葵青中學一問

xmanman

陳兆民中學 open day 於2-3 dec 06 舉行!!!

但係伍若瑜就沒有open day,  又無簡介會, 有無bk的mami可以告知多d這校的資料, eg. 校風,  收生條件,
師生關係好唔好, 小朋友讀得開唔開心呀, 等等......
謝謝!  

rclamlam

伍若瑜係連同荃灣/葵青區既家長聯盟先有開放日架, 佢無簡介會, 陳兆民既都係open day, 唔係簡介會來.

陳兆民/伍若瑜校風良好, 成績唔會差過英文中學, 老師對學生都好好, 我女宜家讀緊伍若瑜中一, 我亦係家教會家長, 校長係好聽我地家長所講既野, 老師亦好好, 會主動幫同學補課, 當然唔係中一生啦, 問阿女都好鐘意呢間學校, 我朋友個仔都係讀陳兆民, 佢話功課比較緊張, 但係見個仔都讀得好開心, 不防考慮下.

收生標準以過去一年看, 陳兆民收98%band 1生, 2%band 2, 伍若瑜收90% Band 1生, 10% band 2.

xmanman 寫道:
陳兆民中學 open day 於2-3 dec 06 舉行!!!

但係伍若瑜就沒有open day,  又無簡介會, 有無bk的mami可以告知多d這校的資料, eg. 校風,  收生條件,
師生關係好唔好, 小朋友讀得開唔開心呀, 等等......
謝謝!  

xmanman

rclamlam,

唔該晒!  我想問家長聯盟開放日怎樣得知日期?
上綱有無得check?

你就好啦, 啊女入到伍若瑜,  她又讀得開心!  我想請問你上年有無報這間的自行收生,  知唔知道收生條件, 成績、操行, 技能....(eg 小提琴之類),  唔知有無機會!

其實真係要小朋友讀得開心先得架, 我個仔想入中中,  所以我都希望佢可以入到一間好質素的中中!
係呢,  請問這間學校多唔多活動架??  定係只看重讀書呢?? (唔好意思,  問你這麼多問題,  因為我所知道的唔多,  好睬有你解答我的問題,  thanks!    )

xmanman

rclamlam

xmanman

家長聯盟個度有得check架(網上),不過你可以打去學校問有無簡介會之類既野, 通常係11/12月度開始.

預祝你阿仔可以入到心儀中學, 佢想唔想讀伍若瑜呀? 你阿仔宜家讀邊間小學呀? 舊年阿女都係自行收生報伍若瑜架, 收生基本要求操行要B+以上, 成績話基本中, 英, 數三科能達B級或以上, 小學校佈成績及教統局提供的次弟40%, 面試表現30%, 課外活動20%, 其他10%.

伍若瑜有好多課外活動, 強項係田徑, 每人都要學一樣樂器, 因為音樂要計分, 學校要學生讀書同活動都要平均, 唔會只顧學生成績, 真係好好.

xmanman

rclamlam

我打過去伍若瑜問,  職員話無介簡會, 無open day,  我上學校綱又無資料 , 所以才在bk 問! 請問你知唔知家長聯盟的綱呀!

我現在留意緊葵青區好的中中,   我會帶他去open day 及簡介會, 等佢有多d資料去選擇! 我上過伍若瑜的校綱, 覺得學校的教學理念幾好, 所以都係心儀中學之一!

啊仔讀官小,  小提琴grade 3,  因為現在他小五,  成績都ok,  多數b grade, 希望他到呈分的時候可再考好d! 我想問面試情況,  希望你可以告知! 另外,  面試會唔會用普通話考?

rclamlam

xmanman,

葵青區陳兆民/伍若瑜中學係唔會開簡介會架, 因為東華三院既辦學, 佢地唔會做到好標榜學生成績.
葵青區只有band 1既保良局八三總理(band 1)同葵芳既李賢堯(band 2)先會有簡介會, 荃灣就有王少清, 仲有梁省德都可以考慮(band 2), 不過唔記得呢間有無open day, 就一定無簡介會(唔知今年會唔會有), 到時學校都會有通知, 如果無都要多o的留意bk同上佢學校網看下.

小提琴3級其實無咩幫助, 只係好過無, 如果大部份全b都未必入到陳兆民/伍若瑜架, 最好中/英/數有兩科係A級, 係自行收生個陣, 陳兆民/伍若瑜/八三總理都需要看左成績表先會派表, 因為無得係網上download, 如果佢派比你就基本你個小朋友係符合學校收生要求.

面試唔會考普通話, 考普通問題, 英文同數學, 阿女話好簡單喎.

xmanman

rclamlam

因為仔仔test,  忙住幫佢溫書,  今日先有時間上bk!

唔該晒你先,  為我解答很多問題!  陳兆民/伍若瑜/八三總理都需要看左成績表先會派表, 到時係唔係只帶成績表去取form, 還有什麼要帶去, profile 要唔要呢?

thanks!

rclamlam

xmanman,

如拎form就只需帶正本成績表去拎就得, profile係交表時一齊用公文袋入住交架, 係份表中會講比你地知點樣交法.