將軍澳中學一問

rclamlam

我朋友個女因為屋企情況本來成績都係Band 1中, 宜家急跌落Band 2尾Band 3頭, 我已經同佢講希望拉番上高o的可以入到較好既中學, 請問將軍澳區有邊間直資或傳統中學(Band 2)係好架?

ahgloglo

1.羅氏基金中學
2.景領中學

rclamlam

請問呢兩間中學係BAND幾呀? 同埋係咪資助中學? 有無邊間直資合適呀?

ahgloglo 寫道:
1.羅氏基金中學
2.景領中學

vivi_vivi

hi rclamlam~

羅氏基金係直資架, 至於係咩banding 我就好難咁肯定, 不過佢係近年tko 區幾好口碑ge 直資中學, 暫時應時係band 2 頭掛, 因為仲未有成績結果可作比較。
而景嶺就係津貼, 係區內ge band 1 中中。

其實tko 呢個區真係好揀中學架, 一係就要band 1, 而band 1 ge 中學都只係得幾間, band 1 英中就得1 間, 真係爭硼頭呀。 講到 band 2 都唔係好多間, 而要搵校風好ge , 就仲難 :cry:， 可以提供ge band 2 學校有

順德聯誼會鄭裕彤中學
仁濟醫院王華湘中學
慕德中學 (band 1 - 2)

唔知我提供ge 啱唔啱, 妳可以叫妳朋友作參考ge

rclamlam

vivi,

請問tko有優才同播道, 呢兩間校風同成績又如何呀?

櫺囹桼

rclamlam 寫道:
我朋友個女因為屋企情況本來成績都係Band 1中, 宜家急跌落Band 2尾Band 3頭, 我已經同佢講希望拉番上高o的可以入到較好既中學, 請問將軍澳區有邊間直資或傳統中學(Band 2)係好架?

跌得好厲害！(應該出現了不尋常問題)倒不如先搵出退步原因...對症下藥；仲有兩次考試...如果及時把握...都唔使驚！

dabbycheung

rclamlam,

優才校風良好，成績屬Band 1.

學校係小班教學(暫時只有G7同G8)，每級各3班，每班約20人，每一級既其中一班會由外籍老師做班主任。優才本身有自己小學，所以每年收既外來生極少。

此校非常著重英文，所以對學生既英文程度要求好高。

dllau

宣基中學 和 保良局甲子年中學 都 係band2

rclamlam

櫺囹桼

因為佢媽媽唔係到, 所以就成績跌得好利害啦, 爸爸又無時間看佢, 又無屋企人幫佢手, 大女又唔聽人講.

rclamlam

多謝你地既資料, 如果有更多請告知, 我想幫我朋友搵多o的資料幫佢揀學校, 佢已經體力透支, 希望我可以幫到佢, 宜家就要看佢個女點樣, 可唔可以係來緊兩次呈分試再拉高.

櫺囹桼

rclamlam 寫道:
櫺囹桼

因為佢媽媽唔係到, 所以就成績跌得好利害啦, 爸爸又無時間看佢, 又無屋企人幫佢手, 大女又唔聽人講.

明白...不過將軍澳又係新市鎮，會有童黨問題...所以band 1同band2、band2同band3中學會差別好大！
佢爸爸雖然冇時間...不過可以坐低同佢認真傾下，睇下佢有咩問題？需唔需要補習...社工輔導等等？

amy_2304

羅氏基金在05-06年收既是band1至band 1尾既學生,教學有一定保證,校風良好,因小女讀緊呢間學校,面試普通話和英文,要見埋家長.播道都幾好,真道校風唔得,景嶺都0k

rclamlam

但係我朋友個女宜家既成績跌到相信係band 3啦, 最多都係拉番上band 2位置, 所以羅氏基金, 優才都未必會收佢, 所以我都係要集中搵band 2既直資/資助中學資料.

vivi_vivi

hi rclamlam,

咁妳朋友ge 女讀緊邊間小學架, 有冇連繫中學呀?
007 講得啱呀, 係tko 呢個間區, band1 同band 2,3 ge 差別咁大, 最好都係勸下妳個朋友, 盡量俾多啲時間俾個細女啦, 大女已經唔聽講架喇, 如果派左入band3 ge 中學, 加上妳朋友又冇俾時間個細女, 個細女好容易受到朋輩影響, 到時真係學壞容易學好難呀

vivi_vivi

rlamlam,

如果妳朋友細女可以拉番上band 2, 我諗係大抽獎度就係要揀啲肯定係band 2 ge 中學放係頭幾志願喇, 如果一啲係band 1 尾 or band 2 尾 ge 都唔係放咁前呀.

我現時只知道 "順德聯誼會鄭裕彤中學" , "仁濟醫院王華湘中學" 就肯定係band 2。這兩間可以係自行時試下遞表啦。

至於 "宣基" , 聽聞係band 1, 呢幾年越搞越好,  除了區內唯一一所英中外, 這間較新ge 中中都好多家長心儀架, 仲好似學校有意想轉做英中。

遲啲囝囝考完六年級第一次ge 呈分試, 學校應該會有家長會, 到時如果我有新ge 資料, 我可以pm 妳架.

rclamlam

vivi,

真係唔該晒你, 我都好想幫到我朋友, 佢呢兩年發生好多事, 好多不幸既事, 我可以幫到幾多就幫下佢.

vivi_vivi

rclamlam,

唔晒客氣喎, 我有好多資料都係係bk 度得番黎架, 我哋要多謝bk 就真

焱焱

rclamlam
阿仔讀宣基,而家中三,阿仔係用家,可以話你知,阿仔對呢間學校睇法,讚揚學生係宣基文化,老師有愛心和開明(當然有一兩個例外).阿仔對呢間學校好有歸屬感,所以佢好用心讀書,校風嚴謹(有時我覺得太嚴),

係中4會out走一班,唔多唔小讀書會有壓力,不過無論係邊間學校都要認真先得.

vivi_vivi

焱焱,

我想請問景嶺書院同宣基中學ge 比較, 如果係邊間會易入啲呢, 好囝囝當年係讀邊間小學架, 宣基係咪要band 1 先收呀?

angelymama

我仔讀klc, 小學係黃大仙, 大抽獎入去。
KLC特點係:1)中一至中7都係學校lunch, 唔使擔心lunch 出左去學壞。

2) 中三上中四基本上唔"西"人走 (特別情況,唔知)
3) 中四全部轉英文, 唔會睇成績而分中英文班。(這是據我了解, 因為我知宣基有分中英文班, 這亦是我估計點解宣基會考成績好過klc)

如有不對, 請指教。