家長人心惶惶 何栢良倡學童全面戴口罩

elbar

■近日流傳國際英文幼稚園有家長感染流感逝世（右圖），該校昨多了學童戴口罩。

奪命流感造成家長恐慌，家長們於網上熱議學校應否因應流感停課，有人直言「讀書事小、命仔事大」，認為情況嚴重便應停課；更瘋傳九龍塘知名幼稚園有家長因流感死亡。教育局則發出指引，提醒學校每天為所有學生在抵校後量度體溫，如有流感病徵或缺席的人數增加，須盡早通知衞生署。

近日網上瘋傳九龍塘名校國際英文幼稚園（St.Catherine's International Kindergarten）一名男家長懷疑感染流感病逝，其子女就讀的班級接連有學童中招，同校家長憂慮子女交叉感染。該幼稚園分別在九龍塘雅息士道、羅福道及紅磡設校舍，藝人陳慧琳及蔡少芬的子女均讀該校。傳出有家長懷疑流感病逝的是雅息士道校舍。該校昨早如常開課，未見特別加強檢測，不過多了學童戴口罩。其中藝人姚盈盈接送兒子上學時稱，要求兒子長戴口罩，放學返家要洗手洗鼻。




流傳有家長染流感亡

有該校的家長及校內老師透露，指日前曾有一名男家長懷疑感染流感逝世，但他兩名分別三歲及五歲的子女，經醫生檢查後未有染病，如常上課，校方日前發通告提醒防範流感。但亦有指該家長死亡與甲型流感H3N2無關，他本身是長期病患者，家人早已有心理準備他隨時離世。本報昨曾向校方查詢事件，卻不獲回覆。

防護中心證實，該幼園近期曾有三男一女、年齡均為五歲學生染流感，經求醫情況穩定，毋須入院。防護中心上月二十七日完成醫學監察，已建議校方採取措施預防流感。

本港過去三日都無新增兒童嚴重流感個案，累積個案維持十一宗，無兒童死亡。港大感染及傳染病中心總監何栢良建議，幼稚園及小學可考慮要求學生全面戴口罩，但仍未需要全面停課；他又建議政府考慮全面為學童接種流感疫苗。

教聯會幼兒教育政策發言人林翠玲校長表示，要全部幼童戴口罩有困難，「細蚊仔會覺得唔舒服，佢哋流口水、講吓嘢、笑時牙齒掂到個口罩，個幾小時就濕晒要換」。她指幼兒班（K1）學童更會拿口罩來玩或掟，因此規定必須戴口罩未必可行。

林認為家長可幫忙防疫，包括每日為子女量度體溫。衞生防護中心總監梁挺雄回應指，現時沒有足夠人手在短時間為所有小學生注射流感疫苗。

Jane1983

需要學校執得嚴d，check溫度，發燒即刻要家長接走。即使無發燒，鼻水長流，亦最好吾好返學。

去過兒科醫生等睇醫生，見d小朋友滴晒鼻水洛玩具，家長又吾理，佢自己抹咗，又揩落梳化...小朋友吾識衛生，又鍾意拖手，要好小心。

Yanamami

幼稚園呢个年紀最易交叉感染，抵抗力又差，自理差，偏偏家長又唔捨得流下鼻水就唔番学，係幾危險。

阿女P5, 可能近考試，前个礼拜老師都要求全班戴口罩｡

goodenough

我想問下，流感嘅病毒係唔係一種過濾性病毒？

goodenough

原帖由 lamyeelok 於 15-02-07 發表
當然係啦！為何仲問？這些基本常識，你冇理由唔識。

既然係過濾性病毒，即是病毒是經空氣傳播，如是者，帶口罩唔係合理的預防方法喎。對嗎？理論上，增強自己的免疫能力和增加空氣流通才是治本方法。

goodenough

lamyeelok 發表於 15-2-7 13:50
錯！過濾性病毒不一定是可以空氣傳播，反而很多是可以靠體液傳播，而各種體液中，最易傳染給人的要算是飛 ...

既然病毒是過濾性，那即是口罩也未必是最有效的方法。我記得以前盧永樂講過，帶口罩對於過濾性病毒有時係弊多過利，因為一但口罩雖阻擋了飛沫，但飛沫停留在口罩表面，但飛沫卻充斥著大量過濾性病毒，病毒就可通過口罩進入呼吸道，此乃過濾性病毒跟一般要經身體接觸才會感染的病毒e.g. HPV的不同之處。當然過濾性病毒可以通過飛沫來傳播，但要有效阻擋過濾性病毒的吸入，是否口罩係一個好方法？
無可否認，而家學校進行量度體溫，在源頭方面，對預妨感染在學校爆發是一個好方法，學校要求同學提高個人衛生係第二度妨線。但帶口罩是否真的有用，我諗最好有些專家可以解答下。

goodenough

如果係因為帶了口罩可穩定人心的話，我唔會反對何柏良的帶口罩建議。只怕高局長對帶口罩的從容態度，倘若疫情繼續擴大伸延，將會又再一次構成對他繼沙士之後的另一次下台危機！係疫苗未趕及到來之時，一些妨範措施都要向市民多作解釋！記住，疫情過後，市民就會跟你埋單的。

Stillgood2

goodenough 發表於 15-2-7 14:49
如果係因為帶了口罩可穩定人心的話，我唔會反對何柏良的帶口罩建議。只怕高局長對帶口罩的從容態度，倘若疫 ...

我睇唔明你寫咩，係咪話高永文有問題?

goodenough

Stillgood2 發表於 15-2-7 15:17
我睇唔明你寫咩，係咪話高永文有問題?

高永文未必有問題，冷靜對待問題係醫生的先天態度，但有冇問題要等最後疫情平定落黎之後，問過市民才知。現階段，市民而家好心急要找出對付方法，在沒有對付方法之前，而家有專家話要帶口罩，有家長話要帶口罩，佢就偏偏話帶口罩有疏離感！有聲音話唔帶口罩一有乜野事，唔止疏離，係陰陽相隔添！其實從醫學角度來看，帶口罩對妨止傳播和感染都是否重要？但從市民角度來看，答案未必個個一樣，有需要就帶，有時係因為誤解而唔帶，但肯定絕對唔係甚麼疏離感！如果疫情繼續擴散，市民就會搵野黎賴，由其是而家政治咁敏感的時刻。
老老實實，市民有乜野可以做的、政府有乜野可以做的、公司和組織包括學校和醫院有乜野可以做的，由其是聚集一大班人的例如地鐵、巴士等，快快講晒出黎，到時冇得賴！如果自己嗰部份都做唔好而令結果變差，市民又點會放過你。

Stillgood2

噢，原本是市民政治敏感。
流感+政治敏感。
醫得e樣，又要醫果樣。

祝大家身體健康，心靈都唔好咁敏感。

goodenough

lamyeelok 發表於 15-2-7 19:07
"Little knowledge is dangerous" 一點都冇錯。

唔知係你誤解勞永樂的意見還是勞永樂專業水平有問題。

如果戴口罩總比沒帶好，那麼高永文還視帶口罩為疏離，咁局長的專業水平是否有問題？還是局長考慮過口罩由帶上開始，好快就會因呼氣的濕度高而度致口罩的作用降底，就算有顏色部份是帶殺菌劑，唔知殺菌會否對病毒有效，只怕相反更會變成pathogen contaminated！

shadeslayer

原帖由 goodenough 於 15-02-08 發表
如果戴口罩總比沒帶好，那麼高永文還視帶口罩為疏離，咁局長的專業水平是否有問題？還是局長考慮過口罩由帶 ...

沙士期間你有冇帶過 mask？ 如果無，就真係千萬人皆醉你獨醒！

MrBeast

因為我個天生體弱，通常看e生時都好多問題問，有次e生反問我，他每日看咁多病人，但他自己也沒帶mask, 跟著說，sars 期間，因為市民注意多了個人衞生，少了人看e生，有些差點要執粒。佢係咁講，信不信由你la.

MrBeast

Jane1983 發表於 15-2-6 14:30
需要學校執得嚴d，check溫度，發燒即刻要家長接走。即使無發燒，鼻水長流，亦最好吾好返學。

去過兒科醫生 ...

我識有些食左退燒藥就照返學tim, 仲要係大學生，我覺得通識料係有存在價值

goodenough

原帖由 shadeslayer 於 15-02-08 發表
沙士期間你有冇帶過 mask？ 如果無，就真係千萬人皆醉你獨醒！

真係唔怕神一樣的對手，最怕豬一樣的網友！“狗”唔搭8。

Stillgood2

你哋打咗針未????
帶咗口罩未???

首先做好自已份內事.
再去投訴別人和政府.

自求多福.

聽說私家醫生都有疫苗打.
只不過, d人無事就唔打,
一係個個詁想打的時候, 疫苗唔夠.

MC1128

高醫生講社交疏離是咁講:

至於有關是否需要戴口罩的問題，我剛才已向各位立法會議員解釋，我在日內曾接觸很多不同的專家，他們就這方面也有不同意見。有少部分認為可能需要透過全城戴口罩製造社交上的疏離，因為若所有人也佩戴口罩，見面時不會很親切，也不會握手，這情況的確對流感的擴散可能有壓抑作用，但亦有專家不同意這意見。因此暫時來說，現階段我們仍是按照科學原則，希望市民留意，若在醫護環境，當然現時在公立醫院內的戒備級別，其實已要求市民在病區內佩戴口罩，特別是出現流感病徵的市民，為了保護其他人士，應該佩戴口罩，然後盡快求醫。
(資料來源:政府新聞處)

我都係同意袁國勇教授講

講法治就講法治,

講科學就講科學,唔好將科學變成政治