p.1學生會坐在地上小息嗎？

joycelamb

各位媽媽﹕
你的小朋友是坐在地上小息的嗎？我的小朋友告訴我，他坐在地上小息，他還說他跟幾個同學圍成一圈把食物盒置於地上才吃，我覺得很奇怪，我叫他不要坐在地上，他說有人叫他們坐在地上，我不知道是學校的習慣，還是我隻豬仔誤會了，失禮街坊，請指點一下。

stella2005

joycelamb,

我又冇聽我個女話做係地下吃小食喎, 明早問下佢再話你知啦。

原文章由 joycelamb 於 07-9-5 23:51 硐表
各位媽媽﹕
你的小朋友是坐在地上小息的嗎？我的小朋友告訴我，他坐在地上小息，他還說他跟幾個同學圍成一圈把食物盒置於地上才吃，我覺得很奇怪，我叫他不要坐在地上，他說有人叫他們坐在地上，我不知道是學校的習慣，還是我隻豬仔誤 ...

家熹媽咪

原文章由 stella2005 於 07-9-5 23:54 硐表
joycelamb,

我又冇聽我個女話做係地下吃小食喎, 明早問下佢再話你知啦。

哈哈 ~ 呢個TOPIC 開得好呀 ! 請入去呢個一年前既TOPIC -> http://forum.baby-kingdom.com/viewthread.php?tid=723747&extra=page%3D1&page=64 睇吓 ! 好攪笑 !

joycelamb

家熹媽咪,多謝你的指示，但結果大家都無反映一下嗎？

    今日呀女一番屋企又說老師要她們坐地看書，女仔之家著住條裙下下坐地(街)怎辦？是不是學校的傳統？大家都接受嗎？我知道其他學校都不是這樣的，朋友女兒的學校週會時，全體學生穿體育服，有女孩子忘記穿體育服，則安排椅子給他們。

    我覺得這不單是衛生問題，還是女孩子的修養及儀容問題，是不是我太緊張了，請大家分享一下見解，救救我的迷茫吧﹗

[ 本文章最後由 joycelamb 於 07-9-6 18:28 編輯 ]

柏柏媽

我個女都係呀，佢話無晒枱椅俾佢地用，咁樣放野食落地下好唔衛生，有什麼辦法呢？

[ 本文章最後由 家熹媽咪 於 07-9-7 04:15 編輯 ]

家熹媽咪

原文章由 joycelamb 於 07-9-6 18:19 硐表
家熹媽咪,多謝你的指示，但結果大家都無反映一下嗎？

    今日呀女一番屋企又說老師要她們坐地看書，女仔之家著住條裙下下坐地(街)怎辦？是不是學校的傳統？大家都接受嗎？我知道其他學校都不是這樣的，朋友女兒的學校週會時，全體 ...

我想大家都只係睇左我 post果條line既果一頁 , 當初我都同其他家長質疑 , 點解小朋友會咁 ? 點解學校要咁 ?

或者我咁講 , 你地再睇吓理唔理解得到 !

第一 , 呢一所小學 , 並非傳統小學 , 你見佢地既課外活動 , 多到嚇死人就知 .

第二 , 坐地下在任何一個家長去睇 , 都覺得係有問題 , 就如當年既我一樣 , 會覺得有冇攪錯 !

不過 , 大家可以反過黎諗 , 如果我地揀呢所小學入讀時 , 都默許佢地既活動式教學 , 同時亦接受佢地比出面學校傳統上既一貫作風 , 你就會明白到 , 佢地唔係要小朋友單單坐地下咁簡單 ! 換句說話就係 , 學校要小朋友 , 用佢地既五官 (唔單止係眼/耳/口/鼻) , 重要有感官 , 感官可用手去摸 , 用腳去踢 , 用身體去feel , 如果我地都著眼於禮儀 , 家教及修養 , 咁可能會同當初揀呢間學校既原意而有衝突 , 點解我會咁講 ?

好簡單 , 當你知道佢地係上午時間上正常科目 , Lunch Time 過後就用多智能去上課時 , 你地有冇覺得 , 小朋友都係浪費時間 , 或者心諗 , 間學校係咪傻架 ! 我比錢嚟返學 , 唔係嚟玩 !? 如果有既話 , 今日既你地 , 點解重會比留位費 , 點解重會買書訂校服 ?

先放抵過往大家喺傳統教學上既理解先 , 如果換轉係自己 , 你希望每日都係返學上堂 , 排排坐食水果 , 重覆重覆又重覆 , 抄書寫字再抄書嗎 ? 我地果代未可以受惠呢套教學方式 , 老實講 , 真係有d妒忌 , 或者 , 如果我讀書既年代有既話 , 今日既我 , 可能係個大學生 , 碩士生都唔定 ...

我自問自己都唔係好蠢 , 但就係怕咗果種填鴨式教學 , 到今日做咗媽咪 , 我用返自己果陣既感受 , 去幫自己小朋友揀學校 ! 當然 , 都係果句 , 咸魚青菜 , 各有所好啦 !

而家 , 因為全世界都推行呢個活動教學 , 而令到每個小朋友 , 都有機會唔駛再坐定定去學習 , 咁唔係一件好事咩 !?

[ 本文章最後由 家熹媽咪 於 07-9-7 04:15 編輯 ]

家熹媽咪

原文章由 柏柏媽 於 07-9-6 20:10 硐表
我個女都係呀，佢話無晒枱椅俾佢地用，咁樣放野食落地下好唔衛生，有什麼辦法呢？

或者咁 , 我地首要做既事就係 , 教識小朋友 , 食野前要洗手或者用手巾抹手 , 老師唔會叫佢地 , 將d食物擺地下架 !? 但當小朋友坐地下既時候 , 難免手部會接觸得到地下 , 所以 , 要多加提醒佢地 , 唔好用"污joe"既手仔去拎食物放入口 , 咁就ok ! 至於坐地下方面 , 試試用唔同角度 , 去問吓小朋友 , 你覺得坐地下有咩感覺 ? 或者問返佢地 , 知唔知點解老師會叫佢地坐地下等問題 .. 你慢慢會發覺 , 一切唔係我地所想咁簡單 !

stella2005

joycelamb,

今早問過我個女, 佢話其實有些椅, 但往往都坐滿人, 老師便叫佢地圍圈做係地下吃小食(在1/F平台,即樓梯上來的空位)。

你囡囡係卓楠定係棹霖呢, 因我囡囡係10號曉琦, 佢話同佢坐的係5號呀, 是你的囡囡嗎?

原文章由 stella2005 於 07-9-5 23:54 硐表
joycelamb,

我又冇聽我個女話做係地下吃小食喎, 明早問下佢再話你知啦。

joycelamb

stella2005,
我的女兒並不是同你小朋友一班的。

家熹媽咪,

明白你愛護學校,不過你說「學校要小朋友 , 用佢地既五官 (唔單止係眼/耳/口/鼻) , 重要有感官 , 感官可用手去摸 , 用腳去踢 , 用身體去feel 」所以給他們坐地, 這個解釋似乎太牽強了,相信老師也不會這樣說吧。我當初揀呢間學校主要是希望女兒在語文方面打好基礎，我亦相信沒有一間學校是完美的，只在於是否適合自己的小朋友。

再者，你所說的感官教學，用身體去feel，是有計畫及目的性的，例如老師利用不同質感的東西(如﹕磚塊、草蓆、木板、石頭、膠蓆) 給同學閉上眼睛用手或光著腳觸摸、感受，從而此認識身邊事物、刺激腦部發展等，同我所說的「著住條裙坐地下」似乎是大有分別的。

跟上多元智能課，亦是另一回事，我並不覺得玩是浪費時間，只要玩身得合宜，玩耍絕對是大有意義。況且多元智能課亦不是本校獨有，很多學校也有不少活動了。

至於傳統教學，我並不認為是全然負面的，上到大學還不是大部分的講師都是傳統教學嗎？(相信在香港到中學大部分都已是傳統教學)大學生由搜集資料到寫論文，都是最緊要靠自學。

對不起，似乎說得太多了，不過，我見你質疑﹕「今日既你地 , 點解重會比留位費 , 點解重會買書訂校服 ?」我想清楚表達自己的看法﹕開放的教學，我絕對用開放的態度接納，但我相信大部分的家長也期望在非傳統學校讀書，也重視子女禮儀、衛生的，事實上，我所接觸的校長可能比我們期望更高，在P.1的家長會上，她多次強調規則、規矩、規矩、再規矩。

我不是不明事理的家長，也不是要投訴甚麼，到BK都是希望可以大家站在家長的角度，以平常心交流意見，我知家熹媽咪你十分支持學校，也很欣賞你對學校及我們的付出，不過，每每也講到﹕「今日既你地 , 點解重會比留位費 , 點解重會買書訂校服 ?」是否令大家討論的空間失去了？

我想校方要學生坐在地上，主要是學校不夠椅子及方便管理吧，如果以安全為由，免得太多小朋友四圍走而生意外，我當然寧願每天洗熨校服算了，現在我教女兒小息有機會就坐椅子，不然若老師不干與則四處走走或站在一旁。至於早上，要排排坐地看書，只好依法行之，當然，在女兒面前，我會告訴她要聽從老師的教導，但若家熹媽咪有機會幫我們這班新丁家長表達意見，我想對雙方而言，可能皆有裨益，當然，我知道校方並不一定會改變，但既然這個問題每年都會令大部分家長感到惑然，他們是否都應該知道及探討一下呢？

家熹媽咪,再次多謝你常常緊密的回覆，時間晚了，經過一星期的工作及緊張(呀女開學的大日子)，實在有點心力交瘁，若字裡行間有令你感到不舒服的地方，請見諒，我只想大家能開門見山，真誠的交流而已。

家熹媽咪

好多謝你都咁用心 , 肯花咁多寶貴既時間去回覆我先 !

其實唔駛話驚我睇完你既回應後 , 會唔開心 , 會覺得d說話好刺耳 , 因為 , 我都做過你 , 意思係指 , 大家唙交談之中 , 明明只係想傾吓計 , 收吓料 , 而變成咗第2樣野 !

垣白講 , 由我有家熹到而家 , 我喺BK既日子都唔算短 , 版主一職 , 我更做過幾年之多 , 所以 , 如果我會因為大家三言兩語既說話 , 而激到扎扎跳既話 , 當初 , 我亦唔會做呢版既版主 !

先回應你既問題 , 在情 , 我認同或多或少 , 自己都係太鐘意呢間小學 , 而肯去花心機 , 花時間同大家搜集大家想知, 想要既資料 ! 更會喺不知不覺之間 , 喺說話中 , 有偏袒既成份 , 但係 , 所有既偏袒 , 我可以講係 , 都係出於我自己所想 , 出於我所理解 !

在理 , 我覺得 , 我唔係盲目咁去討好呢間小學 , 如果佢真係咁有問題 , 我一定唔會因為比咗錢 , 做晒校服而繼續迫自己個仔讀落去 ! 呢句係心底話 , 之前既回應 , 可能大家睇完之後 , 會覺得 , 我九唔搭八 , 或者有攻擊之意 , 心果句 , 我真係唔希望每一位家長 , 都唔會因為咁既誤解而感到冇引 !

由頭到尾 , 我冇針對任何人 , 更加冇因為任何事 , 而刻意或者是旦作個解釋去"FU HIN"大家 , 我所知既 , 我所理解, 都會一一去為大家解答 ! 當然 , 莫講話我係一個普通個唔普通既師奶 , 就算我係校董 , 係咩角色去回應大家 , 個答案都總會有人唔啱聽 ! 或者覺得我用個肺嚟講野 !

之前我記得有家長都問及到 , 李宗德有冇不足之處 , 而我既答案就係 , 邊有學校會係十全十美 ... 唔好講學校 , 就算係人也好 , 動物也好都一樣唔會有 , 呢點大家都好清楚同明白 !

由我開始為呢版出力果一刻開始 , 我就預咗有家長睇完我既回應 , 會覺得我係偏幫學校 , 或者覺得我太自以為事 ... 因為 , 我個小朋友係讀緊呢間小學 , 呢個係鐵一般既事實 !

我成日掛喺口中既一句說話 "咸魚青菜 , 各有所好" , 我鄭重強調 , 我唔係耍緊大家 , 而係 , 希望大家唔好將完本想多了解既原意 , 變成一個戰場 , 我百份百歡迎每個家長都上嚟睇 , 上嚟交流 , 更唔介意大家對呢間小學既評論 , 因為 , 我做呢個版既版主時 , 一切都在我掌握之內 !

就好似每間學校既家教會執委一樣 , 佢地都係拎個心出嚟為學校辦事 , 從來都冇打算求回報 ! 但外人睇落 會覺得佢地班人自己玩晒 , 閂埋門一家人 , 又成日呃呃氹氹 , 雖然我不在局中 , 但見倒每一個執委 , 用埋佢地緊餘既親子時間 , 返學校開會 , 開夜車 , 就明白到 , 有D野 , 唔係可以用錢 , 用眼去衡量 .

或者 , 好多時家長睇倒我所打既野 , 會心諗 , 超 ! 間學校唔知重以為你開 , 講真丫 ~ 我都以為係.... 哈哈哈哈 !! 但係 , 如果我做每件事 , 都先去計較我同你熟唔熟 , 我有冇好處 , 我心情好唔好先去做 , 咁就唔會再有李宗德既獨立版面喇 !

其實 , 我同你地都一樣 , 有經歷過小一坐地下階段 , 我之所以叫大家去我post 果條lin度睇 , 就係想比大家知道 , 上年我地都有遇上呢個問題 , 第一身 , 有個嬲既反應 , 係絕對正常 , 因為 , 上年我都做過你既角色 , 有位媽咪好言相向 , 我反而唔領情 , 重反問佢 , 佢個仔一定係大仔 !

如果我冇行過呢個階段 , 我都唔敢出聲 , 同大家去分享 , 所為既感官 , 呢點 , 只係我喺我小朋友身上睇返嚟 ... 並冇意亂up就算 , 其他人唔認同 , 我覺得冇問題 , 在我嚟講 , 我的確覺得係咁 !

你提到 , 老師都唔會咁答我啦 ! 當然 ... 老師有好多野都唔會答我 , 唔止呢樣架 ! 但 , 老師又會唔會答大家 , 咁唔夠凳丫嘛 , 咪坐地下囉 ! 上年我一星期返三日學校幫手做義工 , 唔係呃你 , 就算去到二/三年班既小朋友 , 佢地小息時 , 都會自己圍埋一堆 , 坐喺地下傾計 , 交換食物 ! 同時 , 我都有問佢地 , 做咩有凳唔坐 , 要坐地下 , 佢地比我既答案係 , 坐地下大家可以"痴"埋d丫嘛 , 如果坐凳 , 就要分散晒嚟坐 !

果陣 , 我冇諗過, 嘩 ~ 乜呢班女仔咁架 , 咁冇儀態 , 咁"污joe"架 ! 睇見佢地個個都係開開心心咁有講有笑 , 我自己都想坐埋落去同佢地玩 ! 同佢地傾計 ~

喺上次既回應之中 , 我只係想大家唔好覺得學校有心令小朋友唔開心 , 要佢地坐地下 , 從冇諗過 , 你所想既 "每失去言論空間" 太嚴重喇 ! 其實由上年我做新丁時 , 到今年見倒大家既擔心 , 真係copy出嚟咁 , 呢個topic第一日出時 , 話你知 , 我真係笑咗好耐 , 因為 , 上年我同你都一樣 , 問左同一個問題 ! 我重叫我隻佬睇添 ! 因為佢上年同我講 " 有咩咁大不了 , 上PE時 , 你幾時見過D小朋友係坐喺張凳 , 而唔係坐地下架 ?" 我當時真係產到佢上天花板 , PE點同啫 , 跟本就兩回事 , 就好似我而家同你既對話一樣 , 唔同既係 , 你冇將我產上天花板 ~

如果係某老師既指定動作 , 專登玩小朋友既話 , 其實 , 網上資訊咁發達 , 5分鍾前發生過D咩 , 5分鐘後就會上網可以睇倒 ! BK既第一手新聞 , 真係勁個TVB 既特別新聞報導 ! 我唔知道點解呢間學校咁怪 , 佢地好多野 , 都冇去同我地交代 , 好似覺得我地入到去就會知道點解咁 , 就好似 , 我地第一年 , 都唔知咩叫做GS , 咩叫做ECA一樣 , 重要係 , 我地對上一屆既媽咪 , 唔係好多有上BK , 要問既 , 真係幾有難道 ... 最後 , 話你知 , 到今日為止 , 我都唔知道 , 點解學校會叫小朋友坐地下一樣 !

所以 , 我真係好鼓勵大家同班主任溝通 , 唔明就問到明 , 但你問我 , 咁點解你唔問吓 , 點解佢地要我地既心肝寶貝坐地下 , 我只可以答你 , 我其實對呢個問題真係唔感興趣 , 因為每次我同班主任傾電話時 , 只會傾 , 家熹今日又做咩呀 ? 佢點解會成日上堂時玩"靈魂出?" 雲遊太空 , 如果有媽咪問倒呢個問題既話 , 我真係好希望佢可以上黎同我地分享 , 我冇興趣知啫 , 但我好樂意同大家一齋八 ...

如果有時間 , 都希望你多D上黎問 , 如果我知既 , 我都盡量去為你解答 , 唔知既 , 我都會抽時間去為你收風 ..

最後 , 我好想同大家講既係 , 就算大家對我有咩不滿 , 例如話 : 家熹媽咪好扮野 , 家熹媽咪識少少扮代表 , 又或者係 , 睇見呢度就好激氣呀 , 怎至對學校 , 學生 , 家長等有任何問題 , 我都無任歡迎大家發表 ~