反叛期？

櫺囹桼

反叛
曲:渡邊茂樹    詞:林振強    編:渡邊茂樹
        師長很關心的說  不溫書怎會做人
        爸爸很緊張的說  不准穿短褲熱裙
        媽媽天天訓導  說少女要留心
        男孩如凝望你入神  萬別讓他接近

        歌曲中詩般戀愛  篇篇很優美動人
        枕邊的痴心小說  本本都使我入神
        不清楚戀愛事  我卻有好奇心
        然而常常像個犯人  樣樣被豁限真難忍

        * 每次我說我不滿  尊長即加倍主觀
        次次判我不對  太似冒牌法官
        快要踢爆汽水罐  因抑鬱塞滿血管
        成年人常令我煩悶 *

        # 苦悶  心極悶  到處有太多審判
        反叛  想玩玩  但被限制怎去玩
        苦悶  心極悶  永要我早歸家去
        反叛  想玩玩  實在我喜愛夜半 #

        親戚都誇張的說  沙灘中充滿壞人
        爸媽都關心的說  應專心家裡練琴
        不清楚戀愛事  我卻有好奇心
        然而常常像個犯人  樣樣被豁限真難忍
        Repeat * # #


其實對於小朋友踏入反叛期，我也沒有甚麼心得，都係邊行邊諗...邊學邊做！總之一切唔好太嚴，又唔可以太寬鬆...(鬆緊尺度以佢生活圈子、學校不同而作出修正！)

我囡囡好八，一日好多野講呀講(校園/同學...)...我就借機灌呀灌(同佢分析下、畀d意見佢...等佢自己諗啦！)~咁應該好過直接教導好多！

ABCD媽咪

哈哈哈哈...這首歌...我讀書時唱過的呀..

Patrickyyc

阿仔今年11歲，讀小6快升中1，佢由細到大都係牙屎刷刷，自信心爆晒燈，講一句駁三句果隻，我好多時都麻木晒，冇佢咁好氣！尤其是在大庭廣眾的地方，佢更加要做場大龍鳳你睇，搞到我受盡白眼，同埋背上「無家教」的罵名。依穿成日聽埋D乜野初中反叛期，真係好驚，到時我的「小魔怪」會唔會渣刀擘我架！     

ABCD媽咪

其實我覺得反叛期係小六嚴重d
一來在學校係最高果級
覺得已好大個仔大個女
唉
成日想同父母睇齊
@_@
我已成日調適自己..佢已大個
不能再用嚴管
唉...

HPChingchingma

我大少不知是否遲熟呢.
到而家 P.6 了 . 都係好頑皮 , 好貪玩 , 攪攪震 . 口水多, 認叻 , 仲係好容易尋的一族.  俾佢鍾意食的糖 , 買超人都OK. 最近才發覺佢有駁咀的情況出現.

這樣的男仔上了中學是否仲反叛 , 仲難搞 ???

cmancman

我個女宜家小六,佢上學期開始咩都話佢自己會攪,叫我米煩... 又唔想我入佢間房,又經常煲電話粥

weweroxy

我都覺得係, 有時都唔知佢想點. 有野佢都未必同你講.

櫺囹桼

EVA222 寫道:
青春期每人都經歷過,唔知點解到了做家長時就忘記得七七八八.

當然唔會忘記！不過觀點與角度唔同哂...就好似一個打工仔咁(交足功課冇呃公司已經對得住天地良心...)，但一旦做左老闆，要求就完全不同！(要兼顧

stellalee

櫺囹桼>>
你講個首歌好認景喎！正是年青人的心聲。你講你同你女的相處都幾好呀！我都有時會咁做，有時有d野就真係要教佢地。例如談戀愛問題，對中學生和家長來講係一個大課題。


HP Chingchingma>>

你仔仔有無寫記念冊呀！如果有你仔仔有無比你睇呀！

HPChingchingma

stella>>

而家紀念冊是活頁 , 有好多張佢都有給我看.
可能我都有拿出我小學 , 中學果本給他看.
所以有我有得睇.   

但有一兩張我看了但未看完就取回. 不過都估都啦 ,
係開始喜歡女孩子    

ABCD媽咪

程媽
哈哈哈....恭喜呀...你個仔終於動凡心啦
我果個成日迫我睇佢果d紀念冊...
不過來來去去也係果幾句
我當年會寫好多野架...會寫o甘多年的一d紀念的事
佢地也無的@_@


唉...駁嘴我個女也會有
我真係有時接受唔到佢駁我嘴架
不過回想我小時...也會頂撞兩句
嗚...還我當年聽話的5歲的亞女.
有時比佢激到半死

大女小六時也會駁下嘴
反而上到中學又無喎
突然懂性o甘

好笑呀..亞a女同b女講呀
六年級係會反叛架啦...到中一就會識諗
b女同我講...家姐話我現在駁嘴係正常架
駁到中一就會聽話架啦

HPChingchingma

      

a 女教 b 女就所以為 小六 是打正招牌要駁嘴的定位.

而家的紀念冊己有範圍跟寫上就ok. 如給我第一次印象 .
如何相識 . ..........給我鼓勵等

我覺得好好笑 , 好可愛 , 好純真 , 好美.......  

不過 , 有同學話 : 你地唔會有結果  ....... :cry:  :cry:

sorlo

我個女六年級, 今年九月中一啦, 自信心爆哂，又主觀, 　心儀一間英中，　就其他都唔想, 填表好似只係想填一間, 其他乜都好少理, 講座又唔去聽，　覺得自己實得咁 - 其實佢只係band  1中游成績-

自私到爆, 小氣到爆，　講野大大聲，　做野好漏氣, 你吹佢佢就話你煩, 響人臉前比臉色你看, 死未

但係佢好起上泥, 好乖，好正經，　又有心思整野比你食，　好關心你，　   吹漲

ABCD媽咪

程媽
我也學緊做人亞媽
應該放個定位係邊呢???
我成日覺得...講大話係最唔要得
岩岩早幾日亞b女去做project..
路途中同d同學影左貼紙相
唉...點解要瞞呢?
我又唔會反對的...我也了解小六last year
同學間想影相呀
坦白咪好囉
洗乜講十個大話去瞞一個無聊的大話

HPChingchingma

ABCD媽咪 寫道:
程媽
我也學緊做人亞媽
應該放個定位係邊呢???
我成日覺得...講大話係最唔要得
岩岩早幾日亞b女去做project..
路途中同d同學影左貼紙相
唉...點解要瞞呢?
我又唔會反對的...我也了解小六last year
同學間想影相呀
坦白咪好囉
洗乜講十個大話去瞞一個無聊的大話

係學緊點做 與子並進 的 好媽媽是嗎    

我叫亞仔用手機拍多的 , 又仲可帶相機    
我好 out .......
無諗到貼紙相添, 以為中學才行呀. c 啦    

ABCD媽咪

不過...我真係覺得
小六,f.3....會係反叛期的一個重要時期
小六就如我地講啦
在學校係高年班...成日講野要豪氣..要大人feel
一到中一...突然跌到做f.1仔..
比d高年班戳下銳氣
到f.3
對學校熟左...又未到會考的緊張
果一年又有時間反叛了

HPChingchingma

係呀 ! 我也覺得 F.3 係最反叛.

真係好多野擔心   

ABCD媽咪

程媽
男仔就o甘影下相就ok
女仔要影果d瘦瘦美白功能果d貼紙相
@_@

我老公成日叫我放開d
小朋友...連我地也經過呢d過程
不過我又怕一唔管
學壞3日...學好3年..
點算好?