亞氏保加

mandytanghk

del.

lamtsuiyee

有乜發現你會覺得小朋友係 亞氏保加 呀? 已確診嗎?

prisyan

可參考:
http://www.asperger.hk/c_index.htm

mandytanghk

del.

四隻貓

我仔兩歲四個月, 情況都跟你仔好接近.

極少眼神接觸, 屋企人陌生人佢都極少望人, 我成日要佢望住我講野, 佢好抗拒.

唔多講野.講親主要都係英文, 仲要好標準.屋企除左工人主要係講廣東話.

超強專注力, 佢自細專心做緊一件事, 可以對身邊其他事完全視若無睹, 我地叫佢佢都無反應, 我之前成日擔心佢耳仔有事.不過後來都好肯定佢耳無事.(因為佢識英文拼音)

沉迷英文字母同英文字, 佢已經識點運用phonics, 會自己砌一d 字去拚音, 發音標準過我...會自己不停串字.我之前主要係教大女phonics, 佢聽下聽下就學晒.

記字能力強, 已經可以讀到成本英文書( Mo William 既 Piggie and elephane)好喜歡睇書, 仲會一路睇到好笑情節自己大笑.中英文字都係教一兩次就記得.

沉迷砌圖, 可以玩好耐同砌完又砌. 又會專登把四個不同的砌圖塊撈亂, 再快速完成四塊砌圖.

脾氣好大 - 不過其實好多兩三歲小朋友都有terrible 2 問題, 所以呢點我無擔心.

唔太怕痛, 跌倒佢好多時都無喊無事.

固執, 強秩序感 - 佢行開呢條路就要行呢條路, 唔行就發顛....佢成日幫d野排列, 公仔, 車仔, 字母全部都可以排一條又一條隧.

最擔心係佢溝通問題. 佢無咩同理心, 唔明白點解媽媽會生氣, 點解會喊.佢亦好唔明我講咩. 佢唔多講野, 就算講都係講英文.

我都睇左好多自閉/亞氏保加既資料, 暫時都估應該唔係自閉症/亞氏保加.因為佢會角色扮演, 佢會餵公仔飲水.有野食就一定會彩人.

不過好肯定佢語言表達同溝通理解能力係比較差.但返PN 同Best concept (蒙特梭利學校)老師們都覺得佢無大問題, 仲讚佢專注力高...

大女果時係唔會0甘樣,只係會有terrible 2 既脾氣同固執.所以我都幾擔心, 好想知點樣可以幫到仔仔.

mandytanghk

del.

kc1016

mandytanghk &  四隻貓,

我個大仔而加小2, 其實佢同你小朋友的 case 好多都好似:

如.
1.成日將2塊板一樣的東西,係到扮門玩開關, 又係將食飯快子都用黎扮門玩, 而加細老又係甘.
2. 超強專注力, 佢自細專心做緊一件事, 可以對身邊其他事完全視若無睹, 我地叫佢佢都無反應.
3. 沉迷英文字母同英文字, 未到3歲已經可以串好多字.
4. 怕大聲既野, 唔鍾意玩沙.
5. K1 到而家, 老師叫小朋友一齊唱歌+跳舞 or而家讀書, 佢都唔會一齊做.
6. 眼神接觸, 一時有一時無.
7. 遲講嘢, 表達ma ma 地.
8. 上堂就唔專心, 但一問佢又識.

近日返學都好唔專心, 不過我同好多老師/一d導師 talk 過, 都覺得佢唔係自閉/亞氏保加, 因佢都好鐘意同小朋友玩, 又會主動叫人玩. 又話唔係專注力失調, 因默書成日都有100分, 佢哋話可能係資優, 叫我再做D平估喎.

mandytanghk

del.

kc1016

Hi mandytanghk,

我以前都同C6講點解哥哥有甘特別的興趣, 而加細老都係2歲到開始, 成日將一樣的東西合拼, 如一本書開合, 玩時仲加D "地鐵關門聲 - do do do".

哥哥同小朋友相處又無問題喎, 不過以前鍾意同女仔玩多D, 而加就無所為, 而加小2, 如佢唔鍾意某同學, 佢會話某唔係佢朋友囉.

但佢怕沙, D水少少熱都大叫, 又怕大聲, 會用手指 cover 耳仔, 可能係感統問題. (細老又係會用手指 cover 耳仔).

你小朋友甘細, 可以同健康院講 or 返D社交 playgroup 再觀察.

kc1016

另我2個仔D情緒比較波動, 有嘢轉變如搬屋, 升小2轉老師等, 佢都會波動D, 有時會用喊來表達.

kc1016

mandytanghk, 你仔仔近日返學點呀?

mandytanghk

del.

mandytanghk

del.

kc1016

mandytanghk, 唔駛太擔心, 你小朋友仲細, 觀察住先.

如出街(在lift)見到其他小朋友, 你可主動同這小朋友say Hi or 玩, 等你自己的小朋友無甘驚.

你講的第5&6, 我想好多小朋友都會甘.

mandytanghk

kc1016,

thx, 我都係繼續觀察, 同佢傾多啲, 睇多啲書, 有時控制下我自己既EQ..

好彩佢自細語言能力&表達好好,同我地溝通冇問題.

kc1016

mandytanghk,

我想問下你所講的第1點, 係點好似亞氏保加.

1. 記憶力太好 --- 好到好似亞氏保加既描述咁.

mandytanghk

del
...

四隻貓

多謝你呀.

我仔返左兩個月PN, 又ok喎, 初期我好擔心老師會叫我同佢去評估...老師都話初時覺得佢太活潑完全唔聽指示, 但一星期後已正常晒又乖又合作. 不過都係無咩同小朋友玩, 但佢好投入上課各種活動.

但我仔仲有一大問題, 唔肯去廁所. 從來唔肯講去vv poo poo, 到現在快2.5 仍然要用尿片. 真係令我苦惱.....大家小朋友有無此情況呀?

kc1016

四隻貓, 原來我個細仔同你個仔差唔多, 又係要著片片, 真煩....

你講你個仔仔D嘢, 有幾點細仔都係:

- 極少眼神接觸
- 超強專注力, 佢自細專心做緊一件事, 可以對身邊其他事完全視若無睹, 我地叫佢佢都無反應
- 英文字都係教一兩次就記得, 有次我買咗cookie比哥哥食, 晚上同佢講, 衣D叫"cookie", 第日一早佢見哥哥食, 佢立即話要"cookie".
- 脾氣好大, 唔like會拍地.
- 佢行開呢條路就要行呢條路, 唔行就發顛 (可能佢以為無街去)

不過佢同我哋講嘢就好好, 外人就一般, 唔知到時interveiw K1會唔會答老師.

近日鍾意將D bottle不停甘轉, 然後自己講"next station is XX" "do do do". 都唔明佢又玩緊嘜.

點解好似而家D小朋友多D問題甘, 我哋細果時都無甘呢?

mandytanghk

del.