ADHD加讀障的小朋友適合去讀寄宿學校嗎

Naughtymom

夜深人靜，思潮起伏，擔心自己做錯決定。

阿仔依家11歲，直資小學，有自己中學，所以在港升中不是問題。

但阿仔因為讀障，無動力學習，中英數都係below average. 一叫溫書做功課就無心機，所有功課全部都係hea做，但求有貨交就算數。

其他方面亦沒有特異功能。屬於資質平平那種。學業上，佢嘅進步唔係無，但係非常之緩慢。我本來打算係送佢兩年後過去英國讀Y9。

但最近似乎佢Hyper情況嚴重左，人地都話年紀越大，情況會越好，但我無呢個感覺，再加上難專注學習，我唔知佢咁嘅情況，送佢去讀寄宿，是否係一個明智的決定。會唔會仲差過留係香港？因為無我係身邊鼓勵佢開解佢。

我搜尋網上都有見過講ADHD小朋友長大左有D好成功，但通常人地都係屬於資優，某方面特別叻！

咁我都想我仔係呢種類型，但好可惜唔係。

最理想應該係我陪佢過去，然後佢送去day school, 但客觀環境不允許我地屋企咁做。

我好想請教下同路人，比D成功例子我，等我多返D信心，我都唔想係送佢出國讀書呢件事上面左搖右擺。但真係害怕幫佢做了一個錯的決定。

請問有家長可以分享一下嗎？感謝！

亮燈

我細仔亦有讀寫障礙，係香港讀直資，考試時可以額外延長時間，但成績都係唔掂，到最後我就問佢想唔想去英國讀書，佢答話好，於是就去左英國讀中二，依家好彩讀緊大一。
雖然去英國讀書唔一定解決到問題或一定成功，但我知道如果當時繼續係香港讀就一定失敗，既然佢肯去，就俾多條路佢選擇、嘗試，無論得或失，都已經無悔。

culver

Naughtymom 發表於 23-3-22 00:43
夜深人靜，思潮起伏，擔心自己做錯決定。

阿仔依家11歲，直資小學，有自己中學，所以在港升中不是問題。

我女兒是 mild ADD, ie 沒有 Hyperactive, 但上堂會發夢，初小時上堂同做功課都有啲難度

她的路是這樣走：高小轉到一間很自由的國際小學，因為小班到不得了，所以上堂再不用發夢，功課跟自己進度慢慢追上。從此建立學習自信。跟住上到去國際中學，據她說慢慢找到「屬於自己嘅學習方法」，她是高中最後兩年才到英國讀寄宿學校。這時發揮小宇宙，又找到自己喜歡嘅科目，今年取得英國美國幾間大學嘅Offer。
如果你問我，我會總結：路是慢慢走出來的，不用心急！

culver

Naughtymom 發表於 23-3-22 00:43
夜深人靜，思潮起伏，擔心自己做錯決定。

阿仔依家11歲，直資小學，有自己中學，所以在港升中不是問題。

另外，如果 hyper 嚴重了，有沒有食藥？我見很多小朋友食藥之後，控制到自己，會知道自己可以做到啲咩，漸漸進步㗎

而我女兒是 mild case，不用食藥。不過小時有參加行為課程

964000

Naughtymom 發表於 23-3-22 00:43
夜深人靜，思潮起伏，擔心自己做錯決定。

阿仔依家11歲，直資小學，有自己中學，所以在港升中不是問題。

如果讀障，攪英文一樣會易過本地中文和英文
ADHD方面，發夢不是主要問題，考試會有調適，反而自理唔自理到先關鍵，朋友細路嚴重ADHD(成績冇問題）Y9去boarding就係自理唔到，又要佢請shadow teacher，struggle 咗一年多好采疫情返咗香港長zoom, 到Y12個人成熟了(emoji)咗去另一間細校就好D，而家已入大學。
佢家長話其實以佢自理能力，Y9未ready boarding，所以自己睇下自己細路，人人情況不同。

Clarkie

回覆 Naughtymom 的帖子

我情況同你一樣.  我個件有ADHD, 應該都係有讀障, 我見佢字時, 會成日讀錯, 好似見到大字會讀太, 或見到身字就讀咗體。讀文章好唔順, 讀晒成篇文章後, 其實都唔知講咩。理解能力差。所以無論咩科都係好差的。有努力過, 但唔好得去邊, 好努力先可以合格到。
我有唸過去外國凟書, 但BOARDING的話, 以佢現時咁既成績, 都好難揾學校收。要易啲既一係我同佢一起過去。但呢個真係唔太現實。而且重有個細佬係度。香港IS, 試過考, 但都係唔收。其實佢唔差的。不過LS 行得太快, 佢跟唔到, 太忙 (功課, DICTATION, 小測等等)無咩時間比佢追進度。人哋讀1個鐘, 可能佢要5個鐘。但大家每日都係得咁多時間, 所以無得追。我都唔知點算。

Cecilia66

Naughtymom 發表於 23-3-22 00:43
夜深人靜，思潮起伏，擔心自己做錯決定。

阿仔依家11歲，直資小學，有自己中學，所以在港升中不是問題。

我覺得應該轉香港國際學校，小班教學，有基督教背景比較好，因為比較關愛學生。
讓你的孩子讀到高中，看看他的情緒和學習方面，到時再決定安排岀國讀書，對他情緒比較好，現在他只有11歲太細了，去到外國俾人蝦咁點算？
你現在是他的保護者，要給他有安全感，讓他慢慢地成長。
唔係每個孩子都容易適應外國讀書和生活環境，有些孩子會有反效果。

Naughtymom

亮燈 發表於 23-3-22 18:25
我細仔亦有讀寫障礙，係香港讀直資，考試時可以額外延長時間，但成績都係唔掂，到最後我就問佢想唔想去英國 ...

感謝您的回覆。我仔學校都有調適吖。都係考試加時，試卷放大同埋可以讀卷。
你仔仔在英國讀中二，即係Year 8己過去? 那麼佢是寄宿嗎? 和同學相處愉快嗎? 當時的寄宿學校有對讀障的support嗎? 同埋讀障仔都好難去考學校, 介意分享下當年你仔如何準備入學試和面試，最後入讀了哪一間呢? 謝謝你！

Naughtymom

culver 發表於 23-3-23 02:42
另外，如果 hyper 嚴重了，有沒有食藥？我見很多小朋友食藥之後，控制到自己，會知道自己可以做到啲咩，漸 ...

感謝您的回覆。我其實一直都堅持無比阿仔食藥的，老帥話佢在學校上課時都不會影響其他人，只是趴在桌子上，沒有動力學習咁，但在家則是十分Hyper ，時時手舞足蹈，唔可以悶，會不斷騷擾其他家人同佢玩，醫生上個禮拜見完佢話再唔食藥的話，情況只會越來越差，所以上個禮拜開始俾佢食，但非常輕的分量，食利他林，10mg 但一粒分兩次食，所以暫時我都未見到好大改變。

Naughtymom

964000 發表於 23-3-23 14:41
如果讀障，攪英文一樣會易過本地中文和英文
ADHD方面，發夢不是主要問題，考試會有調適，反而自理唔自理到 ...

感謝您的回覆，請問你指的自理，是指自己著衫，摖牙洗面, 食嘢嗰方面的自理嗎?
呢D我仔係完全無問題的，但如果講收拾書包, 佢就比較弱，時時找不到自己的東西, 因為非常唔organize，心智成熟方面，佢現在11歲，別人眼中覺得佢很會照顧他人，但我覺得佢仲好喜歡chi我的。

但佢甚至識自己煮嘢俾自己食，動手能力也強，識幫我砌櫃, 換房門鎖，小四開始每日都係自己返放學，去補習/興趣班都係自己去，所以我覺得佢算獨力的。只係認字弱，做功課難專注，我見到佢學業上，其實唔同其他同齡小朋友比的話，佢每年都有進步的，只係進步如和其他人比的話，係非常緩慢。

Naughtymom

Clarkie 發表於 23-3-23 17:59
回覆 Naughtymom 的帖子

我情況同你一樣.  我個件有ADHD, 應該都係有讀障, 我見佢字時, 會成日讀錯, 好似 ...

感謝您的回覆，我聽人講，ADHD通常都有讀障，你有去檢查過嗎?  你仔仔現在幾多歲呢?
我們情況真係好相似，我好明白你，LS真係太快，佢地唔係弱智，但佢有自己唧學習進度，係好慢，在LS，好難追到其他人。所乆先想送佢去外國，但係咁唧成績，大家一樣，都係諗緊同一樣嘢，有邊間好學校會收呢? 而且我屋企客觀環境都唔可以俾我同佢一齊走。

不過呢度有位家長beastiebistro好好，佢同我講，唔試唔知身體好，所以點都要試試再算。

Naughtymom

Cecilia66 發表於 23-3-23 20:07
我覺得應該轉香港國際學校，小班教學，有基督教背景比較好，因為比較關愛學生。
讓你的孩子讀到高中，看看 ...

感謝你回覆吖。你都講得好有道理，所以我都在本地國際學校和出國寄宿呢兩個選擇中掙扎。
香港好多好的國際學校都需要買Debenture, 動輒過百萬，我覺得比我送佢去外國讀書都要辣，好似有間劉平齋，我都要考慮下。

但其實提出去外國讀寄宿係我仔自己，因為佢見家姐去了，佢都好想去。所以我兩邊都會試。

Cecilia66

Naughtymom 發表於 23-3-24 12:51
感謝你回覆吖。你都講得好有道理，所以我都在本地國際學校和出國寄宿呢兩個選擇中掙扎。
香港好多好的國際 ...

我倆個女兒在劉平齋讀小一至12年級學生

Naughtymom

Cecilia66 發表於 23-3-24 13:09
我倆個女兒在劉平齋讀小一至12年級學生

感謝您的回覆。我知道劉平齋是行加拿大行制的, 你是打算將來讓小朋友去加拿大讀大學嗎?
呢個亦正是我考慮的其中一個因素, 因為我小朋友, 我會想佢到英美升學, 沒有考慮過加拿大.

但我知道劉平齋是一間有基督教背景的國際學校, 我有朋友仔女都在此學校讀得很開心.

Cecilia66

Naughtymom 發表於 23-3-24 13:16
感謝您的回覆。我知道劉平齋是行加拿大行制的, 你是打算將來讓小朋友去加拿大讀大學嗎?
呢個亦正是我考慮的 ...

我大女兒完成10年級去了英讀2年A level ，在英有offer，但因讀醫科考慮牌照關係，我大女去了澳洲讀醫，因為天氣好。
細女今年12年級畢業，也是去澳洲讀大學。
其實在那間國際學校上大學無直接關係。

anastasia0000

細女有ADHD, 讀寫障礙, Childood Autism從確診開始食藥, 因為食藥前無論點教都唔識(A-Z, 1-10都數唔到)
食藥後明顯係慢慢越來越好
但我哋都會在假期停藥(尤其長假期)唔需要學術上專注就會停
我都好希望送細女去離開香港

964000

Naughtymom 發表於 23-3-24 12:51
感謝你回覆吖。你都講得好有道理，所以我都在本地國際學校和出國寄宿呢兩個選擇中掙扎。
香港好多好的國際 ...

你理解下Debenture, 大部分幾十萬內，而且refundable (離校便可全數取回），有D可交capital levy代替（每年2-3萬）所以唔會辣過出國。

964000

Naughtymom 發表於 23-3-24 12:40
感謝您的回覆，請問你指的自理，是指自己著衫，摖牙洗面, 食嘢嗰方面的自理嗎?
呢D我仔係完全無問題的，但 ...

洗面刷牙冇問題
係好disorganise, 甩漏，唔見野，唔跟schedule, 唔睇時間，失咗蹤… etc
Boarding 係「集體活動」，全部要跟，不能這樣，佢家長試過要在香港半夜教鬧鐘去打電話提佢去考試…#mouth:這是極端例子。
你仔11歲真係好細，不過如果你在香港真係搵唔到IS，我覺得都係要去，如果搵到就可以Y9先去，總之再係香港LS唔掂。
所以我都叫人如果afford到最好從小讀IS, 有時唔係想話轉就轉，你個case如果自細在ESF實搞得掂，仲可以考BTEC. （sorry唔係馬後炮，係比其他家長參考）

964000

Naughtymom 發表於 23-3-24 12:33
感謝您的回覆。我其實一直都堅持無比阿仔食藥的，老帥話佢在學校上課時都不會影響其他人，只是趴在桌子上 ...

其實你仔ADHD已影響學業，現階段係需要食藥的！

Clarkie

我仔有食藥, 但只係個人定咗, 對眼仍然成日放空。做功課係快咗, 但成績無點好到。我見佢讀書時, 一係好多字唔識, 就算識讀, 其實都唔明個意思。好似考常識咁, 叫佢背晒課文, 但考試時, 都係用唔返, 因為唔理解, 唔識運用。基本上其他科都係, 温咗無咩用, 唔識運用。好似個腦CONNECT唔到咁。我都唔知點解。呢啲係咪讀寫?