band 2生入讀band 1英中=自討苦吃?

kianmama

小兒屬於band2組別, 如果入讀一所頗出名的直資英中, 會不會對小朋友吃力, 難於適應而無心學習.
其實本人想小兒入讀一所校風好的band2中中, 對小朋友及家長都不太吃力, 但老公和我的取向剛剛相反, 要入一間直資英中, 是否我有問題? 對小朋友要求過低?

rclamlam

咁就要看你小朋友基本英文程度得唔得啦, 如果佢英文底唔好, 去到英中真係會讀得辛苦, 但又唔可以話一定讀唔到, 真係好看個小朋友.

讀中中小朋友就會容易適應, 你要知道中學生活唔同小學, 佢地要面對既野好唔同.

kianmama 寫道:
小兒屬於band2組別, 如果入讀一所頗出名的直資英中, 會不會對小朋友吃力, 難於適應而無心學習.
其實本人想小兒入讀一所校風好的band2中中, 對小朋友及家長都不太吃力, 但老公和我的取向剛剛相反, 要入一間直資英中, 是否我有問題? 對小朋友要求過低?

bb130

我認為首先要留意你的小朋友是否一個自律和主動學習的人,因為如果平時你已經有培養他看英文新聞,聽英文歌,看英文書,跟外國人學英文的話,那麼他的思維就接近用英文直接思考,這樣便比較好。相反,如果他是一個在讀書方面比較被動的人,那麼讀英文中學就是一項苦差。

kianmama

其實我小朋友資質不錯, 只是比較懶散, 不懂自動自覺, 下下要我發脾氣先肯溫書. 怕就怕上了中學都没有改善.
我都有買英文書給他, 但他碰都不碰    另外在英國文化協會都有報讀課程, 見佢d worksheets 都做得幾好, 上次 test 都有 32/50 分.

Jcmichelle

In fact, a band two student is not easy to get a seat at commom EMI school, If what you said his dady want she/he to get a seat at a 頗出名的直資英中. It is more hard for him/her. You need to think about that it will bring both of you and your kids a really great pressure.


Cheers

tkkmama

o~~仲要係"頗出名的直資英中"    尊重下爸爸既決定,入表考下咯, 你再搵一間適合佢讀既來打底咯....

kianmama

Jcmichelle,

因某種原因, 可以入讀的機會都很高, 在我而言, 真的很怕壓力及應付不到, 但老公很堅持.

rclamlam

kianmama,

通常直資英中都係band 2學校, 只係佢用既係英文, 如果你唔去試下, 你老公會唔高興, 個仔佢都有份, 都試下先啦, 同樣都可以試中中架.

sorlo

如果入到机會大，　不彷一試，當比個机會大家都好

tkkmama

如果係咁, 同仔仔商量下咯, 始終他朝係佢面對壓力多過你地面對架, 唔好咁大壓力俾自己, 分析下目前形勢俾佢知,小朋友唔細架啦, 佢有權決定下自己既前途架啦.

kianmama

Dear all,

我都有同囝囝傾, 最初他很抗拒, 說明不讀英中.  前晚再和他提及, 不像之前抗拒, 或者姑姑和他分析過, 所以他都開始接受.
不過我都會尊重爸爸的決定, 以後的事, 以後才算.

p.s. 此校將於明年才會轉直資的

sorlo

kianmama 寫道:
Jcmichelle,

因某種原因, 可以入讀的機會都很高, 在我而言, 真的很怕壓力及應付不到, 但老公很堅持.


在小朋友讀書既決定上，　父母應該同一口徑，　所以若果你老公堅持，　就尊重佢啦

哈里波特

赤柱聖士提反?
如真有人事關係的話, 可否先行在2nd round搏抽一間band1/2之間的津貼英中, 唔得再扣門? 咁樣, 個程度差距無咁大。最終唔得又可以有後著。
如那直資收了你, 你就無得 lucky draw 啦, 咁又點會有機會再考慮中中呢!

wildberries

Agree!  No one know what would happen.  May be he becomes very smart and has very good performance in a later stage!  Don't give up so early.  Give him more confidence.  

All my P6 classmates went to EMI school at that time, no particular problem.  Just be brave to face it.   

sorlo 寫道:
如果入到机會大，　不彷一試，當比個机會大家都好

kianmama

哈里波特 ,

估中   
其實我都打算第一個round會另外選間自已心儀的中學(band 1 尾至band 2頭).

另外,好多謝大家比左咁多意見我     

櫺囹桼

英中有英中長處、中中有中中優點...不過真正讀書個係囝囝...點解唔問下佢意見呢？(陳述中中/英中之利弊...大個仔..識諗架啦！)

kianmama

好多謝妳的建議, 我和老公都打算同囝囝詳細傾下. 不過我和老公要有共識先, 才分析比囝囝知中中/英中之利弊.

[quote]
櫺囹桼 寫道:
英中有英中長處、中中有中中優點...不過真正讀書個係囝囝...點解唔問下佢意見呢？(陳述中中/英中之利弊...大個仔..識諗架啦！)

櫺囹桼

[quote]
kianmama 寫道:
好多謝妳的建議, 我和老公都打算同囝囝詳細傾下. 不過我和老公要有共識先, 才分析比囝囝知中中/英中之利弊.
[quote]

kianmama ：
“小朋友資質不錯，只是比較懶散，不懂自動自覺，下下要我發脾氣先肯溫書...”
中學同小學相差好遠，科目&程度都突增、課外活動又比較多(有啲學校規定要參加...)，假如抗拒英文教學＋唔自動自覺都好難搞！
中中開始時比較冇咁吃力，中三打後一定辛苦過英中生(追英文）；英中一開始時就要發力(唔發力以後上堂就好易發吽哣...)...反而中三打後已經穩定...所以最好一家人商量好...無論小朋友意願如何都得到家人支持及鼓勵..咁小朋友就算讀咩都一樣可以出人頭地！

007

加菲貓

如果係聖士提反, 都可以諗下, 因為佢地都唔係全收band 1, 有部份係band 2, 程度唔係好深. 一般直資校風比band 2中中好, 因為佢地有得揀學生, 但津校教統局派咩學生都要收, 如果有把握個間直資會收你個仔, 咁不妨試下, 若果讀唔點, 先轉校, 入英中難過入中中, 英語教學遲早都要面對, 有好多中中, 到高中都轉英文.