請問你仔女的學校派唔派呈分試的試卷?

hoihoiching

如題

sorlo

唔會比番家長睇, 個女自己對番

hoihoiching

我個女果間學校，份卷連學生都無得派返黎睇呀！！

rclamlam

所有呈分試試卷, 任何學校都唔可以派番比家長看, 只可以係堂上講比小朋友聽正確答案, 之後就要收番.

agoodfox

如果家長要求，可約見班主任查看。我就做o左。之前，老師亦會向同學們報分，所以大家都心裡有數。

Hellomummy

agoodfox 寫道:
如果家長要求，可約見班主任查看。我就做o左。

SAME  

Midagemum

     唔派, 但會派俾小朋友在堂上更正。

       試過一個家長話, 唔係每個老師都鐘意學生測卷gei(雖然呈分試好重要)，如果小朋友成績一向不是好好,  他試過打電話問老師要求睇卷, 個老師串他, 我已經叫所有同學仔在堂上改正了, 你自已問麼下你的小朋友啦, 唔通他改d麼你小朋友都唔知mei?
     
     另一個小朋友平日成績幾好, 他考試成績唔係父母心中期望gei, 考90分, 家長要求check卷, 老師事後對同學仔話, 考90分都要check卷, 甘做老師唔係好唔得閑, 係唔係你父母要係考狀元啊, 小朋友無言以對 .  ---( 離題, 一笑話,       
    我怕煩,怕填申請書,  所以唔check卷.

nfl421421

我個小朋友成日雲遊咁...P4 test試過老師計少1x分都唔知,仲比我鬧左一餐,後尾我再計至知加少左分,真激死 !!!!!

hoihoiching

上次呈分試, 中文科阿女係最有信心的, 但係結果四科之中考得最差, 我咪打電話問老師, 老師只係找回佢份卷係電話度同我講佢錯咩嘢, 但係阿女就話份卷有d佢唔係咁答, 應該係啱既,咁我咪要求到學校查卷, 但被老師拒絕, 理由係學校同教統局的政策, 係唔可以查卷喎,  都唔知係唔係, 總之就覺得有d唔係甘心.  

Homama2004

我哋學校都不會派.有同學媽咪去年想check卷都不成功.

在上次小五家長學校派定心丸,四班會交換改卷而再由科任老師再核對,然後才派比同學check.話很嚴謹叫我哋放心

我小朋友今次常識時事題問日本首相,佢寫了安培晉三,老師扣了1分,應是"倍".被我們在找到有些報紙是翻譯為安培晉三,所以成功取回1分,如不是呈分試,我多不會爭取,好似好trouble咁,但今次是呈分試都要厚著面皮去爭取.....

T.K.

我個囡間學校都唔收攞返屋企, 只響堂上派並改正之後要交返老師, 不過我個囡就抄晒d分比我睇. 我問個其他學校嘅家長, 都係一樣. 所以, 如有老師改錯都唔知!  
不過, 我信得過佢學校d老師同自己個囡, 如果個囡堂上做改正時知道有改錯佢自己會提出, 同時老師都係專業嘅, 禁重要嘅報分試, 唔會有錯掛.

  

Smile--Pun

我個囡間學校都唔攞返屋企, 老師改了之後只響堂上派比學生對,有改錯的話會即時同老師講,之後要交返比老師,

0120

係呀!
大多數學校都吾會派比家長睇, 所以吾知道佢地錯d係大意錯定真係吾識。

tkkmama

我地都唔派, 好靠佢自己睇/計/記得幾多得幾多.... 有時又真係衰乜都唔知道架.
  

ANChan59

T.K. 寫道:
我個囡間學校都唔收攞返屋企, 只響堂上派並改正之後要交返老師, 不過我個囡就抄晒d分比我睇. 我問個其他學校嘅家長, 都係一樣. 所以, 如有老師改錯都唔知!  
不過, 我信得過佢學校d老師同自己個囡, 如果個囡堂上做改正時知道有改錯佢自己會提出, 同時老師都係專業嘅, 禁重要嘅報分試, 唔會有錯掛.

Support TK's views.

My son's case very similar to TK's daughter.  The kids review the paper during the class and they can appeal to teacher for some cases.  Honestly, If the kid's standard is relative low, he won't complain or appeal to teacher on some questions, like more than one correct answer.

Also, other assessments' paper will pass onto parents to review, we can have a feel the level of teachers marking performance.  Unless, many problems happen in asessments, if not why we don't trust the school.

CHUCHU

我呀間都唔派返屋企,但係就派比學生對改.跟住家長日就會比d卷家長睇,睇飽就比返老師,然後就同老師king下學生d情形啦.如果份卷有錯可即刻更改,因為要等多一兩個生期先派成績表.

norakyng

Hi,

No, my son checked examination paper in school.
I don't have a chance to see it.  Think school doesn't
want parents to challenge score mark.

Cheers.

mamafufu

全香港的呈分試卷都唔會俾學生拿回家。因呈分試會影響學生的派位結果，可能影響終身，所以教署"安全至上"，規定唔俾攞返屋企，以免有人"出古惑"。

如果家長真係懷疑老師改錯，可"強烈"要求到校在老師在場的情況下CHECK 卷  ....................................................................... 一百間小學之中應會有一間可批准這項要求。

rclamlam

所有學校既呈分試試卷係唔會派番比家長看, 有部份學校連學生都唔會派番比佢地係堂上講番錯咩添.

supericeice

其實有好多小學由小一開始的考試卷都不會派回給家長看的, 測驗卷就一定會派, 但所有卷都會在課堂時要學生自行核對答案和分數, 以便他們了解錯在那裡, 若有任何差錯便會直接與老師覆核, 所以對一個小五六學生而言, 他們絕對有能力和責任以爭取自己應有的分數, 做家長的也應給予信任.  再者, 作為一個專業及負責任的老師, 他們也會小心的批改試卷, 以免影響各學生的前途, 所以做家長的也應給予對老師的信任, 不然, 除了增加老師工作量外, 我們怎能教導子女尊重與信任師長呢!  當然, 若成績與平常表現有很大的差距, 經與子女了解後再與老師查詢, 也是無可厚非的.

norakyng 寫道: No, my son checked examination paper in school.
I don't have a chance to see it.  Think school doesn't want parents to challenge score mark.