名校大門八字開 有才冇財莫進來（太陽報太一叮）

elbar

下學年小一自行派位尋日公布結果，例牌又係有人歡喜有人愁，而笑得最開心嘅，例牌又係有兄姊或者父母喺學校讀書做嘢嘅所謂「世襲生」。計太一叮話齋，「自行派位」呢個名其實有少少誤導，叫「自行繼位」就差唔多。

即係咁，今年有五萬幾個適齡學童參加小一自行派位，當中二萬二千幾人獲派學位，成功率有四成三。冇錯，今年報名人數輕微下跌，成功率十七年以來首次回升，但都係得零點六個百分點咁大把，而喺獲派位嘅學生當中，「世襲生」就佔咗半壁江山，你話係「派位」定「繼位」吖。

咪以為其餘學位按「計分制」分配，普通子弟就有運行呀。不可不知，加分嘅兩大重要指標，一個係有家人曾經喺學校就讀，另一個係住喺學校附近。亦即係話，前者無世襲之名，有世襲之實，只係「繼承順位」冇咁高咁解啫；至於後者咯喎，你知啦，多數名校位於豪宅區，套用一句網語︰呢啲分唔係屬於普通人家嘅。

好嘞，如果閣下既冇好血統，又冇厚家底，貴子弟仲有冇機會入讀名校呢？唔係話冇嘅，同中六合彩差唔多囉。正如有教育界人士指出，自行派位報名人數少咗，係因為雙非家長覺得機會唔大而索性放棄，有幾多人會喺第二階段搶位，仲係未知之數。仲有吖，近年推行小班教學，名校學位買少見少，而「世襲生」又冇減少到，搞到好多學校將原本留畀統一派位嘅學位拎出嚟「填氹」，七除八扣之後，仲有幾多位剩番畀基層學生吖？

所以話啫，無論世襲制又好，計分制都好，都係保護權貴子女，剝削寒門子弟，有人形容呢套「兄位弟及」或「姊業妹承」嘅制度已經唔係教育不公咁簡單，直頭係教育封建，真係一啲都冇講錯o架！

老實講，今時今日嘅香港，早已經係學校大門八字開，有才冇財莫進來o架嘞。有幼稚園搞幾萬蚊天價遊學團，名牌中小學紛紛轉直資，大搞貴族教育。大學就更加唔使講，資助學位長期僧多粥少，港府一直懶懶閒吊吊揈，講到有錢賺嘅副學位同收非聯招生就鬼咁熱心。學校認錢唔認人，提倡因材施教、有教無類嘅孔夫子如果泉下有知，肯定激到大嗌「吾不欲觀之矣」！

都係嗰句，教育不公係最大嘅不公，基層孩子輸在人生起跑線上，仲講咩向上流動，仲講咩解決跨代貧窮吖，叮！

shadeslayer

咪以為其餘學位按「計分制」分配，普通子弟就有運行呀。不可不知，加分嘅兩大重要指標，一個係有家人曾經喺學校就讀，另一個係住喺學校附近

Xxxxxxx

住得近有分加咩？

同意教育是影響向上流的機會。但是誰把名校和教育畫上等號？

goodenough

shadeslayer 發表於 14-11-25 13:15
咪以為其餘學位按「計分制」分配，普通子弟就有運行呀。不可不知，加分嘅兩大重要指標，一個係有家人曾經喺 ...

誰把名校和教育畫上等號？
這是一個好有趣但非常諷刺的問題。有趣之處在誰也不會認，諷刺之處在一方面默認了，另一方面還繼續去推波助瀾。

現今世代，我們將教育變成了進大學的機會，而名校就是有高的入大學率，因此而順理成章的將教育和名校畫上等號。

中學還容易一點，因為升中時有自行收生給學校作篩選，就算大抽獎都得靠教局的得意傑作，就是將同學分banding。要選英中學校或band 1級別的學校，你得要成績達到band 1級別才有機會。在現今制度下，無可否認的是band 1級別的學校能收到band 1學生又真的較多而又有較高的入大學率，而一些名校更是一眾band 1級別學校的典範！

除了一些私、直小學，一般小學都因為沒有因應成績的考慮，只憑分數或抽獎來收生，同學的程度參差。越是名校越多人冒名而來，六年下來，高下立見，有的甚至抵受不住功課的壓力會選擇離開。有人辭官歸故里，有人漏夜趕科場，當有人離開就有人補進來，如是這樣的交替就可確保名校的質素，又可提供一定的優秀人才給中學。

當各名校同學充斥著各大學校園的時候，名校所走的路又真的可以瘋癲一眾家長們。那夠竟誰在名校和教育之間畫上等號已懶得再去深究了！

shadeslayer

原帖由 goodenough 於 14-11-26 發表
誰把名校和教育畫上等號？
這是一個好有趣但非常諷刺的問題。有趣之處在誰也不會認，諷刺之處在一方面默認 ...

香港何時淪落到非名校的教育就不是教育？ PISA 的好成績是全港的。

記憶中，喇沙的入大學率只有五十多巴仙，比很多學校低。我懷疑家長追捧名校，不一定著眼入大學率。

名校當然有其好處，但入了名校一定可以讀好書？不入名校就沒有教育？

elbar

shadeslayer 發表於 14-11-26 13:35
香港何時淪落到非名校的教育就不是教育？ PISA 的好成績是全港的。

記憶中，喇沙的入大學率只有五十多巴仙 ...

上年喇沙升三大學率有五十多巴仙, 不是一般學校能做到

shadeslayer

原帖由 elbar 於 14-11-26 發表
本帖最後由 elbar 於 14-11-26 13:45 編輯

只看入大學率，一些地區校更高。

elbar

shadeslayer 發表於 14-11-26 13:35
香港何時淪落到非名校的教育就不是教育？ PISA 的好成績是全港的。

記憶中，喇沙的入大學率只有五十多巴仙 ...

shadeslayer 發表於 14-11-26 13:58
只看入大學率，一些地區校更高。

根據下表, 喇沙書院 的入本地3大學學士學位率(港, 中, 科)有55%, 未見有任何地區校能及

2013 部份著名中學文憑試表現

如你所指係 陳瑞祺（喇沙）/ 新界喇沙 就另計

shadeslayer

原帖由 elbar 於 14-11-26 發表
本帖最後由 elbar 於 14-11-26 15:00 編輯

唔知有無鄧顯，林護等數據。記憶中他們只計公開試成績好勁。還有，這裏講以教育上流，不應計三大，應計所有大學生。

shadeslayer

原帖由 shadeslayer 於 14-11-26 發表
唔知有無鄧顯，林護等數據。記憶中他們只計公開試成績好勁。還有，這裏講以教育上流，不應計三大，應計所有 ...

呀，你提供的資料有鄧顯及林護，我走眼。的確喇沙三大率稍勝鄧顯，但名氣喇沙遠勝鄧顯。而且計我話入八大率才較有用。

入名校，也未必讀得掂。入到，咪慶祝開心下，入不了，是𡟇份未到，也不是世界沒日，不用說到上流咁嚴重。

goodenough

shadeslayer 發表於 14-11-26 19:14
呀，你提供的資料有鄧顯及林護，我走眼。的確喇沙三大率稍勝鄧顯，但名氣喇沙遠勝鄧顯。而且計我話入八大率 ...

除了直資和私立的學校可享有自主收生和提早收生之外，一眾官津名校都受到升中制度的不同程度制肘。如沒有直屬或聯繫的中學，最多是可以收到70%是大抽獎進來的，參差的情況可想而知。
因此，在名校當中也要有拔尖補底的措施，雖然這些尖可以是非常尖，但這些底亦有可能跟一般中學無異。要在名校中爭尖是難，讀唔掂的情況應該是少了，最起碼你還得要經歷banding這關。

今天，有直資中學可以攀上9X%入大學率的頂峰，但一般官津學校，好的那一批還不是徘徊在6、70%左右。但請不要忘記，人家8、90%入大學率是指八大，而自己已出盡辦法將所有非資助大學的學位課程、副學位課程和高級文憑課程都全數撥埋落去還不過是只得6、70%，夠境當中有幾多是去8大的呢？唔怪得之而家band 3級別的學校都要標榜入U率了！

名校的吸引力，除了深入體驗名校的既有傳統、除了一嘗那揮淚成詩的校園生活之外，還可希望混在一班尖子當中，從相互比併中進行磨鍊，在相互感染中有所得著，如玩激流，仍可順勢而下，最終到達大海。我諗這就是大家對名校趨之若騖的原因吧！

或許，今天的大學生寧願拿比市場低一點的工資，也寧願辛苦一點也要到一些行內知名的公司和國際大行裡工作。不知是否為日後向上流動容易些？除自己的實力之外，幸運被取錄的可能還得靠一點緣份，當然緣份未到都未必一定是世界末日！

shadeslayer

原帖由 goodenough 於 14-11-27 發表
除了直資和私立的學校可享有自主收生和提早收生之外，一眾官津名校都受到升中制度的不同程度制肘。如沒有直 ...

最起碼你還得要經歷banding這關。

XXXXX

我不懷疑名校好處多，我意思係無論入U率幾高，名校也有讀不好的學生，不是免強入了名校便可開心到尾。

學校成績，大體上是學生質素加上學校教學質素。你也讚同學校收生自由的好處，舊生分亦是影響收生的手段。尖刻些講句，名校之以是名校，可能就是收不到這類學生。

shadeslayer

原帖由 KoWY72 於 14-11-27 發表
咁係咪應該計埋海外升讀top 100之大學？

也無不何。

elbar

原帖由 shadeslayer 於 14-11-27 發表
最起碼你還得要經歷banding這關。

XXXXX

好似 SPCC咁， 中小學轉晒 直資廣收精英，咪無論 DSE, IB 表現都可以全港 首屈一指

shadeslayer

原帖由 elbar 於 14-11-27 發表
好似 SPCC咁， 中小學轉晒 直資廣收精英，咪無論 DSE, IB 表現都可以全港 首屈一指



  ...

中小學也是直資私立，有絶對收生權力，也不只 SPCC，其他的也做不到首屈一指。

辨學資助模式，收生自由度，不能保證收取最好的學生。

elbar

shadeslayer 發表於 14-11-27 22:56
中小學也是直資私立，有絶對收生權力，也不只 SPCC，其他的也做不到首屈一指。

辨學資助模式，收生自由度，不能保證收取最好的學生。

這主要是名氣分野能使 SPCC中小學都能收取最好的學生, 但亦不能抹煞該校教學質素