純計小一/二默書及測驗，請教 LS StJoe YW DBS 一直三私 CKY 情況

wccfgoldcard

請教 LS St Joe YW DBS 一直三私 港同 CKY SPB 沙田呂小 培正 既家長, 如讀小一/二時:

1) 係咪巳要默書？係咪中英文都要默書？係要默 一段課文 定 一句句子 定 某些生字？幾耐要默一次？

2) 除了考試，有冇測驗？一年要測幾多次？

請賜教，謝謝。

jesswu

Kts
好少默書，仲要唔計分。
一年默得幾次。多數讀默，最多背2句英文句子或一首唐詩

一年三考，有小測但又係唔計分，志在溫下書。功課量不多，日日1小時內可完成。

deco99

cky隨機默書，唔使提早喺屋企溫。一年兩次assessment，無範圍，喺學校老師會同佢哋溫，無排名，試卷唔會派返屋企，小朋友甚至都唔知分數。總之，我未同小朋友溫過書。

Lotsomom

St Joe, 一年三考，冇official測驗，只有個別assessment遊戲形式進行，基本上冇分名次，除咗第三次考試頭5名先會知道。有中英文默書，唔難，P1上學期中文有考默句子，下學期會有讀默文章亦有短詩背默，但小朋友通常響學校已經溫好晒，唔太難。

bettyay

jesswu 發表於 23-6-2 16:26
Kts
好少默書，仲要唔計分。
一年默得幾次。多數讀默，最多背2句英文句子或一首唐詩

補充：印象中初小中文只有讀默，背默要去到小四以上先有，英文真係唔記得幾時先有背默句子，因為要背的都唔會難。
小一第一次考試係唔計分，志在俾同學仔適應考試模式，而第一二次都有唱題目，減低考試壓力！第三次仲有冇唱題目就唔記得了⋯⋯

happy.4ever

YW
1）小一要中英默書，分大默、小默，中文大默範圍一課書（抽默）+另一課詞語+ 拼音4聲，英文小默默生字，大默默課文。中英默書大約每學期大、小默各2-3，另加考默，分3學期


3) 3考試， 冇測驗

Nbranson

Sjps 小一至小四係kun啲.... 但係一上五就好似變咗國際學校，好多時連續兩三日都冇功課！ 好hea....默書就不嬲一個禮拜中一個禮拜英。

Nbranson

回覆 Lotsomom 的帖子

Wanchai SJPS 一年兩考咋噃... 你係咪講牛頭角嗰間

PTL_L

Nbranson 發表於 23-6-4 12:42
回覆 Lotsomom 的帖子

Wanchai SJPS 一年兩考咋噃... 你係咪講牛頭角嗰間

灣仔SJPS 一年三考，你嘅資料係幾耐之前呀？

PTL_L

Nbranson 發表於 23-6-4 12:19
Sjps 小一至小四係kun啲.... 但係一上五就好似變咗國際學校，好多時連續兩三日都冇功課！ 好hea....默書就 ...

我諗你唔係咁update 喇，小五小六中英文默書全年各6次，每個term 中英文各2次，冇official 日子，有機會同一時間兩科都默，但好少機會係咁，大部分都係1星期默1科，又未必下星期默另一科，又有可能會相差2/3星期先默同一科。
至於功課，sjps平日 功課量確唔係多，好多時學校完成哂，但間中會有多功課嘅時候，學校係冇咩學習壓力俾學生，壓力來自父母，因sjps課程唔淺，由其英文，相信都係難難表表姐喇！總括來說，父母自己搞掂！

wccfgoldcard

PTL_L 發表於 23-6-4 14:01
我諗你唔係咁update 喇，小五小六中英文默書全年各6次，每個term 中英文各2次，冇official 日子，有機會同 ...

似乎直私 (e.g. cky, KTS) 都係一年默幾次，次數不多同不太難。

想請問 即 小一小二 (St Joe, LaSalle) 係接近每星期默一次書 (中文或英文) ? 咁咪每星期都要同佢練默書？
另想請問如果 津校 默得成績差，宜家 d 老師會唔會罰學生 或 影響升學？

wccfgoldcard

bettyay 發表於 23-6-4 10:42
補充：印象中初小中文只有讀默，背默要去到小四以上先有，英文真係唔記得幾時先有背默句子，因為要背的都 ...

想請問 KTS 上到高小時，會唔會為左谷升中派位成績，加深或加難測驗程/默書度去谷學生？

wccfgoldcard

deco99 發表於 23-6-2 23:58
cky隨機默書，唔使提早喺屋企溫。一年兩次assessment，無範圍，喺學校老師會同佢哋溫，無排名，試卷唔會派 ...

想請問 CKY 老師同佢哋温，會唔會前1-2日同學生要準備什麼？另如果學生不算自律或留心老師講要準備什麼亦可以應付？如一次半次默得差或測得差，老師會唔會要家長留心或跟進？

PTL_L

wccfgoldcard 發表於 23-6-5 14:35
似乎直私 (e.g. cky, KTS) 都係一年默幾次，次數不多同不太難。

想請問 即 小一小二 (St Joe, LaSalle) 係 ...

低form要搵其他幫手答喇，我都唔太清楚～～
津校會因默書差而罰學生㗎咩？其實默書成績唔好，自己小朋友先係最大損失，有責任心及負責任嘅老師先會緊張，我見有啲老師會幫手預默，而於會唔會影響升學呢？！默書唔駛呈分，其實按制度嚟講係冇咩影響，不過默書目的係幫手慢性串字，對考測係有直接幫助，起碼叫串定先，考測前咪兼顧少啲囉，所以有可以叫有影響。

wccfgoldcard

happy.4ever 發表於 23-6-4 11:28
YW
1）小一要中英默書，分大默、小默，中文大默範圍一課書（抽默）+另一課詞語+ 拼音4聲，英文小默默生字， ...

係咪剛入讀YW冇耐就要默？另第一次考試，你覺得難唔難？

bettyay

wccfgoldcard 發表於 23-6-5 14:56
想請問 KTS 上到高小時，會唔會為左谷升中派位成績，加深或加難測驗程/默書度去谷學生？ ...

完全沒有，由初小至高小功課多屬思考性功課，訓練由細開始。默書由於識字越嚟越多，反而應該係越嚟越簡單！嚴格來講都冇測驗，所謂小測亦唔計分，志在睇下同學識咗幾多！考試教乜考乜，唔會特別加難去谷學生。
學校係有系統地教快及深，同學跟住其教學方法，大部分同學都不知不覺就學了。個人谷的定義係功課多、測考多、成績唔好可能會說話俾家長聽，這些通通唔見KTS 有，所以唔覺學校屬於谷型學校。

hkcsty

我最鍾意不計分的小測，越多越好
反正小朋友唔知幾時小測，家長亦不用陪温書
但小測的結果就好有用！

littlebiscuit

bettyay 發表於 23-6-5 19:15
完全沒有，由初小至高小功課多屬思考性功課，訓練由細開始。默書由於識字越嚟越多，反而應該係越嚟越簡單！ ...

聽落好好, 但點解KTS會俾人話係谷谷3寶之一?

hkcsty

littlebiscuit 發表於 23-6-6 15:18
聽落好好, 但點解KTS會俾人話係谷谷3寶之一?

正如食補品一樣，有人食了身體強健，亦有人虛不受補仲要流鼻血。

bettyay

littlebiscuit 發表於 23-6-6 15:18
聽落好好, 但點解KTS會俾人話係谷谷3寶之一?

可能大家覺得有成績的學校必然是谷卦。

當然谷的定義人人不同，個人覺得的谷已在樓上講咗。如果有教及深，要做思考性功課，唔明的東西唔消化，又唔及時處理，累積起嚟就梗係覺得谷住谷住⋯⋯