港大×中大宣傳防癌

elbar

■港大醫學院院長梁卓偉（左）與中大醫學院院長陳家亮（右）拍片叫市民防癌。

政府啲宣傳計劃經常會有吉祥物，同環境局局長黃錦星撞樣嘅大嘥鬼就係個好例子。衞生防護中心為咗提高市民防癌意識，都專登用過百萬元搞個宣傳計劃，包括設計咗7隻叫健康聯盟嘅吉祥物。據防護中心介紹，每個聯盟成員都有自己嘅性格特色，例如首領防癌隊長就好聰明同有正義感。每個角色嘅外形都似個盾牌，佢哋會同人類撞樣嘅機會應該都相當微喇！

雖然噚日係政府宣佈政改嘅日子，但係防護中心都冇讓路，開咗個記招介紹呢隊健康聯盟。記者會亦星光熠熠，除咗衞生署署長陳漢儀同防護中心總監梁挺雄等自己人，仲見到港大醫學院院長梁卓偉同中大醫學院院長陳家亮。原來兩大院長齊齊為宣傳防癌拍咗條短片，片中兩人更有擊拳動作；論片中表現，梁卓偉以前做食衞局副局長時都拍過吓宣傳短片，演技尚算純熟，陳家亮睇落亦唔算太過拘謹，兩人算係打成平手。

短片噚日起喺電視有得睇，防護中心亦為健康聯盟開咗個facebook專頁，有興趣可以到專頁睇片。


李八方

goodenough

梁卓偉、陳家亮拍片？又黎不務正業！

教育工作者有時走入人群，跟社會一同呼吸，比只懂爭世界排名更有意義！