芭蕾舞 Vs 中國舞

szeric

女女十分喜歡跳舞，幼稚園時什麼舞都愛跳，學芭蕾舞已近兩年，本想轉去較專業的芭蕾舞學校繼續學和開始考試，但升上小學後，功課繁重，要每星期抽兩日上考試班實在很花時間，又有朋友話長久學芭蕾舞可能會令大腿変粗，提議我轉學中國舞，我十五十六，都唔知轉唔轉好，因可學中國舞的地方不多，仲要重頭學起。如想小朋友打好基本舞功，長遠來說，學哪樣好呢？可否幫忙俾D意見，萬二分感激！

caramom

szeric 發表於 12-5-16 22:43
女女十分喜歡跳舞，幼稚園時什麼舞都愛跳，在不太專業的青年中心學芭蕾舞已近兩年，本想轉去較專業的芭蕾舞 ...

Ballet考英國/澳洲試; 中國舞考北京試
兩種舞Syllabus同要求都有不同, 英國皇家規定ballet要考試要一星期最少上兩堂,愈高級堂數及時數亦相應增加,如打算長學要有心理準備
以我咁多年經驗,其實只要用力適當,跳完後按摩大小腿就唔會咁易變粗,但唔多唔少會有d肌肉
不過最緊要係小朋友既意願,因為音樂同舞步都有大不同

Chowying

szeric 發表於 12-5-16 22:43
女女十分喜歡跳舞，幼稚園時什麼舞都愛跳，在不太專業的青年中心學芭蕾舞已近兩年，本想轉去較專業的芭蕾舞 ...

我小時跳中國舞(4年), 大了轉跳芭蕾舞(現 有Advance). 跳中國舞係因為平, 家貧, 比唔起跳芭蕾舞. 我覺得腿粗呢點有d攪笑, 大家都要做小跳呀大跳之類, 點解跳中國舞唔會粗, 芭蕾舞會呢, 你見台上表演果d隻腳粗唔粗呀, 其實係跳得唔好果d先會粗(不論芭蕾舞或中國舞).  

我唔明你朋友點解提意轉跳中國舞, 因為, 跳舞都係一種運動, 一種要求高既運動, 就算係中國舞都要花好多時間練習, 如你問題係時間, 咁兩種舞都唔啱你囡.

如想打好基本工, 咁一定係學芭蕾舞. 芭蕾舞會好仔細咁要求個盤骨唔好歪, 控制重心, 身体四點對正方向等等, 中國舞精髓係身, 我e家都跳唔番孔雀喇.

Anyway, 兩種舞風格好大分別, 都一樣花時間才會好, 不如問吓囡囡實際鐘意邊樣啦.

szeric

多謝你們的分析和意見！我的朋友話中國舞可以改善體態，但無學芭蕾舞那般辛苦和引起的副作用--例如跳到高級時會腳趾受傷變形...小女暫時仍是膚淺地看那種舞的表演服較漂亮來決定是否喜歡跳該種舞，她一向都鍾愛芭蕾舞的服飾，但見到扇和紗巾時又可以話對中國舞有興趣，是否合適就真的要試一段時間才知。小女就讀的學校無中國舞學，她在學校跳西方舞，每年都要接受老師的重新甄選才可參加，我擔心若我貿然轉學中國舞，就連學校的西方舞都無得跳。香港有多間芭蕾舞學校，但專門學中國舞的似乎不多，印象中有李賽鳳和香兒，如果想暑假讓她試下，去邊到學好呢？