同大家分享過去一年既經驗

yammyma

hi! 你地好! 很想同大家分享過去一年既經驗,回想05年既7月放榜日,我個好朋友一早打電話俾我,哭訴佢仔仔派左第8志願既中學,叫我上網幫佢搵沙田區中學既資料俾佢去叩門,經過一星期既頻樸,都搵唔到中學,最後唯有去派位中學就讀,諗住邊讀邊搵,而佢亦叮囑我一定要為女兒作好準備,唔好好似佢咁,諗住靠晒大抽獎,最後要入讀一間佢唔想俾兒子讀既中學. 我開始有d驚,所以都認真咁為女兒作安排,由於阿囡小五第一次呈分成績麻麻,因此喺05年暑假就同阿囡搵左間補習班,睇下佢喺第二次既呈分如何,先同佢搵定目標既中學.
05年11月:
第二次呈分成績好好,即刻同阿囡傾選校既問題,自己一直希望同阿囡報讀直資,想早d決定,唔駛等大抽獎,亦在bk上比較左幾間沙田既直資中學,考慮過教學理念,學費,同家居既距離,同埋符合阿囡既程度,就選左沙田既培基書院,帶阿囡去過佢既中一開放日,參觀過校園都好鍾意,就著手攪profile.
05年12月:
由於培基係分2次收生,就喺佢第一次日期前遞交左申請,點知等左一個月,一d消息都無,就主動打電話問,由於有太多人申請,女兒落選左,當時真係好失望,因為自己係好有信心佢會有面試機會.
06年1月:
由於落選左培基,咁唯有將希望擺喺自行選校度,同囡囡商議完,就選左聖羅撤書院同體藝中學.聖羅撤書院係需要中英數三科同操行B以上,咁囡囡都達到,而體藝因為阿囡熱愛跑步,亦係學校田徑隊員,只是無任何獎,都同佢申請,博多個機會.
自行派位DEADLINE前兩日,就交表到聖羅撤書院,點知當職員檢查阿囡小五成績時,話佢成績唔符合即時拒絕申請,我重申小女六年級時成績已大大進步,但職員都堅持要小五都要符合至得,又一次落選,心情非常失望.仲有兩天自行派位申請就完,點算 ? 就咁放棄呢個機會,定即刻搵個間中學申請,先生話一個機會都要,我就即刻搵BK之友幫忙,尋求意見,最後選取沙田蘇浙中學.
嚮呢度要讚揚下兩間中學
聖羅撤書院 : 即時將唔符合既申請退回,好等學生有機會另找學校.係一個公平既做法.
沙田蘇浙中學: 唔收申請費用,俾我唔市儈既感覺,同埋承諾每一位申請者都有面試機會,非常公平.
  

待續.....

catthinmom

好緊張,好似追緊連續劇,幾時第二集?

yammyma

06年2月:
遞交體藝中學申請:一個自己覺得好渺茫既申請
06年3月:
收到蘇淅面試通知信.同時有個面試模擬表演俾考生睇,等知當日面試程序.
06年4月:
去蘇浙既面試模擬日,得到好多好有用既資料.很好既中學啊!
4月13日打開信箱,收到體藝通知考體能試,好開心,好開心呀,呢次係阿囡真真正正憑自己既成績而攞到既考試機會.
4月22日體能試,我叫阿囡盡力而為,如果覺辛苦,唔好堅持,做好自己就得架喇.經過4月22日阿囡嚮體藝中學內3小時既考試,接觸過學生同老師,同學校既設施後,阿囡非常鍾意此中學,極想入讀.
4月25日上網睇體能試成績,myｇｏｄ！！阿囡ｐａｓｓ左，４月２９日面試，嘩！　好好好開心呀！
４月２９日早上面試蘇浙，點知同當日面試模擬表演既形式有出入，加上阿囡太緊張，連簡單既數學題都答錯，我即時安慰佢，叫佢諗下頭先自己出錯既地方係邊，呢個只係綵排，下午體藝既面試，先係正式架．下午體藝面試，一切非常順利，阿囡仲俾主考老師即時讚賞，但我都同女兒講要平常心，唔好抱好大既期望，一切都要等７１１至知，要努力考埋餘下既試．
７月１１日
期待左好耐，之前數日難以成眠既日子來臨喇．緊張，緊張，好緊張．
阿囡成功入讀體藝中學．   

嚮呢度好多謝有ｂｋ呢個平台，無呢度我搵唔到咁多中學既資料，唔識做ｐｒｏｆｉｌｅ，唔識作推薦信，無ｂｋ之友既幫忙，就搵唔到一間適合女兒既中學，多謝你地呀！！     

catthinmom

大團圓結局~正   

LoveCandy

Thank You for your sharing    

yammyma

ha8mo，

朋友個仔係ｂａｎｄ１生，其實第８位既中中都唔係咁差，但如果自己細路係ｂａｎｄ１　的，都會想佢入英中，呢年佢仔仔讀得好輕鬆，成績好好，而家同佢攪緊中二轉英中，希望佢成功．

yammyma

BB200200

yammyma,

睇完你的"經歷", 我都感受到, 我想問下你小朋友大約係物野BAND ?  因為我個女今次5年級呈分成績得BAND 2(我估), 我都已經按排今個暑假要佢去補習社。我個女係田徑隊, 又鍾意運動 所以佢好鐘意體藝, 而家要睇個女生唔生性    
我個女前幾日同我講佢田徑隊阿SIR話升上六年級有好多比賽, 唔知有無幫助, 但係我又擔心佢成績, 真係做媽咪辛苦      

yammyma

BB200200，

佢第一次係ｂａｎｄ２，第二，三追番上ｂａｎｄ１，老師話佢係ｂａｎｄ１尾．其實今次補習班幫左佢好多，操練真係不可少，我之前都怕阿囡一ｄ運動獎都無，好難有機會入讀，其實而家都驚佢將來應付唔黎，因為一定要修一項運動，都驚佢吃力，不過路係佢簡既，佢應有心理準備．

BB200200

yammyma,

其實我個女平日都有補習, 不過今次英交同數學比較低所以佢趺後左少少, 今日佢派成績話要自己再

yammyma

BB200200，

要修一項運動：係我之前既理解，詳細情況要入讀左至知，另統一派位時係唔需要填體藝，如體藝收左，就唔會有大抽獎機會架喇，

唔駛客氣，如你女兒對體藝有興趣，保持聯絡，我一定將所知既資料同你分享，之前都係多得其他ＢＫ之友既幫忙，我至可以更了解各學校咋．

ruby2004

可否請其他家長也分享你們的經驗 , 相信很多升小六的家長都希望從中得到一些啟示呢 ? thanks

(其實係我最想    )

pcyy

Hi! yammyma,

可否教教如何做profile.

謝謝!!!

pcyy

栗子媽媽

      

yammyma

pcyy，

我份ＰＲＯＦＩＬＥ係情商左阿囡既姑姐姑丈幫手整架，首先封面我簡左阿囡一張生活照做background,再嚮上面加上阿囡既個人資料，第一頁就係阿囡既自我介紹信，點解會簡貴校，跟住係校長推薦信，之後將阿囡既成績表，校內獎狀，校外獎狀，課外活動證書用ｉｎｄｅｘ分好，之後再ｂｉｎｄ埋１份．就完成喇．

yammyma

栗栗，

thanks!!!   

kmp

Dear yammyma,

請問可唔可以再俾多一點有關體藝既資料同你和你囡囡喜歡他的地方, 因我囡囡同你囡囡成績都好相似, 謝謝!

yammyma

kmp，

你好！　首先我地住沙田，而體藝位於沙田，地點合我地要求，另外佢係全部自行收生，有２００個位，而女生由體育科考入既機會係高ｄ既，加上係英文中學，同埋學校設施非常齊備，相信小朋友既中學生活會多姿采，同時因為阿囡既成績係ｂａｎｄ１尾，如果靠大抽獎，而學校又計錯ｂａｎｄ既話，就大件事，萬一要叩門只可叩中中，況且申請體藝外，仍可以有多１間自行選校既機會，何不博一博呢　？
不過，當初報名，信心不大，因為聽講無論體育或藝術都要有獎先作考慮，但見阿囡好想，都同佢一試，佢同班有位男同學，係跆拳冠軍，都只係有考體能試既機會，無得面試，相信係因為佢既成績係ｂａｎｄ３，而家體藝隨左技能外，都著重成績．

AE_bb

yammyma,

好開心見到你嘅努力冇白費

你對囡囡嘅鼓勵真係      

Choi_mama

yammyma,

你真係好了不起呀!  真係一個偉大的媽咪.