73%強國家長：留學首選花旗國

elbar

■滙豐最新調查顯示，逾七成強國家長會揀美國為熱門大學留學首選。

望子成龍，放諸四海皆準，唔少家長鍾意送仔女出國讀書，等佢哋得到優質教育。滙豐最新調查就顯示，有73%嘅強國家長，揀美國為熱門大學留學首選，而且有44%認為內地教育唔及海外好。

根據國際教育機構數據，2012至2013年度美國有81.96萬嘅學生來自海外，當中內地學生佔29%，即約有23.77萬人，佔比最大。有內地留學機構估計，去海外留學一年成本大概5萬美金，即係話每年強國人向美國進貢119億美金（約928億港元）。唔單止咁，人仔近排腳軟，由今年1月中高位已經回落近3%。有強國家長話，本來諗住人仔繼續升，遲啲先買美金有着數，點知越望越傷心，以一年留學洗費5萬美金計，1月中至今已經要俾多9,000蚊人仔！