微軟訓練營吸女大學生

elbar

■微軟舉辦第二屆GirlSpark訓練營，吸引女性入行。

資訊及通訊科技（ICT）業界長期陽盛陰衰，電腦軟件公司微軟則第二年同婦女基金會合作，舉辦專門為女大學生而設嘅「GirlSpark」訓練營，吸引女性投身ICT行業。佢哋喺本月中舉辦嘅訓練營為期三日，除咗聽政商領袖演講、六十位嚟自八大院校唔同學系嘅參加者，仲分成小組設計商業計劃書比賽。據知呢屆嘅實習名額同工作機會增至三十個，為期一個月至兩年不等。

其中一位參加者許仲忻就讀港大工程學院，班上只有兩成係女生，笑稱早習慣陽盛陰衰，「平時傾偈係有啲『搞笑位』，啲男仔講兩句就拎條數出嚟計」。佢話訓練營令佢走出「Comfort Zone」，自覺都可以喺ICT行業發展。微軟（香港）總經理鄒作基就話，創新同多元化對ICT業界好重要，所以致力改善「重男輕女」情況。


李八方