我被個仔激到就快嘔血

leungchingwo

校隊游完泳去更衣室冲身，去咗兩次了都唔識開花灑，我讓佢問別人，佢唔敢出聲。就來八歲人了，都是勁細膽，第二次穿好衫出來，我問佢冲咗身沒？佢答冲佢，我冇懷疑。第三次佢爸爸帶，一入更衣室發現佢唔冲身，問爲什麽？佢話唔識開水喉？隊中有一個係佢二年班的同學，對佢勁nice，就馬上話幫佢，但佢對人又好冷淡哦。冲完身出來穿褲又唔坐下穿，就站住搞到條褲踩在地下勁難搞

MonkeyGirl

樓主一定平時已幫仔仔安排曬所有野?? 想問仔仔平時在家, 點樣沖涼 ?

ngyk

如果你的兒子是細膽型, 你越話他越縮, 心平氣和些, 慢慢教吧! 最重要攪清原因, 可能龍頭是用力按着那種, 有時是比較難按和麻煩, 這件事我覺得較要注意的是他騙你說他沖了涼, 你要鼓勵他有問題時要跟家長講, 不應隱瞞.

Yanamami

自理從在家裏開始訓練. 鬧, 係唔會得到你想要果個結果. 禁小事唔洗嘔血喎.....

Jane1983

真係可能同小朋友平日用開的吾同，所以佢吾識。
吾好鬧，要了解和鼓勵呀！

JJDBB

要鼓勵了，不可罵，你罵得多佢不同你講真話仲衰！
在家好好的傾下，自理慢慢學。

Meikin

好小事啫, 唔洗嘔血, 否則再大些男孩子重有更多東西可以令阿媽心臟病發.....

你嘗試下用一個膽小的8歲孩子去諗, 咁你阿仔的所有行為都可以解釋到; 記得當年自己這個年紀時也不是一樣烏烏下.  做錯唔緊要, 最緊要從中汲取經驗, 下次做好些, 或勿犯同樣的錯就OK啦.  

對膽小和內向的孩子要多加鼓勵, 幫助佢增強自信, 勞氣和鬧是解決不了問題.

TwoBabies

男仔好多時會這樣的,唯有在屋企做起!

leungchingwo

佢從一年級就自己冲涼，冲完出來唔識抹身，身上仲有好多水就穿衣搞到底衫都濕晒，次次都教佢將個毛巾打開先，佢都做唔好，個毛巾卷到成個波咁，都教咗幾年了，冇滴改近，真係好鬼惱，總之是自理自治能力都好差。唉…

Jane1983

而家8歲人仔，仲係好細，慢慢教。吾好哦，係講解，跟住示範，再觀察佢。
有耐心，一定得。

MrBeast

盡力和他建立互相信任關係，比佢明白有困難爸媽一定會和他一起解決，不然大些到了反叛期冇計傾或會幾麻煩。

HowardC

我個仔自理能力也是很差，而且樣樣都不想學不想做。

hugo2004

養個小朋友唔簡單,教個小朋友仲更加難!

YYQQ

男仔好多時都好求其

aeiou_drm

我仔都是8歲, 他游完水抹身都好求其o架, 不如你找一,兩次, 陪他到家庭更衣室, 教他做法和看看他點樣做,  應該不太難的.

ah-ho

我個仔就係由我教到識得自己沖涼。用左1、2次就搞掂。
其實我既方法好簡單，就係企係出面睇住佢，佢一路沖，我一路教點做，但唔會落手幫佢。抹身都係，淨係幫佢拎毛巾（因佢唔夠高）。
亦試過一次係泳池比佢試，都ok。（我係爸爸，所以方便D）
其實都睇佢肯唔肯學，因為早排學校有游水堂，逼到埋黎，佢可能唔想係同學仔面前出洋相，所以今次係好主動學習。

1234ats

听楼主描述，似乎你仔仔欠缺组织能力与模仿能力，估计他做其他事情包括玩耍都可能有问题。也可能是发展迟缓或其中一种发展障碍。他平时温书做功课是否都有人替他安排好？
我觉得先要教他如何思考，小孩应该对新鲜事物有好奇心，面对处理不到的事情首先不要逃避，而是要想办法克服。
如果教他如抹身等动作他都有困难，可考虑每天冲凉前先花些时间把整个抹身动作细分慢慢教，一天教一些，比如开始是教他找出毛巾的角或边然后打开毛巾，待他能做到你满意后才教他下一步。这需要多点时间与对耐性，但毕竟你已教了很久都没改进，总得要换个办法试试。

leungchingwo

好多謝大家地分享，可能我都是鬧得多搞到佢個腦都實·咗，做事好求其，唔想後果，有時真想當看唔到，但見佢唔想學就來氣，明明唔識總死頂話識晒，跟著我就好難控制自己唔發脾氣。

MrBeast

掉返轉，如你細個時答唔識就會比大人鬧，你自己又點講。

Ps, 我小朋友有時也會這樣，盡量平心靜氣說要知你有乜困難才可幫到你。