2015年2月B,讀緊PN, 今年讀K1, 應該今年面試見K1定K2, 煩

yotakako23

轉眼間，我個仔2015年2月B, 插班讀緊PN，我個仔雖然27個月，已經識講500個字（中加英），識1-10中英文，顏色中英文，26個英文字母，講短句子，返學唔扭計，老師說今年會讀K1，話咁快9月就到，又要準備幼稚園面試了，我想簡間一條龍既幼稚園，到時升小一唔洗煩。。。到時見K1定K2，煩。。。。但又冇理由讀多一年K1。。。。。
咁可唔可以一間學校報K1又報K2?

50686345

除非你讀國際學校或某些私校，否則升小前一定要讀多年

Diama

我個女都係2015年2月B, 足兩歲就插班讀緊PN下學期，但黎緊9月都係返PN ,未足3歲好似唔讀得K1架喎。。。

Diama

唔係3歲, 應該係2歲8個月

gromityaya

K1開學要足兩歲八個月，就算幼稚園比你讀k1,到升小一都唔係適齡，要遲一年

c50382952

完全唔明白點解樓主個小朋友明明係2月大B都要攪咁多野將個囝變做超細b迫佢同大1年既小朋友一齊讀，通常都係上一年既超細b先會做插班呢d野，你攪完一輪咪又係煩到自己又煩到個小朋友，點都要升小學前repeat一年。小朋友好慘，明明pn識左班朋友仔，之後又唔上唔落又可能無得升上k1,唔通到時又係開左學幾個月先插班咩。其實番pn班已經係讀多人一年嘞，無需要自尋煩惱攪咁多野令小朋友要再讀早過人哋喎，去下playgroup仲好啦。其實今年8,9月先讀pn班先啱，唔好唸k1嘞，嚟緊k1係留俾2014年出生既小朋友讀㗎。仲有唔好以為你小朋友做到上面d野好叻係資優所以要讀早人一年，其實好多同齡既小朋友都做到，不過大家都唔會無啦啦插班，因為做自己個年度大B咪幾好，除非係11或12月嗰啲超細b先會有樓主的煩惱。即係你囝應該下年2018年讀k1好d。

ccoffee

我仔係2015 一月b...冇插班，今年8月係讀n
如果你想今年報k...下年讀...係報k1
唔係k2....

yotakako23

明白 。。。。。

因為麻麻爺爺湊我個仔辛苦先插班，咁啱我個仔2歲個陣有位，仲要係屋企樓下

另外，係老師說好大機會說今年會讀K1 ........
而且讀K1,學費平一半，讀PN,一年5萬蚊學費 。。。。

點都好，唔該晒你地。。。我都諗住下年比個仔重讀K1, 因為會轉另一間學校

natalie1024

yotakako23 發表於 17-6-6 00:34
明白 。。。。。

因為麻麻爺爺湊我個仔辛苦先插班，咁啱我個仔2歲個陣有位，仲要係屋企樓下

其實要喺2017年9月1日開學讀K1 (都已經唔講好多學校會8月中就適應開學)，小朋友一定要足兩歲八個月大，即係最少要喺2014年12月31號出世，就算係2015年1月1日出世嘅小朋友都唔夠歲數讀K1，所以你個小朋友2015年2月出世係絕對冇可能今年讀K1的，你最好問清楚個老師係唔係講錯...... (emoji)

seefiona

yotakako23 發表於 17-6-6 00:34
明白 。。。。。

因為麻麻爺爺湊我個仔辛苦先插班，咁啱我個仔2歲個陣有位，仲要係屋企樓下

我同你一樣，都係插左班讀PN, 但黎緊9月會去第二間讀PN,因為點都唔會適齡讀小學，即係你PN-K3是但要repeat 1 年， 我都係費事老人家湊得辛苦所以插班既，我讀緊果間都係話今年9月會俾仔仔升K1, 但本身我知其實係要repeat 其中一年既

gromityaya

其實我覺得幼稚園咁樣建議家長升班，好唔負責任！
如果家長唔熟識升小，真係升咗班點算呢！講真小朋友得兩歲，家長真係未必知原來有咁嘅問題

yotakako23

我本來都想個仔重讀PN, 不過只有一間半日制學校收佢。。。我個仔都好適應讀全日制，想佢讀全日制，唯有讀返原校。。。讀一年K1,下年轉校重讀K1