獅子山下獎學金湊夠40萬

elbar

                                                                                                
■尖啤（右）早前捐錢幫浸大獎學金，由發起人之一嘅Jacky代收支票。

早排佔領行動期間，一再有機構唔滿意學生參與佔領，宣佈停止發放獎學金畀大學生，結果激起更多無名有心人，出錢出力募捐成立獎學金，鼓勵正直嘅大學生。

由浸大傳理學院老鬼成立嘅「獅子山下獎學金」，就喺短短一星期內，收到逾30萬元認捐額，加埋浸大傳理學院撥款10萬元做「配對」，新獎學金話咁快湊夠40萬元。

八方之前亦寫過，捐款人仲包括尖啤劉夢熊，佢捐咗一萬蚊，話唔同意因學生政治立場而撤回捐款。發起人之一嘅K就話，喺香港咁困難嘅時局，傳媒好重要，亦希望師弟妹知道仲有老鬼支持佢哋。K仲話無論主修新聞、電影或廣告都歡迎，「廣告界喺反國教同佔領時，都係支持運動嘅中流砥柱，創意思維都係好有價值㗎」。


李八方