校

crazyhippo

os_ecu 發表於 17-11-17 10:45
保良局顏寶玲
林大輝
李國寶

刪除"強直"(外間所謂一線校)外, 餘下的, 又合個人口味的, 都可以試. 因間間買點不一樣 . 又要唸下返學遠吾遠, 所餘無幾. 另外, "強直"以外的直資也是一所英中, 課程都係跟DSE的框架, 吾係低要求. 讀吾掂的, 都要留班.

反而要唸下邊種教學法啱自己小朋友, 先再唸找那類學校. 吾係間間有配套比學障.

王家爸爸

開心老實人 發表於 17-11-17 06:55
亞仔本身有學障困難，昨天對我說好驚呈分試考得吾好（吾夠時間做、吾識做）會入band 3,佢講完我真係眼淚直 ...

盡咗力，嘗試咗，得當然好，唔得都無憾。

HaYi

os_ecu 發表於 17-11-17 10:45
保良局顏寶玲
林大輝
李國寶

NPL, LKP, 入學的學術要要求唔少野, 播道成績都提升中, 要求都高左好多. 佢地都是EMI 英中, 所以

我覺得如果樓主仔的學障比較影響成績, 而英文又不是特別好,  可以試下
林大輝 - 好多運動類
匯知 - 好多表演類


個類.

car817ho

Emilyeee 發表於 17-11-17 10:49
男仔可以試下德信，直資男校

yes, 德信係愛心學校，我見好多讀德信既仔都愈來愈好，由唔鐘意返學，變到好積極，老師好肯關心學生，師生關係好，唔差的，近年成績亦穩步上揚

admiral1008

樓主努力,小朋友儘力

Yanamami

vvmon 發表於 17-11-17 10:43
樓主，同仔仔講唔好比咩Band3學校嚇到，band3學校都有好校風，有肯讀書的同學！只是他們天份不在讀書，又或 ...

真係希望在人间~太令人鼓舞｡唔係每个人都叻讀書，但每个人－定有个可取之处，揾到自己优点、强项加兴趣，真係可以發揮/發展得好好~
楼主唔好成曰focus係仔既学障上，發掘下佢長处吖~可以係有耐性、細心有愛心、有礼貌好笑容、对老人好、好大力、識睇人眉头眼額、有艺術細胞……总有样佢特别叻既。

vvmon

正如我大女一樣，佢成績唔標青，但都有d語文天份，佢可以係一年內學好普通話和拼音，我從來無想過佢可以做到！小四前佢無點接觸過，小四因轉校，所以比佢外補普通話！每星期一堂，每堂半小時！佢依家普通話講到好似正宗北京人，拼音完全無問題！依家我鼓勵佢學韓文，希望佢將來有所發展

little_yolky

開心老實人 發表於 17-11-17 10:09
請問邊D直資係2-3線?

仲有聖道迦南。

little_yolky

Yanamami 發表於 17-11-17 08:09
考直資~就算band3, 都有校风好既学校，学生都乖，只係各人都唔係讀書材料｡高中又可去望下VTC既实用科目， ...

講到情緒影響小朋友, 其實小朋友情緒都好影響家長。大家都知我peah, 本來都算輕鬆, 點知阿大前兩日無端端伏响飯枱喊, 話唔想返學, 好唔開心。問佢係咪有同學蝦佢, 佢又話唔係, 問佢乜事, 佢又話唔知, 總之唔開心。搞到我鬼咁大壓力。