repeat 定轉校? 求意見

Chunyan

自仔升中了, 我都沒上EK了, 最近好多問題, 求意見.
我仔讀中二,升中時是Band 1中, 升上一間Band 1 直資中學, 中一讀得不好, 勉強升到中二, 中二更差, 全級尾三, 見家長老師說他行為上沒問題, 算乖, 上課表現算一般, 但真的想不到為何成績這樣差.仔很喜歡這學校, 也很喜歡他的同學和老師. 我就一般。
班主任說很大可能要留班, 我接受留班, 和仔傾了, 留班和轉校他都可接受, 但比較傾向留班, 現校校風是不錯的, 如果可以比多一年時間他,追到都可能不是壞事, 有朋友建議轉一間容易點的學校, 轉校可能會讀得輕鬆和有自信, 我覺得肯讀去那裡都讀到, 不努力去到邊都沒用,

我和仔傾了成績退步的原因:

1.他覺讀書沒趣味; 甚至討厭
2.沒有目標, 不想讀書, 不想升大學
3. 放手太多,我小時跟得很足,中學不願我比我跟, 現在多些補習
4. 不能面對失敗; 壓力大;
5. 打機(他都自願回家後交出手機);
6. 青春期情緒不穩定 (曾經有離家出走, 他是收埋自己的人);


我問過很多人,有不同意見:

1.順其自然, 青春期, 等他自己開竅, 迫都沒用, 就算讀書不成也不算什麼, 不須做想太多
2, 支持留班, 比時間他追下
3. 反對留班, 有朋友說有些Band 1 中為了有好DSE成績, 比壓力成績不好的,迫要留班,但這些留班被看不起,結果都沒有大改善, 只會頹下去
4. 支持轉校, 先建立自信, 上年試過報插班Band2 都不收, 看來要轉都只可以試Band3,
5. 反對轉校, 降低標準就自己不好, 要重新適應, 而且有科目可能改為中文, 重新適應
6. 支持轉校+留班 , 重新開始, 比時間適應

不知如何是好, 求意見, 再考慮

anitawong21

Chunyan 發表於 19-5-3 14:01
自仔升中了, 我都沒上EK了, 最近好多問題, 求意見.
我仔讀中二,升中時是Band 1中, 升上一間Band 1 直資中學 ...

Band 2應該唔肯收，有冇考慮過國際學校？或者去外國讀寄宿學校，有D寄宿學校臨瞓之前會收手機

Yanamami

同仔都傾过成績唔好原因……应該同父母仲算有偈傾？知道原因，但佢明白後果？如果佢唔想讀U, 会唔会对其他乜野有兴趣發展－技之長去維生？起碼要好好地安份守己完成中三去VTC? 佢明白路会难走d? 其實能力上有無问題？係英文教学跟唔上？轉中文会否好d? 佢情願留班定轉校？禁大个仔同佢商量下~其他人支持或反對無意思，佢禁大个要知佢諗法｡唔讀U，唔鍾意讀書，起碼都年年升班到中学畢業有張證書穩妥d, 起碼有33222考警察都好吖……叫佢長痛不如短痛忍多幾年畢業。

小黃豆B

其實會唔會係上中一適應唔到，然後選擇逃避。我留意到你說的第四點，有d小朋友係小學時成績好係學校受人注目，但一上到band 1中學，入面最差個個都一樣係band 1，一下子接受唔到變返平凡甚至成績差既人，又唔知可以點樣做，於是就產生好多籍口俾自己棄權。

Chunyan

回覆 anitawong21 的帖子

國際學校沒有考慮過, 外國升學更大改變

Chunyan

回覆 Yanamami 的帖子

同父母仲算有偈傾, 仲幾好關係, 同佢解釋後果,佢都明白後果, 但都沒決心改善 ,其實能力應該可以跟得到, 他本身英文算不錯的, 英文教学跟得到, 佢情願留班, 我想比多些其他人意見給他參考, 最後他決定｡

Chunyan

回覆 小黃豆B 的帖子

我都有這感覺, 中一適應唔到，然後選擇逃避, 但到現在一下子追不到.

Yanamami

Chunyan 發表於 19-5-3 18:32
回覆 小黃豆B 的帖子

我都有這感覺, 中一適應唔到，然後選擇逃避, 但到現在一下子追不到. ...

揾个私補追程度得唔得？同仔set个reasonable target先，eg.追上1/3級排名，唔好包尾先？

cf1126

試試創知或香島

elbar

Chunyan 發表於 19-5-3 14:01
自仔升中了, 我都沒上EK了, 最近好多問題, 求意見.
我仔讀中二,升中時是Band 1中, 升上一間Band 1 直資中學 ...

或試 銀禧、丘佐榮、蒙民偉、呂郭碧鳳、可立。

小黃豆B

Chunyan 發表於 19-5-3 18:32
回覆 小黃豆B 的帖子

我都有這感覺, 中一適應唔到，然後選擇逃避, 但到現在一下子追不到. ...

先調整好佢心態同態度，否則repeat定轉校都無用。追不到不代表就要放棄，讀書分數名次固然重要，但最重要係同自己比，今天的自己要比昨天的自己進步。
上到中學，學術上應該要放手，我成日講笑難道他日讀大學仲要我教你做功課，反而到左青春期，點樣引導佢地自己思考去找出路先最重要。
我兒子今年升中，學期初都問過我當初點解唔揀xx學校俾佢，我問佢點解，佢話個間band低d咁咪容易d考第一，佢以前小學同班差佢一截都可以名列前矛，佢依家間學校d勁人佢連車尾燈都望唔到，我笑話咁佢應該子承父業去我以前間band5(等於現band3c)中學，咁佢日日打機都應該可以考第一，然後我問佢咁樣第一有咩意思? 難得現在有機會見到叻人，應該好好學習人地長處去改進自己。

cf1126

嘗試找駐校社工去疏導他心中的障礙，去除心中負面的情緒，多做些他喜歡的運動可產生愉快積極情緒，引發他的鬥心，希望他能盡力考試，不用留班。

kawaii1128

可能是小學本身程度不夠, 而上中學後家長太快放手.

Repeat 不是壞事, 第一要務是讓孩子重拾自信.


孩子不是學壞, 肯和父母好好商量便好.


呢個難關一家人一起面對, 一起努力吧!


共勉之.

losir0227

重點是沒有目標。
先和他訂好想要的目標，下一步才能講經過要如何達成。

留班比轉校好，尤其他喜歡學校，也清楚問題並非出在學校。

imVictormama

校風好好緊要，尤其中學，再大啲，佢唔肯同父母傾，朋輩影響好緊要。如果學校校風好，佢又中意，就冇謂轉新環境。
同埋要留班某程度反映佢基礎唔好，咁點解唔打好基礎先再升班呢

aminafy

其實你個仔肯同你坐低傾，係一件好事。你話佢覺得讀書冇趣味，冇目標，不想升讀大學，既然係咁，可唔可以同佢傾下，有冇一樣野佢特別喜歡? 如果有，讀埋中三就去VTC向該方面發展，變相佢有個目標，覺得讀完中三 (只是讀多一年)佢就會讀一啲自己喜歡嘅嘢，唔會好似無底深潭咁讀到中六。當然，佢今年成績都不能太差。

正如你所說，學校校風不差個仔自己又鍾意，我會建議留班，首要條件係，個仔自己接受。

Chunyan

回覆 aminafy 的帖子

謝謝上面大家的建議

王家爸爸

Chunyan 發表於 19-5-3 14:01
自仔升中了, 我都沒上EK了, 最近好多問題, 求意見.
我仔讀中二,升中時是Band 1中, 升上一間Band 1 直資中學 ...

1.他覺讀書沒趣味；甚至討厭
一般情況係：因為跟唔上，所以覺得讀書無趣味；覺得無趣味，會更差，所以變咗討厭。
解決方法：先跟上，所以留班係一個可行選擇，但係需要注意（1）同校留班既負面影響，（2）留班之後點樣重拾信心。
其他問題都可能同第一個問題有關，所以先睇吓解唔解決到第一個問題。

王家爸爸

Chunyan 發表於 19-5-3 14:01
自仔升中了, 我都沒上EK了, 最近好多問題, 求意見.
我仔讀中二,升中時是Band 1中, 升上一間Band 1 直資中學 ...

又試下critical啲睇唔同意見：
1.順其自然，青春期，等他自己開竅，迫都沒用，就算讀書不成也不算什麼，不須做想太多
我既評論：基本上係鴕鳥政策，忽視問題唔代表問題唔再存在，正視問題先係解決方法。其他人可以逃避，家長無得逃避。

2, 支持留班，比時間他追下
我既評論：留唔留班其實唔係重點，重點係追。問題係點樣令佢留班之後會追。

3. 反對留班，有朋友說有些Band 1 中為了有好DSE成績，比壓力成績不好的，迫要留班，但這些留班被看不起，結果都沒有大改善，只會頹下去
我既評論：同校留班真係有可能有心理上既問題，所以如果同校留班，重點係點解決心理上既問題。另外一個考慮因素係，必須接受現實，小朋友其實已經唔係Band 1 中，可能已經係Band 2 中，甚至更低。

4. 支持轉校，先建立自信，上年試過報插班Band2 都不收，看來要轉都只可以試Band3
我既評論：轉校，先建立自信，表面上係最好既，但係執行上比較有挑戰性。其實轉唔轉校其實唔係重點，留唔留班先係。

5. 反對轉校，降低標準就自己不好，要重新適應，而且有科目可能改為中文，重新適應
我既評論：轉唔轉校其實唔係重點，留唔留班先係。如果小朋友既程度已經係Band 2 中（甚至更低），唔留班只會差距越來越大。

6. 支持轉校+留班，重新開始，比時間適應
我既評論：應該係比較可行既，問題係小朋友既差距已經比較大，有無學校會收？正如你所講，插班 Band2 都唔收，又無理由去更差既。

mch411

讀書冇趣味係另有興趣定逃避責任 ?
另有興趣就同佢追夢向興趣發展,
逃避責任就叫佢讀到16歲夠合法年齡去打工比家用