中二女仔吸煙

李可人

女兒在肺炎時期都要出街，平時她回來時都有陣煙味，今日我替她消毒書包時，終於搵到煙仔。我即刻禁佢出門同停零用錢，至少停課完之前女兒唔洗指意出門同有錢洗啦。另外，再告訴她要等佢爸爸公幹回來就炮製佢。女兒知道怕了， 就叫我罰她，不要告訴爸爸。
她爸爸是會按小錯大錯，已定家規來藤條紋豬肉，打兩至六下，會痛三四日到。

你們話由佢爸爸嚴懲佢，定由我自己鵝佢好？

Danielhk

李可人 發表於 20-2-18 01:47
女兒在肺炎時期都要出街，平時她回來時都有陣煙味，今日我替她消毒書包時，終於搵到煙仔。我即刻禁佢出門同 ...

如果爸爸只會嚴懲，建議您暫時先替女兒保密。
並要明確和女兒講好，只保密這一次。

要試圖和女兒成為閨蜜。

要了解女兒食菸背後真正原因：壓力大？扮酷？叛逆期？。。。

我兩個兒子見到食菸的人，會遠遠避開，同時會喊“好臭”


我兩個兒子春節至今未出門一步，有吵鬧，有接受不到，現在已經理解。

MrBeast

李可人 發表於 20-2-18 01:47
女兒在肺炎時期都要出街，平時她回來時都有陣煙味，今日我替她消毒書包時，終於搵到煙仔。我即刻禁佢出門同 ...

青春期受軟唔受硬，你可引用我的eg, 我阿嫲長期吸煙，有次因其他病入e院，但因肺功能唔得做唔到手術，佢走後我老豆就介左。另外point put 下d牙同手指甲會黃，女仔可能會介意呢d野。主要都是以朋友身分去勸

Jane1983

佢有無講點解要食煙？講真，煙咁貴又臭，好多時係因為朋輩關係先食。驚佢群埋壞朋友，咁就影響大。

佢驚爸爸都好，最怕小朋友滿不在乎。不過佢咁大個，可以靠嚇，但打始終唔係辦法。

李可人

回覆 Danielhk 的帖子

爸爸嚴懲之如，會再說教。佢爸爸一般打完之後，會再要求寫檢討書。之後，就會霖返過女。

Danielhk

李可人 發表於 20-2-18 11:57
回覆 Danielhk 的帖子

爸爸嚴懲之如，會再說教。佢爸爸一般打完之後，會再要求寫檢討書。之後，就會霖返過 ...

說實話，打完之後寫檢討書，我的感覺好“官僚”
可能是我扭曲或誤解了檢討書的效果。

每人都有自己一套教育方式，無意冒犯，只是我自己接受不到。

我從來不相信“發誓”之類的鬼話。

李可人

回覆 Danielhk 的帖子

這檢討書不等如保証書。是要求小朋友反省自己做了什麼，有什麼問題。我估只要能寫用了什麼心態吸煙，和吸煙有什麼危害，就能收貨了。字數要求也不會高，三百字就夠了

李可人

回覆 Jane1983 的帖子

是，打到 F3 好極限

妹妹頭

回覆 李可人 的帖子

F3 我同老公都極之不讚成體罰的, 莫講話F3, 基本上, 上到小學我已經唔會用 "打" 依個方法....  SO FAR 我個女都好乖, 好聽教, 我地都只會用朋友方式去教, 放下專嚴, 依個方法用到依家 (F2) 都仍然好WORK, 個女有咩野都同我地分享, 我地又會比意見佢.....

李可人

回覆 妹妹頭 的帖子

其實好少會打了，主要都係哦多。中學一年唔會有大錯打多過兩次

Jane1983

回覆 李可人 的帖子

打容易滋生仇恨，唔係好方法。
好好教，13、14歲都半個大人了。咁關鍵的時候，多d溝通。

little_yolky

李可人 發表於 20-2-18 15:00
回覆 妹妹頭 的帖子

其實好少會打了，主要都係哦多。中學一年唔會有大錯打多過兩次

唔⋯其實唔好太緊張，要同阿女有計傾。我有朋友N年前個女F2（咦？又係F2）同同學仔響學校附近公園食煙，俾老師發現見家長。佢兩公婆回程無出過聲話個小朋友，當其時個小朋友都幾反叛，又話跳樓又話剩。最後，佢哋用無比幾愛心同耐性包容、教導佢。依家27歲了，好乖，好顧家又有禮貌。

sillydad

李可人 發表於 20-2-18 01:47
女兒在肺炎時期都要出街，平時她回來時都有陣煙味，今日我替她消毒書包時，終於搵到煙仔。我即刻禁佢出門同 ...

嚴懲的目的是什麼？可否達成目的? 還是只會令情況惡化?
比我會先理解佢為何要食煙。

YmOra

李可人 發表於 20-2-18 01:47
女兒在肺炎時期都要出街，平時她回來時都有陣煙味，今日我替她消毒書包時，終於搵到煙仔。我即刻禁佢出門同 ...

首次捉到，輕判比較好。要了解佢食煙原因何在，平時要與子女的關係良好，孩子缺乏關心好容易認為朋友好過屋企人，跟人食煙視之為同類人是十分自然的行為。我估孩子肯軟性地向你求懲罰是表現出悔意。就俾次機會她吧！

YmOra

李可人 發表於 20-2-18 01:47
女兒在肺炎時期都要出街，平時她回來時都有陣煙味，今日我替她消毒書包時，終於搵到煙仔。我即刻禁佢出門同 ...

平時已經發覺有煙味，即係一早就發現女兒吃煙嗎？

洋蔥頭媽咪

妹妹頭 發表於 20-2-18 14:21
回覆 李可人 的帖子

F3 我同老公都極之不讚成體罰的, 莫講話F3, 基本上, 上到小學我已經唔會用 "打"  ...

從小到大我同爸爸都唔用打黎教兩個仔，仔细時我奶奶试過買條籐條嚇阿仔， 我老公話佢小心比人告虐兒，我奶奶第2日即刻掉咗條藤條

我會講道理，會說教， 小朋友大都需要用其他方法，互相尊重，孩子才容易受教。

洋蔥頭媽咪

李可人 發表於 20-2-18 01:47
女兒在肺炎時期都要出街，平時她回來時都有陣煙味，今日我替她消毒書包時，終於搵到煙仔。我即刻禁佢出門同 ...

樓主女兒應該品性算善良，如果惡教同反叛嘅你打佢隨時告你虐兒。中學唔好再打啦， 有問題大家開心見誠講，互相尊重，才能维持良好親子關係。

CM.MUN

今時今日打已經唔係教好小朋友方法，你可以用呢個方法到幾歲？再過一兩年佢唔會再怕，只會令佢覺得反效果，最怕認識一啲唔好嘅人，教佢離家出走，你現在應該平心靜氣，同佢講解吸煙問題，比時間改過，現在仲係小朋友，互相尊重

李可人

回覆 洋蔥頭媽咪 的帖子

其實真係唔會打得太狠。星期五她爸爸打完，到今天檢查時已經話不腫不痛，只剩下一點點點青痕，估計再過三天就全散。打之前，又開家庭會議，有驗收檢討書來明確吸煙原因是朋輩壓力和未來處理方法。女兒也明白我們單純不想她用吸煙來以傷害自己的方法的滿足自己。她也知道我們會同意以罰做做家務同禁足在替代體罰，如果她要求的話，但我們希望能給她足夠深刻的提醒。最後，講打四下，實打就兩下，其中兩下其實是放水R痕，就意思一下，同從前D打法完全唔同

little_yolky

李可人 發表於 20-2-24 19:37
回覆 洋蔥頭媽咪 的帖子

其實真係唔會打得太狠。星期五她爸爸打完，到今天檢查時已經話不腫不痛，只剩下一 ...

其實，你罰佢禁足同做家務，甚至扣零用可能仲深刻D。小朋友由細打到大，皮都韌晒，根本就唔怕打的。打完幾下過幾日，又係一條好漢了，甚至乜事俾人打都唔會記得。