中學成績標準

Zen

請問中學幾多分為之高分？是否很難可以取得高分？

BillyM

Zen 寫道:
請問中學幾多分為之高分？是否很難可以取得高分？

很難講，測驗考試一般平均為60幾70，有80+都算幾叻，90+就好少見喇。

仲要睇科，一般中英文的分會低些，80+都比較難，數學就有機會90+。

不過最緊要睇AVERAGE，中學老師出卷時深時淺，深起上來大半班唔合格。

老實講，中學不要太著重分數，讀書態度及求學的心更為緊要。

Zen

BillyM,

Thank you.

阿仔第一次測驗英文科創歷史新低，佢話份卷好深，有半班唔合格．所以我都唔知信唔信佢好，只怕係佢自己大倒退，如是，便要立即想想法子幫佢．

BillyM

Zen 寫道:
BillyM,

Thank you.

阿仔第一次測驗英文科創歷史新低，佢話份卷好深，有半班唔合格．所以我都唔知信唔信佢好，只怕係佢自己大倒退，如是，便要立即想想法子幫佢．

咁梗係無可能同小學成日9字頭比，但係唔合格就要留意下，係咪真係深定係連本來識的都忘記晒，定係未熟習新的考試模式？在中一初期這個問題好常見，如果小朋友習慣左低分，之後要谷返起就有些難度。

Zen

BillyM,

佢合格，但成績強差人意，並與小學真是天壤之別，雖然早有心理準備，但仍令我有點意外．我想未熟習新的考試模式是原因之一（考很多詞彙及同義詞）．

DoReMi媽媽

BillyM 寫道:
.....老實講，中學不要太著重分數，讀書態度及求學的心更為緊要。

同意. 好似我小朋友咁, 佢上咗中學啲分數冇小學咁高, 同學之間o既競爭好大, 爭幾分名次已經爭好遠, 但在我嚟講我覺得滿意, 反而佢自己接受唔到, 主動要求補某啲科目, 所以我都滿意佢o既讀書態度, 對佢o既分數唔太執着, 咁~當然唔可以唔合格啦!

小彬彬

你唔講我又真係唔知......

BillyM 寫道:
[quote]
Zen 寫道:
請問中學幾多分為之高分？是否很難可以取得高分？

很難講，測驗考試一般平均為60幾70，有80+都算幾叻，90+就好少見喇。

仲要睇科，一般中英文的分會低些，80+都比較難，數學就有機會90+。

不過最緊要睇AVERAGE，中學老師出卷時深時淺，深起上來大半班唔合格。

老實講，中學不要太著重分數，讀書態度及求學的心更為緊要。[/quote]

busywomen

我個仔都係上了中學後成績比 P.6 差咗, 佢已經溫咗書,但成績與努力不符,攪到佢冇乜心機,我相信是他的溫習方法不正確,他好像有點無從入手,他還主動想找補習.  其實,他一直未試過補習,只不過見同學有便想試下,但我又唔知去邊度搵補習,更加擔心佢從此會依賴. 唔知點好?  

小彬彬

busywomen 寫道:
我個仔都係上了中學後成績比 P.6 差咗, 佢已經溫咗書,但成績與努力不符,攪到佢冇乜心機,我相信是他的溫習方法不正確,他好像有點無從入手,他還主動想找補習.  其實,他一直未試過補習,只不過見同學有便想試下,但我又唔知去邊度搵補習,更加擔心佢從此會依賴. 唔知點好?  

難得佢主動找補習,咪揾人幫佢補 law.....唔係佢讀讀下冇心向學就大件事 la....

mada

小學讀既科目比較少，如果讀英中既話更加辛苦，咁多生字要記、要串，多d鼓勵佢啦！加上新環境始終都要適應ma! 我哋要為我哋既小朋友鼓掌 ......

mimi1234

busywomen 寫道:
我個仔都係上了中學後成績比 P.6 差咗, 佢已經溫咗書,但成績與努力不符,攪到佢冇乜心機,我相信是他的溫習方法不正確,他好像有點無從入手,他還主動想找補習.  其實,他一直未試過補習,只不過見同學有便想試下,但我又唔知去邊度搵補習,更加擔心佢從此會依賴. 唔知點好?  

都唔會依賴，好多成績好的學生都會補習。我個女都係你個仔一樣，小學從未出去補習，上了中學就有去補習，唔明的東西可以有人問，因為以前小學可以問我，而家我都搞唔惦，而且補習老師確實比我專業很多，他們會用比較精簡的方法解釋比佢聽，時間省了又容易明白。尤其是我個女讀英文數學，佢話補習用中文講解確實容白得多！

busywomen

咁你個囡囡係去補習班定搵私人回家補?我到而家都揸唔定主意.

mimi1234

我囡囡去英皇補英文同數學，notes 都OK.  今年升了中三，換左老師，因為F1,F2的老師同高班的不同，我囡囡話真係比F1,F2的老師好D。

mimi1234

有少少補充，我個人認為，如果小朋友的成績根本身跟唔上學校的課程，我諗私補會好D，因為大班補習始終唔可以根到每個學生的進度，你可以看看小朋友的能力而選擇。英皇、現代等這一類補習社每期都是四堂，你上完四堂覺得唔好咪走啦，可以用一個月時間看看是否適合自己的小朋友。

mable1124

我想問英皇補F.1英文/數學, 學費約多少?    

mimi1234

mable1124,
好似$300.00 /4堂，因為每升一級，學費就貴少少，你可以打電話問下。我見價錢都唔係貴，所以我成日同 D朋友講，叫佢地用$300試下，始終個個小朋友能力、需求都唔同，覺得有幫助就可以繼續補落去la。