生日會要AA制 其他家長唔制 網民：貼錢逗別人孩子開心

JWKun

生日會要AA制 其他家長唔制
網民：貼錢逗別人孩子開心 簡直Crazy
2014/7/23



        舉辦生日會旨在讓小朋友玩得高興，如果為了錢銀問題鬧得不愉快，主人家與賓客也會掃興。


        不少家長會為子女辦生日會，但安排不當或會令開心聚會變尷尬事。早前有網民獲邀參加朋友女兒生日會，被要求自費入場兼分攤食物使費，變相要AA制出席聚會。教育界人士指，在高消費場所辦AA制生日會，做法不理想。


        最近有人在網上透露，朋友將在某兒童樂園為女兒慶祝生日，生日會前夕才通知她要自費帶子女入場及分攤食物費用，隨即引起網民熱議。不少網民稱，未聽過要AA制參加生日會，批評主人家小器；亦有人質疑主人家負擔不起所有開支，為何仍堅持搞高檔生日會。


        家有三名寶貝仔的張太，曾出席不少兒童生日會，她說：「我覺得送禮物給壽星合理，如果要夾錢入場，即是要我畀錢、花時間逗別人仔女開心，簡直Crazy！」


        不過，育有一子的梁太認為，「出席生日會要收費都可以，視乎主人家的經濟情況如何。」七月初她剛為兒子舉辦一歲生日會，邀請了近50名大小朋友為他慶祝。雖然租場、蛋糕等花費近6,000元，但她亦無要求出席朋友夾錢。


專家：生日會可作通識教育


        香港幼稚園協會會長唐少勳指，以AA制辦生日會，外國人中較常見，但中國人家庭則很少聽聞。她認為主人家選擇要付入場費的場所辦生日會，且在生日會前夕才通知賓客要AA制，做法可改善。若賓客因負擔不起費用而不出席，雙方都尷尬。她建議遇到這種情況，賓客即使不出席，亦可讓子女製作生日卡或小禮物送給壽星囝囡。


        她又指，生日會對小朋友亦是一種通識教育，藉此學習社交禮儀，例如適當的打扮、送上祝福語等。對家長來說，則是一個交流平台，可與其他家庭分享育兒心得。唐說，現時的生日會五花八門，不乏高消費活動，包括請賓客去主題公園、酒店等場所慶祝，可能與很多家庭生育少，只育有一兩名子女有關，故捨得「揼本」辦生日會，希望為子女帶來難忘回憶。


與贊助商洽談 辦派對隨時「值回票價」


        只要動動腦筋，籌備生日會亦有不少慳錢招數。育有兩歲女兒的俞太曾參與多次由「媽媽會」舉辦的生日會，女兒今年五月生日時，幾乎每周都參加。每次約有20至25名幼童一同慶祝，每個家庭平均夾300至500元，分攤費用但歡樂不減。


        俞太指，部分「搞手」媽媽會聯絡贊助商，由家長「讚好」或「分享」商戶的fb專頁，然後便送出禮品，例如紙尿片、教材等，曾有贊助商送出免費一天試玩Playhouse、價值3,000元的攝影禮券等。


        唐少勳則建議，以燒烤、公園野餐等形式辦生日會，準備遊戲和小禮物讓小朋友聚會，出席的家長亦可自備一款食物互相分享。雖然也算互相分擔費用，但較AA制易令人接受。

Yanamami

負擔唔起，可以喺屋企開生日party，只請幾個好朋友吖~~洗咪豪搞？搞完又要收賓客錢，好肉酸！

Marco-ma

好痴呀...

結婚就話一生人一次, 生日會?  年年有喎, 年年夾??
唔好玩啦...

MrBeast

每個family帶一個食品我支持(同時可叫親不送禮物), 但如高消費又叫人AA就真肉酸

vincher

无奇不有

Lam3Tai

呢D 0野豐儉由人，都係想大家開開心心，冇大多餘錢同屋企人食餐飯都可以o架！

shadeslayer

原帖由 MrBeast 於 14-07-23 發表
每個family帶一個食品我支持(同時可叫親不送禮物), 但如高消費又叫人AA就真肉酸 ...

係我會叫賓客損買禮物的金錢到慈善機構。

shadeslayer

原帖由 cheng4b 於 14-07-23 發表
以AA制辦生日會，外國人中較常見

**********************************

我地也未搞過。細路仔生日，幾個人家中聚下便是。

香港有些人，人有我有的羊群症好嚴重。

Band5

一早講清楚就冇問題，唔去又唔使做人情GE！總好過三唔識七結婚都派張帖，佢有位剩要你夾錢！

annie40

I would love  to pay my girl's entrance ticket fee on my own, especially those expensive theme park tickets, such as Disneyland, or Ocean Park.  I don't mind to provide some home-made food, but would feel hurt if you ask me to share the food costs at a home party.  

MrBeast

shadeslayer 發表於 14-7-23 13:14
我地也未搞過。細路仔生日，幾個人家中聚下便是。

香港有些人，人有我有的羊群症好嚴重。

E+真是好似冇生日會反而係有問題咁，閒閒地去麥記都要3k+, 好少少我估一皮埋單。但如afford 到，搞一次都ok.

Jane1983

我小朋友仲細，暫時未搞過生日會，但去過好多次同學仔和朋友仔的生日party。有魔術表演、tatoo painting、充氣遊戲...另加大量食物浪費。望吓d小朋友，亦吾係特別享受，家長更加係悶...

himching

JWKun 發表於 14-7-23 07:54
生日會要AA制 其他家長唔制
網民：貼錢逗別人孩子開心 簡直Crazy
2014/7/23

真實人性大披露, 值得鼓勵, 再鼓勵.

himching

日後"貧"友見面打"蕉夫", 你未"屎"呀, 重唔PK. 大家真係充滿自我, 幾"真".

nintendo

以往搞婚禮似做 show, 而家小朋友生日會都搞咁多嘢。其實小朋友生日，比佢請幾個好朋友返屋企玩下就好開心，叫幾個 pizza ，再自己整少少雞亦意粉。

annie40

自少孩子參加的生日會特別多，再加上farewell party, welcome party, 是忙過不亦樂乎。基本上成班小朋友個個好開心，像play group, 又像play camp, 辛苦了搞手的父母，勞心又勞力，如果有空，通常會多留一會看要否assistants（即是阿四），有些孩子又想玩又怕失掉手頭的心頭自帶玩具，見到相熟aunty, 就非常信任的交俾我保管，那點信託，讓人感動。完了接女兒，順手幫人執幾個仔送番屋企，不知多開心。回家根本無孩子會記起某某生日好威風，淨系攞goodies出離望望下儍笑，又嘰哩呱啦報告爸爸她今天多快樂！

給孩子開生日會，是西方父母的major duties, 離左婚都要一齊搞，還十分有天份，阿爸做魔術師，阿媽全塲帶遊戲，教跳舞，絶無冷塲。大家對給孩子開party是想多了。東方父母唔怕辛苦，每年開番一次大play group 也是理所當然。孩子走在一起已經非常開心了。