英普定英粵

bobo44a

請教下大家， K1 ,英語同英普，大家會點揀，屋企係全廣東話！如果最後選英普，又擔心小朋友聽唔明, 幼稚園的考核，會唔會有影響？

hppa

prefer 英粵

c50382952

太多人神化左英普班，以為少班就係精英班，係美麗的誤會。如果想幫助小一面試，一定係讀英粵班。太多過來人既小朋友普通話叻左反而廣東話無咁叻，可惜小一面試正正係用廣東話面試，要小朋友面試好表現，一定係加強本身既母語，普通話講到識飛都無用，幫唔到小一面試的。希望選英普的父母三思而行，唔好盲從附和，適得其反。

Forgetmenot999

am621 發表於 17-12-5 17:40
如選英普最好有以下條件:
(1) 家庭有起碼最基本普通話support，唔好完全唔識;
(2) 小朋友語文能力要強;

如果家庭要有普通話support,班蘇淅及孫方中家長咪好大獲！事實我認識好多無家庭support小朋友都一樣好流利

nic_bb

I prefer can/eng

B7Mimi

bobo44a 發表於 17-12-3 11:11
請教下大家， K1 ,英語同英普，大家會點揀，屋企係全廣東話！如果最後選英普，又擔心小朋友聽唔明, 幼稚園 ...

两文三語係大趨勢，有得揀一定揀英普。

DengCK

英普，貪唔駛再出去外補普通話

^GGmami^

DengCK 發表於 17-12-6 18:04
英普，貪唔駛再出去外補普通話

呢個真，英粵班都要學普通話，既然避唔開，點解唔揀英普學少科添！我屋企都無普通話語境，但小朋友在校已掌握得不錯，至於有人話怕小朋友唔識廣東話就仲奇怪

上到小學，學校係粵教中，我女寫作時都會用普通話試讀，如果讀得通先寫，而且拼音佢已學懂，小一課程佢可以好輕鬆應付，我完全唔理佢普通話科嘅野，自己搞掂晒！

msLamip

普通話我成年先學，都學到個普通話教師水平試過關，當然吾係甲等，但真係吾駛用十幾年去學（幼稚園到中三）！
棄用母語學習既損失係難以估計，如果真係要咁：我揀英日或英韓。
普通話教中文係吾會中文好咗，早有研究證實咗！

^GGmami^

am621 發表於 17-12-7 10:52
請教下, 好多過來講英普班小朋友寫作較好, 會否因為普通話比𢈎東話少口語關係?
...

我個人覺得係，而且講真依家d所謂作家寫果堆書，真係好口語化，我唔係咁想自己小朋友學

B7Mimi

^GGmami^ 發表於 17-12-7 12:38
我個人覺得係，而且講真依家d所謂作家寫果堆書，真係好口語化，我唔係咁想自己小朋友學
...

講得啱，普通話至係正式中文，Donald 個孫女都係學普通話，唔係學粤語。

columbae

B7Mimi 發表於 17-12-7 15:59
講得啱，普通話至係正式中文，Donald 個孫女都係學普通話，唔係學粤語。
...

全世界衹有香港咁奇怪，用非母語去教母語，d家長仲覺得好，結果証實小學生的閱讀能力，粵教中比普教中優勝

B7Mimi

columbae 發表於 17-12-7 16:13
全世界衹有香港咁奇怪，用非母語去教母語，d家長仲覺得好，結果証實小學生的閱讀能力，粵教中比普教中優勝 ...

睇番個報告，普教中只比粤教中差2分，即係分别不大。而且香港仍排第三，比起其他母語教學國家例如美國，排名前好多。所以閱讀能力降，不一定跟是否母語教學有關，仲有好多其他因素影響。但係不管如何，普通話先係真正嘅中文。