公文數一問

marinayiu

請問你們的子女或她們的同學, 讀了公文數後, 是否在數學方面真係好些, 有無一些同學仔無學過公文數, 成績一樣很好?
我好想知道公文數的成效究竟有幾大?

小彬彬

marinayiu 寫道:
請問你們的子女或她們的同學, 讀了公文數後, 是否在數學方面真係好些, 有無一些同學仔無學過公文數, 成績一樣很好?
我好想知道公文數的成效究竟有幾大?

我個仔一年級讀過一個月.....覺得冇乜用....所以唔讀.....但有同學仔讀咗之後成績好些......
你問【有無一些同學仔無學過公文數, 成績一樣很好?】......我可以講出一個事實......我個仔同班同學數學最好果頭5個同學仔都"冇"讀公文數......佢地大部份係公開奧數比賽都拿到奬.......
至於你問【公文數的成效究竟有幾大?】.....公文數要求小朋友每日花半小時做公文數......咁做得多練習自然會好些.......但我覺得你唔好抱有太大期望.......

daisychan

我有相同經歷及意見。

bonbonnie

其實我覺得公文不停比小朋友練習
所謂熟能生巧
而且我見到我個仔的朋友都係咁講
所以我覺得係某個國度黎講
都有幫助的
至於冇讀公文的小朋友
如果佢可以解到文字題
再加上平時練習計算
咁應該都ok

cher_mummy

我都在想用不用給公文數我小朋友學, 看來好似train多d, 熟能生巧; 但又好似好機械咁, 個腦唔識轉....

mimi1234

我都認為有一定的幫助。以下是我個小朋友的經歷：

我個仔在三年級的時候參加了公文數，佢的數學成績一向不差，每次都有九十多分，但聽到不少家長的好評，諗住如果小朋友比其他人學得快，等第日可以輕輕鬆鬆都可拿到好成績。

初初只是做簡單的加減數(因為老師話要比佢實際能力低少少開始)，我個小朋友做得好開心，話好容易而且升級得好快，我都覺得佢計得快而準。經過幾個月，參加左公文數後的第一個考試卷派回來有100分，佢話因為有好多時間剩，可以覆兩、三次卷。

但過了不久(參加後約半年)，公文數開始要計：3個位乘2個位，因為學校未學到，我個仔每次做都喊咁口，話好辛苦、要做好耐，見佢咁唔開心、成績又冇問題，所以就cut 左了。現在五年級了，覺得佢計算是冇當年咁快，佢話測驗、考試有時唔可以覆哂全份卷，但都keep住每次有九十多分。

我的意見是：
如果小朋友喜歡公文數的形式，確實有助計算的快而準，試問如果份卷唔夠時問做而做唔哂，全部題目都識又有什麼用？如果小朋友不喜歡做太多計算，不如自己出一些算式比佢地做，份量比公文數少，又可keep住個計算速度，唔知我的分享幫唔幫到大家？

HPChingchingma

我仔仔（保）習亞ＳＩＲ曾問佢地當中，有誰學公文數．　如有就另外執開上數學堂，指佢地概念唔好，至於點唔好，就唔知了．因為我仔仔沒有學過，所以無分開上堂．

marinayiu

Hi  all mum,

好多謝各位的回應, 綜合了咁多位家長的意見, 似乎大家都覺得公文數係"功多藝術", 做得多一定係好d, 我自己也有同感, 但最擔心的是小朋友受不受得住, 我想, 以我女兒的性格,公文數不太適合, 自己買些練習來做就算.

多謝大家的意見.   

marinayiu

Hi mimi1234,

你個仔好叻呀, 次次90幾.
其實我身邊一些朋友的仔女, 並無讀過公文數, 數學一樣幾好, 我覺得都好多野都好講天份, 當然後天的努力也不少得.

mimi1234

marinayiu,
我個仔有冇天份就唔知，相信佢都係靠不少後天努力。平時測驗、考試前會做一些數學補充，會選測驗形式的習作比佢做，因為這類習作有齊所有課題的題目，每份卷可以重複再做，如果發現佢某類題目比較弱，才集中再做那一類題目。我一向不贊成臨急抱佛腳，所以我平時都會比佢做，約一星期一次啦，上學期考左的課題都要做呀，因為年尾會全部考哂，希望幫到你啦！

yammyma

我兩個小朋友都學過公文數,出黎既效果唔同. 阿囡小二開始學,train到佢計算快而準,同埋可以自動自覺做晒d功課,但一到文字題就唔掂.阿仔k3學,初時都幾好,但後期突然由五頁習作加到十頁,本應佢可以好有成功感咁做晒,由於突然多出一陪,變左無興趣做,最後直情抗拒無再學習.

marinayiu

mimi1234,

相信你仔仔是一個好勤奮的學生.  我女兒明年升小一, 到時我會全職照顧她, 現正想收集一些好的經驗, 希望可以在學習方面幫到她. 例如, 如何安排時間? 學習方面是否需要每天做補充練習等, 可否講講你們的經驗.

Thanks!

mimi1234

marinayiu,

都要睇你個小朋友間學校功課多唔多？適量的課外補充是需要的，不過亦要量力而為，小朋友能力做不到的，不要強迫。應就他的能力而安排份量。
我個小朋友間學校功課不多，所以每天做完學校功課，都有時間做我比佢的課外練習。不過，如果是一年級，數學方面就不用做太多測驗了，只做計算都ok啦！我記得我個小朋友一年級都冇乜做數學補充！
都是那一句：不要臨急抱佛腳，平時有做少量練習和溫習，到考試就不用那麼辛苦了，因為我要返工，唔通考試前夕用幾小時可以幫佢溫哂D書咩？

marinayiu

Hi mimi1234,

請問你是每日都要安排中英數補充練給仔仔做嗎? 我想, 如三樣都要做的話, 再加上學校功課, 小朋友會否抗拒? 還是每日一樣好些? 另外,請問在哪裡可以買到適合的補充練習?

Irene_BB

其實每間學校程度不同﹐最好自己出去看看(商務和三聯都有很多)

mimi1234

marinayiu 寫道:
Hi mimi1234,

請問你是每日都要安排中英數補充練給仔仔做嗎? 我想, 如三樣都要做的話, 再加上學校功課, 小朋友會否抗拒? 還是每日一樣好些? 另外,請問在哪裡可以買到適合的補充練習?

marinayiu,

你個小朋友細個，唔駛做咁多，如果佢學校多功課就唔可以安排太多，但如果佢功課不多而又應付得到，中、英、數每日少少都可以。我間中就會問下仔仔，我比佢 D 功課會唔會太多、太少？必要時就會調整一下。因為星期六、日有課外活動，所以課外練習會盡量安排在星期一至五(測驗、考試除外)，星期日就會多D佢自己的時間了。我識有個朋友話佢個小朋友，每晚做功課做到十一點幾，咁仲邊有時間做額外的補充呢？最緊要配合小朋友的能力、性格，個個小朋友的時間表都唔可能一樣ga。

marinayiu

mimi1234,

真係好多謝你的分亨及提點, 我就係覺得自己個女比較貪玩, 不太喜歡做太多功課, 曾經試過學珠心算, 都係因練習太多而放棄了. 所以我才決定全職照顧她, 希望一開始就等她有個好的學習習慣, 但就真係好擔心她會抗拒做課外功課.
另外, 想問下書局賣的課外練習是否有埋答案?

mimi1234

marinayiu 寫道:
另外, 想問下書局賣的課外練習是否有埋答案?

marinayiu,

大部份都有答案，你買之前睇清楚，我記得有次不小心買了本沒有答案的數學補充，幫佢對答案的時候唯有自己計一次，好彩當時是低年級。
***最重要是一定要幫佢對答案，佢錯的題目一定要教番佢，如果唔係，就做黎冇用啦！
放心啦，你放咁多心機落小朋友度，決定全職照顧她，一定OK。
我好相信比小朋友做課外練習或定時溫習課本，是可以 "習慣"的。我個大女比仔仔大四歲，佢由細見到家姐做完學校功課便做我D功課，佢幼稚園的時候，已經覺得做我 D 功課是 "理所當然" 的事了。不過，每個小朋友的性格都不同，仔仔有時會同我 "講數"-- 唔做咁多，家姐就永遠默默耕耘 -- 全力以赴。記住同小朋友 "有商有量" 呀。

marinayiu

mimi1234,

原來你仲有個大女gar ? 應該讀緊中學了吧 ? 睇你的描述, 相信她成績一定很好.
我也希望我的心機不會白費, 希望不會太遲啦.

marinayiu,

大部份都有答案，你買之前睇清楚，我記得有次不小心買了本沒有答案的數學補充，幫佢對答案的時候唯有自己計一次，好彩當時是低年級。
***最重要是一定要幫佢對答案，佢錯的題目一定要教番佢，如果唔係，就做黎冇用啦！
放心啦，你放咁多心機落小朋友度，決定全職照顧她，一定OK。
我好相信比小朋友做課外練習或定時溫習課本，是可以 "習慣"的。我個大女比仔仔大四歲，佢由細見到家姐做完學校功課便做我D功課，佢幼稚園的時候，已經覺得做我 D 功課是 "理所當然" 的事了。不過，每個小朋友的性格都不同，仔仔有時會同我 "講數"-- 唔做咁多，家姐就永遠默默耕耘 -- 全力以赴。記住同小朋友 "有商有量" 呀。