聖瑪加利大 or 高主教 offer for 男仔?

siumin

聖瑪加利大 or 高主教 offer for 男仔? 聖大派位好，高主教有半條龍... 大家點揀？

babycute2009

派位唔關讀邊間幼稚園事
2間之中讀邊間，視乎你target邊間小一

siumin

我打算第時俾佢考直資, target St. Paul Co-ed or DBS... 但係佢係Nov細B,所以都驚到時考到唔夠人爭.... 有半條龍嘅高幼當然係好啦...

但見聖大果日，校長好用心講解學校理念,對聖大了解多咗好多,好impressed.  亞仔性格活潑,聖大似乎幾岩佢.... 而高幼相對了解較少，但亦見面試當日老師好有愛心,超有耐性同亞仔玩,本來以為細B無機,點知又有offer,好感動。所以而家唔知㸃揀！

希望聖大及高幼家長分享一下你地嘅經驗!

cyhh

我小朋友係高幼k3生，當年k2插班入的。對高幼，無論在愛心上、課程上也相當滿意。老師和校長也很有愛心，我是在職媽媽，平時少去學校，但間中也有參與午會（小朋友下午班，午會、早會時間家長可參與的），見到校長、老師、小朋友也很投入。10～15分鐘集會後，小朋友排隊上課室，感覺和小學嘅模式很相似。課程上，高幼比一般學券幼稚園緊湊，讀得上的話，上直資、私立小學會輕鬆點，因為普遍會教得深。而且，經歷了今年考小一，發現很多私直在1st interview都會考少少學術，2nd in才看portfolio，如果有少少學術底，會著數少少，因為讀聖大，又要考私直的話，相信都會出外學吓學術野，到時錢都是差不多，但成效會及不上日日在學校裡學。

cyhh

另外不得不提，如果樓主係target高小的話，高幼生係保證入2nd in的，而且今年更有waiting生再interview多次，最後補中有offer。如果讀聖大的話，真係要靠自己去考，因為派位好其實無關係的，派位好因素很多，有機會因為世襲、住址，可能只係叩門有少少分別而已。