新手媽媽

StepStep504

我都好想知呀~

Radiomama

1) playgroup-玩的成份居多，有人視為報PN的前哨戰或準備。
我仔當年是一路只玩playgroup, 然後直接K1.
2) 私營playgroup, PN & 幼稚園，已進入一條龍服務，有名氣的幼稚園都加入市場分一杯。
其餘問題豐儉由人，私營、NGO差別好大，有人揀屋企附近、有人專誠去九龍塘，無一定。

Radiomama

寶山幼兒園？or 救世軍幼兒園？

聽講兩者都是一出世就要排隊，坊間有些誇張到話未出世就入紙，我未親身見䛊過，不知。

定下bugdet再去幼兒園那邊search吧！比較貼近現狀。

Christi

Q1: pre nursery 同play group 有分別嗎?是否選擇其中一種就可以喇?

按我的理解,pre nursery (簡稱PN)又叫學前班,通常啲學校有PN的都係收2歲左右幼兒,讀完一年PN,就升K1>K2>K3. 有啲Kinder有開PN-K3的,有啲只開K1-K3的.至於play group,就隨時上都得,有啲for細至6個月BB既play group.也有啲play group基於市場需要而在課程設計上類似kinder的PN班.

是否選擇其一? 其實理論上可以兩個都上,或兩個都唔上,或讀PN>K1>K2>K3,或play group>kinder.理論上,唔讀Kinder 都得>>當然這只是理論上來說.

Q2: 我BB July/2014 出世，我幾時要報名play group 或者pre nursery 班？怎樣可以取到學校資料。

取學校資料>上學校網頁,上BK,致電學校查詢. 幾時報名,難講,間間不同. 鎖定一堆目標後每間去問.

Q3: pre nursery , play group 完成後，是否就是上幼稚園？
PN完成後是K1-K3. play group是架構之外的,隨時上,隨時停,冇乜所謂.

Q4: pre nursery , play group 收費大概幾多？媽咪也一起上嗎？讀幾耐㗎?
PN讀一年. 通常由幼稚園開辦,開學頭一星期或者可以有家長陪,之後就自己上. 至於其他問題,一樣,間間不同,要自己問.

Q5: 有咩好介紹?
點答? 太空泛,唔識答.

最重要>>>像樓上網友建議,去[談幼兒園]那裡問啦,很多對口家長.

Christi

剛發現原來你bb 才一個多月大！不必咁快就緊張playgroup / pn 啦，呢個時候可以多看親職教育既資訊，學習點樣做媽媽，點面對bb每一個轉變，點幫佢建立自信、 令佢有安全感仲好！經驗之談，如果呢啲處理得好，日後受用無窮。

Yanamami

Christi 發表於 14-8-19 23:31
剛發現原來你bb 才一個多月大！不必咁快就緊張playgroup / pn 啦，呢個時候可以多看親職教育既資訊，學習點 ...

Yes, parenting真喺乜都要親力親為，無得外判。自己越花多d心力，越有心思（唔喺過度緊張果種），將來既收成就越大。

我記得到BB幾個月大，我就帶她落公園（抱呀，好重架）、超市，周圍同她講野（唔好講BB話），話她知樹呀、蝴蝶呀、橙呀、魚呀、紅綠燈呀。。。。。好有心機煲魚粥、整定西蘭花蓉、甘筍蓉。。。都好多功夫，所以暫時真喺唔洗禁緊張playgroup住。

Yanamami

hoklingpauline 發表於 14-8-20 09:23
因為見到有㘹媽媽話BB一出世就要開始找，一些合心水仲要一年前報名。
請問你所說的資訊在那可以得到？



  ...

禁去“幼兒”果邊望下，睇自己有乜心水playgroup先囉。睇完有target，就上校網或打電話去學校問下報名情況。自己做下功課，睇有邊幾間啱自己先。有學校可能叫你快d黎報，有d可能叫你過一年先再打果黎問。總之問定如果要報名，幾月攞表呀，幾時要報呀。。。。

Yanamami

題外話，我阿媽教落，如果唔想BB偏食，就要喺食固體食物時，乜都俾他試，就算有d野媽咪自己唔like（say芹菜），都要整俾BB taste下。一次唔食，隔一排再俾她試味，再唔食又隔一排再試。唔喺話要逼她食，只想她習慣唔同味道。唔喺細個唔食，大個無端端叫她食都好難。

Yanamami

hoklingpauline 發表於 14-8-20 09:40
曾經有媽媽問我play group 想要啲乜先？我其實什麼也不䁱，其實play group 有D乜可以簡？因為我什麼也是零



...

Playgroup嘛，目的都喺想BB多接觸其他BB，同其他人social一下，番去都喺玩下，唱下歌，畫下畫，所以太細番，其實喺個大人玩，個BB俾人舞來舞去。而家兄弟姐妹少嘛~~父母又番工。想BB多d有機會同人解觸禁考幼稚園就唔會禁驚青。人人目標唔同，有人要make sure如到有名既K1, 就要讀定其playgroup、nursery。有人費事BB喺屋企對住工人、有人緊張怕學少左野。我大女10月出世，唔怕生保，無上過playgroup；細女1月，喺申請K1前有好多時間喺屋企，我唔想她悶，個人又怕羞，就有上playgroup。

想要多d playgroup資訊，真喺要問番“談幼兒園”過邊d媽咪，d料應該update d。