日日抄漏手冊點算?

Joyceyim

升小一都半個多月, 但小女日日抄漏手冊, 點算!?

熙fi媽媽

俾D時間吧, 我都未適應

MC1128

Joyceyim 發表於 13-9-17 17:32
升小一都半個多月, 但小女日日抄漏手冊, 點算!?

首先,同其他家長聯絡,以便對吓個女有無抄漏,但唔好比阿女知,費事佢依賴,更抄唔齊

其次,了解抄唔齊的原因:
1.真係好多嘢,她手仔抄得慢?提醒她,老師一寫黑板就要開始抄
2.小息掛住去玩?提醒她抄完先可以玩


學校有無安排大姐姐計劃,即由高班學生或風紀檢查低班的手冊?

抄漏的手冊內容,係咪你自行找家長幫忙補回就算?
若不是,咁抄漏的功課無做,或無帶嘢,老師會否寫手冊?女兒對此緊張嗎?

若一向由你幫忙補回抄漏的內容,不如試吓不再幫她,由她自己負責任,由得老師記手冊或罰她,讓她明白抄漏的後果

meyoyeung

暫時我個女日日都抄齊，就算抄唔晒上返學校網頁可以睇得返。

CCYWP

真的要給小孩適應抄手冊，但如果學校網站能返查，我感覺有依賴，始終小朋友自己寫是最好

Joyceyim

多謝各位回覆.
我其實都係睇返學校網站先知佢抄漏，之後我會講脾佢知抄漏那些！我每日返學前都再叮囑佢，每堂完後老師寫了功課，你一定要即時抄落手冊，但真係無乜用，我講我佢做佢，太依賴！
好要改變方法，由明天起吾再告訴佢有什麼漏，等佢在經歷裡吸取教訓。

JohnGrisham

唔好話，其實連家長都要適應。小囡固然抄D唔抄D，上週就抄少個6字，Ex6, 我哋就濛查查由Ex1-6都做做曬。又話說開學不久有份數學功課要做，號數抄對了但又沒抄那一冊，我哋烏烏龍龍囉咗本2上嚟做，三個位加兩個位再加兩個位，做到亞囡面都青埋，我哋仲諗學校都教得幾深喎，真失禮！

Yanamami

Joyceyim 發表於 13-9-17 23:51
多謝各位回覆.
我其實都係睇返學校網站先知佢抄漏，之後我會講脾佢知抄漏那些！我每日返學前都再叮囑佢， ...

對付態度照舊既小朋友最有效方法喺由他承擔番個後果。唔好提她抄漏，欠交由她，要她自己向老師交代。P1者，早d受番個後果，好過一路提她，她一路大都唔識對自己負責。抄好手冊，做好功課，收拾好書包番學喺她自己責任，交番俾她啦。只要你俾她知道你緊過她，就會依賴。

love-baby

其實小朋友都係剛升上小一，真係有好多野要適應～就連家長同老師都要適應～好似老師尋日都派漏本功課俾佢地，家課寫左，但無派返來，做唔到～所以我覺得頭一個月應該係適應期，帶漏野，寫漏野，做漏野，都係可以體諒～我會同阿女講：下個月開始我就唔會再提佢要帶咩，要自己留意啦～帶漏都唔會再幫佢送過去～俾個期限同心理準備佢～俾佢知道我會幫佢適應之如，佢都要努力學習適應所有野～