會不會要求留級

Halu-halu

大家好! 我是新加入會員, 小兒今年小六, 成績一向不太好, 去年當時下學期大考成績未出, 已要求學校讓小兒留級, 但學校說你兒子成績不差, 可以升班, 又說等成績出來再說, 如是者用拖字訣, 成績最後出來中數不合格, 仍是要升班. 但其實有沒有媽咪知道, 可不可以要求留級及要什麼情況下才可做到呢? 請幫忙給我資料. 萬分感激.

Nymph_

Halu-halu
我個女間學校,要考全級第尾果個,同埋老師,主任一致認為留班,個小朋友會有進步,同埋操行唔差先有機會&考慮比小朋友留班.
我個女由p.1-p.3 ,中,英,數,常都唔合格,我年年都同老師講話,要我個女留班,老師就同我講咗以上嘅說話,依家--升班容易留班難.
    

fitceo

Nymph_,

唔好意思,咁你點解決女女問題,因為我仔仔而家p.2都係中,英,數唔合格,好頭痕. 請分享!

sorlo

其實究竟係學校程度高定係你地小朋友真係成績無人地咁好呢????????

Billy2393

留級不等於會進步,要看看問題出在那裏.

fitceo

阿仔學校都係屬於較深既小學,唔知係咪咁,佢跟唔上,就無心向學,做親功課都超慢,唔想做,做無兩分鐘,就諸多籍口,就黎俾佢玩死.

vespa

小朋友未開竅姐, 唔使擔心, 有時D野逼唔黎, 俾D時間佢地啦.

Billy2393

小朋友返學開心最重要(即好想返學)，留級未必有用。我會考慮轉校多過留級(if no other solution)。

Halu-halu

不好意思剛出外辦事回來, 謝謝你們的回應. 我兒子小一時已評估為亞氏保加症, 情況不算嚴重, 但又有專注加不足及有小許學習遲緩, 小朋友應該學習到比實際年齡慢1-2年, 其實我一直有帶兒子去做訓練, 而學校方面亦很配合及包容. 本來小一至小三時學習還可應付,但越高年級所學習的越來越深, 理解再加上思考都不通, 就開始難以應付學習.

到現在我要每晚在傍邊教做功課, 不教不做, 我日間又要上班, 晚上又要做功課, 真的很累 . 但小朋友真的不明, 又不能怪他, 只有又從最淺道理講解一次再提示, 勉強完成功課. 經常真的想死.

但我覺得要小朋友勉強升上中學, 惡性循環, 將來只會變成雙失青年, 吾通要他將來拿綜媛, 我真的吾想. 點解要留班都那麼難.     

吾知可吾可以叫醫生/醫院社工幫手寫信求情呢.

fitceo

Halu-halu ,

請問亞氏保加症係有乜野特徵, 我怕小兒都係,佢而家都係要人從旁協助,先可完成功課,佢小一時到補習班做功課,初時都可以用合理時間完成功課,但慢慢佢就坐喺度唔肯做,補習班攪佢唔掂,因為我既工作要9點至番到屋企,而家同佢做功課既重任,交左俾姑奶,又係初時可以完成功課,而家慢慢又要搞到好夜,要我番到屋企至完成,好想同佢轉校,但又怕做錯決定.

櫺囹桼

Halu-halu ：
相信要照顧一個患上亞氏保加症小嘅朋友係要好多心血！理論上係可以要求專科醫生+社工寫封信要求校方留級(比起十多年辛勞，就算去求下校長又算得乜野？)
問題係事前一定要同小朋友講解釋清楚(溝通好…)你嘅諗法，因為留級對普通小朋友來說也不易接受！
祝囝囝喺你照顧之下可以繼續開開心心完成學業，大個搵份好工可以獨立就是對爸媽最好之回報！

007

Nymph_

fitceo
其實我都冇乜解決方法.
我個女係屬於冇記性,吸收力弱同埋理解力弱嘅小朋友.
由p.1-p.3 ,我會教我女女,唔識一定要問,千祈唔好驚比人鬧就唔問.
除咗功課,佢係校內,上課情況,我都會跟得好貼.
我通常都唔會理會佢Ｄ分數,只係鼓勵佢多Ｄ,同佢講千祈唔好灰心,有朝一日會成功.
我覺得我會睇佢嘅過程,有冇盡力同認真,做曬而分數都唔合格,我唔會鬧佢.會同佢一齊揾個問題出黎.
所以我覺得你唔需要太擔心.

fitceo 寫道:
Nymph_,

唔好意思,咁你點解決女女問題,因為我仔仔而家p.2都係中,英,數唔合格,好頭痕. 請分享!

florence123

你是一個好好的媽媽呀!繼續努力

Nymph_ 寫道:
fitceo
其實我都冇乜解決方法.
我個女係屬於冇記性,吸收力弱同埋理解力弱嘅小朋友.
由p.1-p.3 ,我會教我女女,唔識一定要問,千祈唔好驚比人鬧就唔問.
除咗功課,佢係校內,上課情況,我都會跟得好貼.
我通常都唔會理會佢Ｄ分數,只係鼓勵佢多Ｄ,同佢講千祈唔好灰心,有朝一日會成功.
我覺得我會睇佢嘅過程,有冇盡力同認真,做曬而分數都唔合格,我唔會鬧佢.會同佢一齊揾個問題出黎.
所以我覺得你唔需要太擔心.
[quote]
fitceo 寫道:
Nymph_,

唔好意思,咁你點解決女女問題,因為我仔仔而家p.2都係中,英,數唔合格,好頭痕. 請分享!

[/quote]

fitceo

Nymph_,

我仔仔就非常懶散,最好乜都唔駛做,成日諗辦法逃避,但問佢鍾唔鍾意番學,佢又唔抗拒,日日放學我都會問佢開唔開, 佢又會話開心,只要唔好做功課就得. :cry:

sorlo

懶散,－－－－－－

係一般小朋友既通病~~~

supericeice

Fully agree.

sorlo 寫道:
懶散,－－－－－－
係一般小朋友既通病~~~

Halu-halu

fitceo, 你好. 其實亞氏保加症具體是社交困難, 每個小朋友都情況不同, 但小兒是輕微一類, 你可看看特殊教育版的資料.

但教導這些小朋友是有無比耐心, 我也不看他的分數, 只求他是比前進步.  

你的小朋友要看他的情況, 可能他真的不明, 日積月慮下來他放棄了追回課程, 以不做功課作對擴, 所以要跟他好好的了解, 抓出根源才能治本. 如果小朋友的學校功課太深太多, 考慮轉一間比較輕鬆的學校, 他能追上課程, 就會自己做功課. 大家努力 加油

fitceo

Halu-halu ,

多謝!多謝! 好高興睇到你既回應! 會認真考慮轉校問題 !

Halu-halu

007, 你好. 我已在做功課了, 對小兒做解釋情況, 他本人是不願留班的. 他的應知能力還細, 我會用很多反面的情況給他知道勉強升班的壞處, 留班的好處從而令他也接受事實.   

我12月中會見醫生, 中一選校幾時會開始? 吾知趕得及在選校之前將信交到校長手上!

Nymph_

florence
其實我唔係好似你咁講得咁好,我對大女嘅要求同處理方法,同細女嘅方法完全係相反.我覺得對唔同細路要用唔同方法.
我依家係社區中心,讀緊一個叫朋輩輔導嘅課程,對自己同對身边嘅朋友&小朋友都有好處.
我希望自己能夠學得到.