關於集團
集團品牌
presslogic-logo
廣告查詢
工作機會
用戶登入
用戶名稱:
密      碼:
搜索
教育王國 討論區 教育講場 解放軍下月殺入中大 與學生打籃球
發新帖
查看: 614|回覆: 2
go

解放軍下月殺入中大 與學生打籃球 [複製鏈接]

Rank: 13Rank: 13Rank: 13Rank: 13


77858
1#
發表於 15-4-28 08:57 |只看該作者 |倒序瀏覽 |打印


駐港解放軍殺入中大校園!講緊嘅係駐港解放軍下個月8號會去中大聯誼。近日中大研究生會已經開始招募學生參加,講明講得一口流利煲冬瓜嘅同學優先。

八方拎到由中大研究生會發畀會員嘅電郵,話嚟緊會有「100名錚錚鐵骨的軍旅兒郎將與中大學生相處一整天!」成日流流長做乜?除咗參觀校園,賣點之一係同「男神沈萌萌」(即係中大校長祖堯BB)嘅午餐之約。食飽飯後,解放軍仲會同學生切磋下籃球技術㖭,唔知祖堯BB會唔會變身啦啦隊為同學打氣?

學生會長話唔恰當促解釋

查實駐港解放軍以往都去過其他院校,伎倆不外乎搵班年輕官兵同學生一齊上堂同打波,推銷佢地有幾親切和善咁囉。最經典一次,係2009年去城大時,學生會長李安然同解放軍副政委曾慶年握手後突然擁抱對方,連曾少將都好愕然。

不過去到中大,就未必會遇到熱情招待喇。中大學生會會長王澄烽同八方講,以現時政治形勢,解放軍入校園活動好惹人遐想,並唔恰當,質疑校方係咪主動安排,亦唔明解放軍嚟聯誼為咗乜。而活動更由祖堯BB親自接待同共晉午膳,顯示校方隆重其事,希望校方盡快解釋。佢又話校方冇叫過學生會幫手招募學生,亦都冇本科生收到由校方發出嘅招募通知,質疑活動嘅性質同埋對象。

八方問過中大同駐港解放軍,呢壇活動到底係乜?解放軍截稿前未回覆,中大就話解放軍過去都有互訪聯誼,請學生參觀軍營同到訪校園,中大仲同解放軍協商緊訪問,細節落實就會由學生事務處邀請所有同學報名。至於點解中大研究生會率先出電郵,佢話個會係幫手做初步工作喎。


李八方


   0    0    0    0

Rank: 13Rank: 13Rank: 13Rank: 13


77858
2#
發表於 15-4-28 14:16 |只看該作者
駐軍擬下月訪中大交流

解放軍駐港部隊擬下月到中文大學與學生交流,行程包括參觀校園、與學生進行籃球比賽等,負責舉辦活動的中大研究生會近日發出電郵邀請學生參加活動,據知參加名額只有約數十個。中大學生會會長王澄烽稱,自己未有收過有關通知,質疑是校方邀請解放軍入中大,或是解放軍主動提出有關活動,希望校方可以向師生清楚交代事件。

中大回應指,解放軍駐港部隊初步計劃下月八日到訪中大,待具體細節落實後,大學學生事務處將公開邀請所有中大同學報名參加,中大研究生會現正協助大學參與籌辦初步工作及協助組織接待同學。

中大又指,駐港部隊一直有舉辦「駐港部隊與大學生互訪聯誼活動」,邀請大專學生參觀軍營,並到訪港大、科大、理大等院校。

Rank: 5Rank: 5


1852
3#
發表於 15-4-28 14:48 |只看該作者
可能中大學生會同學仔未出過門又未聽人講過, 其實喺外國好多大學, 同軍方行得埋好多, 校內常設有軍方招募處添. 喺美國叫 ROTC, 喺英國叫 UOTC, 名校牛劍當然都有分舵, 有 Facebook 網頁自己睇睇.

解放軍黎大學交誼, 打場籃球又有乜咁特別 ? 又話「不恰當」, 又要「促解釋」 ?
‹ 上一主題|下一主題
返回列表
發新帖