初中分班，英文班是否一定比中文班好？

vin105

如果初中分班，語文分流有得選擇，是否英文班一定好啲？

廷申去到高中揀科，如數/理科，其實張文憑試證書都見唔到用咩語言作答，咁如果孩子英文能力一般，其實是否選擇中文教和考試更好？以免因英文理解和書寫能力影響表現！

1998Ruby1998

好問題。

香港 10 個家長 8 個都想仔女讀英中。入左中中嘅，10 個讀得書嘅，實有 7-8 個係想入英文班。

咁即係，英文班同學成績會比中文班優勝，or at least，英文班同學，佢哋都係有心讀書同埋能力差異接近。

由於英文班同學成績優勝，家長亦對讀書有要求，學校自然會派啲相對好嘅老師教英文班。

咁即係英文班獲得嘅資源同機會，好大機會比中文班大。

除左文科之外，基本上數理科，英文唔夠好係有影響但唔係咁大。DSE 背誦野始終都多，作答有譜。外面補習社都係英文筆記，但中文授課。英文唔太差就 OK。

但如果自身英文能力真係差到完全聽唔明英文，一定要中文先得，咁呢個情況寧願中文了。

vin105

1998Ruby1998 發表於 20-1-1 01:29
好問題。

香港 10 個家長 8 個都想仔女讀英中。入左中中嘅，10 個讀得書嘅，實有 7-8 個係想入英文班。

謝謝分享！

亞仔中/英文也是說話/聆聽較強，閲讀/GE一般，寫作較弱！如果入了英文班，我擔心他看題目和答題的能力，無形中把分數拉低！（我自己以往初中時就有類似的答題困難，當年無得簡！但到高中就好多了。）今天如果孩子有得簡，應該主動入英文班吧！

其實，英文班是否應該比那些外語學生，或自幼在家多以英語溝通的同學？

請問各位家長有類似的困惑嗎？如何為孩子選擇？以中文授課及書本，我只擔心答題速度！

1998Ruby1998

vin105 發表於 20-1-1 06:37
謝謝分享！

亞仔中/英文也是說話/聆聽較強，閲讀/GE一般，寫作較弱！如果入了英文班，我擔心他看題目和答 ...

大部份有開英文班嘅中中都唔係 “人中龍鳳”，始終香港家長大部份都係有英中入英中，英文 talk 得嗰班，叻嘅已經入英中，如果係其他科拉低成績，佢地都入左英中直資，唔會留係中中。

你諗多左啦嘛，傳統名校都唔係個個自幼在家以英語溝通，十個有九個都唔係。

至於答題速度，中文好在閱讀快，可以用文言字詞縮短字數。培正都係中中，冇英文班添，英文科仲用中文授課，一樣有 Band 1 成績。

寫作弱我諗你仔仔都唔會揀文科，數理唔太需要寫作能力。

我諗中英文班係有得跳出跳入？咁點解唔用初中頭兩年去試英文班？到時候真係成績受拖累，我諗你要求，老師都肯俾你轉去中文班。

vin105

1998Ruby1998 發表於 20-1-1 06:48
大部份有開英文班嘅中中都唔係 “人中龍鳳”，始終香港家長大部份都係有英中入英中，英文 talk 得嗰班，叻 ...

有道理！

好似你的分享，昨晚和亞仔傾，他話都試吓英文班先。因此我才猶豫應否主動幫他揀中文班！

謝謝你的分享，到時如果有得揀分班安排的話，一於先幫她揀英文班啦！

咁如果在直資英中就讀，單論學業成績，是否會比一般中中有較佳的學習環境？(亞仔現在小六，我正在為他升中的事情煩惱中！）

1998Ruby1998

vin105 發表於 20-1-1 07:11
有道理！

好似你的分享，昨晚和亞仔傾，他話都試吓英文班先。因此我才猶豫應否主動幫他揀中文班！

既然用家自己想試，咁試下先！唔得嘅話，老師到時候肯定叫你返出去，唔洗擔心！

咁直資英中都要睇邊間嘅，聖保羅男女係英文直資，啟思、羅定邦、地利亞都係英文直資。有叻有唔叻，有專讀書亦有專運動。只係家長肯出錢肯俾仔女面試一間學校，學校會揀適合嘅學生同老師，自然冇街外官津咁參差，道理同小學揀直私立官津一樣。

洋蔥頭媽咪

vin105 發表於 19-12-31 21:31
如果初中分班，語文分流有得選擇，是否英文班一定好啲？

廷申去到高中揀科，如數/理科，其實張文憑試證書 ...

初中仲有大把機會追英文。除非你仔女打算返國內或台灣讀書，否則無論香港或海內，大學全部都用英文，唔襯细打好英文基礎會好蝕底 ，所以有得揀最好當然會揀英文。

YmOra

vin105 發表於 19-12-31 21:31
如果初中分班，語文分流有得選擇，是否英文班一定好啲？

廷申去到高中揀科，如數/理科，其實張文憑試證書 ...

如果孩子有能力嘅話，揀英文班比較好，但勉強就會得不常失。

你話孩子仍然小學階段。中英文閱讀和寫作仍有時間提升，有６年中學追英文學習應該無問題嘅。

別外，ＤＳＥ成績係就係隱藏中答定英答，但不要忽略大學"面試"時教授係會用英語與學生交談，除咗要有一般英語交談能力之外，仲要有相關選修科嘅""專有名詞""的認識才有能力對答如流。這點，係要响高中一開始就用英文教授學科的最大優點。

vin105

YmOra 發表於 20-1-1 21:25
如果孩子有能力嘅話，揀英文班比較好，但勉強就會得不常失。

你話孩子仍然小學階段。中英文閱讀和寫作仍 ...

咁考大學是否所有科目都面試？

我做仔時考大部分不用面試的！

YmOra

vin105 發表於 20-1-1 23:14
咁考大學是否所有科目都面試？

我做仔時考大部分不用面試的！

不是全部，要視乎你揀咩課程。但，個人認為由於難以預知孩子將來喜歡咩大學課程，固，我會盡量"擴闊"孩子未來可以揀嘅大學課程為終旨，即要面試嘅或不要面試嘅都暫時當做係我孩子會揀的課程看，以""英文班""作裝備目標。

vin105

YmOra 發表於 20-1-1 23:45
不是全部，要視乎你揀咩課程。但，個人認為由於難以預知孩子將來喜歡咩大學課程，固，我會盡量"擴闊"孩子 ...

明白了！

謝謝分享！

我們也是朝向入讀英文班進發！

YmOra

vin105 發表於 20-1-1 23:49
明白了！

謝謝分享！

因為你係以"英文班"為描述單位，小妹好奇想問問，孩子是Ｂ２生嗎？現在選擇緊Ｂ２中學嗎？

vin105

YmOra 發表於 20-1-1 23:53
因為你係以"英文班"為描述單位，小妹好奇想問問，孩子是Ｂ２生嗎？現在選擇緊Ｂ２中學嗎？
...

正確，考慮緊的中學部份是一班英文班，其他混合班或者中文班！學校方面話是以家長/學生意願及分班試（Pre-S1) 及都時中學相關嘅中英文寫作考試來分中英班的！

我想這是一般中中分班的安排吧！家長學生意願配合成績！

YmOra

vin105 發表於 20-1-2 00:02
正確，考慮緊的中學部份是一班英文班，其他混合班或者中文班！學校方面話是以家長/學生意願及分班試（Pre- ...

明白晒！願你孩子順利入讀"心儀"中學。努力加油呀！

little_yolky

IloveJJ 發表於 20-1-1 11:02
單論學業成績，直資應該比中中好吧？不是因為直資，而是因為香港大部分B1都是英中，中中就不是B1了，除了 ...

直資也不是間間B1吧！微調中中也有B1成績的吧！

kayi0556

其實首要係樓主仔仔要英文成績好， 大部分開英文班的中中都係以英文成績排名入英文班

vin105

kayi0556 發表於 20-1-2 09:56
其實首要係樓主仔仔要英文成績好， 大部分開英文班的中中都係以英文成績排名入英文班 ...

一般是否也在Pre S1 試外，另設英文寫作卷以測試同學的英文水平來分班？

另外，有冇中學會否加設其他的試卷去為其他中文班分班？還是只靠Pre-S1?

little_yolky

IloveJJ 發表於 20-1-2 08:45
打漏了，我是回覆樓主問是直資英中。之前唔係你哋話全港只有培正一間中中是B1嗎？
...

不是所有直資英中係B1，正如微調中中都可以係B1，例如九真，佢都有開中文班。