藍田啟思vs康盈vs平救

char_ka

呢3間我掙扎康盈 勁近，好似唔太差 ，係學校細
啟思 最遠，落車仲要行15分鐘，計埋等車大約35分鐘。但好似間學校好好

平救 落左車行15分鐘，不過等車方便30分鐘就可以到校。


如果係你地會點揀，我同好多媽媽一樣都係驚平救同啟思學術方面教唔多，驚小一辛苦。本身呀仔都好玩得，驚佢玩慣左。 聖匠同陳徐都收左，不過聖匠啲老師好鹿似唔多得，陳除間學校校舍又好易俾出面人裝入去睇上堂好騷擾，所以就冇考慮。

ngfapan

其實都要睇你想小朋友入乜小學

如果只留番藍田區內既小學，咁讀番區內幼稚園完全不成問題
我不是用家，都係今年pn班，in過啟思同康盈。

三間比較可能康盈最friendly,又有NET, 又近，亦沒有誇張既競爭，學術都夠既，（面試時睇佢啲貼堂生字同書本，唔會話好深，適當程度）;以一間屋村學校計，佢叫乾淨，學校校舍都大（佔左Y型樓宇既其中兩隻腳），印象中僅次於金麗（兩座十字型樓宇泊埋，地下其中間相連都係佢既）

啟思，上過playgroup, 老師人手夠多，playgroup都會安排多過一個老師，（朗思，苗士，德福都係得一個老師睇8至9個小朋友)，老師之間都有默契，呢樣超加分，playgroup課程都讓小朋友玩得開心，同時有引導學習既成份，故此我對啟思好有信心，相信，小朋友都會開心番學，只係佢講明重視母語教學，咁如果想小朋友考所謂好少少既小學，咁就要外補（但咁計數成件事開支好大架，啟思不是學卷啊）

平救12月1號先派表，亦無playgroup,但坊間評價咁高，相信都值得我地交表既

Eunice0203

樓主住邊呢？如果系近康盈 應該系德田附近 如果搭巴士去藍田地鐵地鐵站 其實都系行6.7分鐘就到啟思！我會揀救世軍/啟思 康盈普遍comment都不太好

Eunice0203

ngfapan 發表於 17-11-29 07:44
其實都要睇你想小朋友入乜小學

如果只留番藍田區內既小學，咁讀番區內幼稚園完全不成問題

啟思免費教育的