- 在線時間
- 220 小時
- 最後登錄
- 17-5-27
- 國民生產力
- 240
- 附加生產力
- 1220
- 貢獻生產力
- 0
- 註冊時間
- 70-1-1
- 閱讀權限
- 10
- 帖子
- 1693
- 主題
- 58
- 精華
- 2
- 積分
- 3153
- UID
- 36
|
原文章由 yiubb 於 07-9-5 11:20 硐表
好多謝你解釋得咁詳細呀
另外, 想再麻煩你, 再問d問題
1. 你小朋友上p1時, 英文同國語程度認唔認付倒學校課程呢? 需唔需要再去補習呀? 而家上咗p2又重有無搵人補習呢?
2. ...
yiubb :
1 : 其實當你選定要揀一間英文小學時 , 你要先考慮幾個問題 :
a ) 你揀呢間小學既原因 《好多時家長都係抱住聽人講既心態去揀學校,但當中,佢地盲會唔記得咗揀學校時自己同小朋友真正雖要既原因,就好似,天水圍某間教會小學,佢地每年都好爆,每年想考入去既人多不聲數,但問佢地點解?有25%會話,因為佢校風好.有20%話佢中學網好.有15%係因為佢宗教背景.有10%因為佢夠近,唔駛搭校車.10%既家長話因為有哥哥姐姐讀緊.另5%既就係上網或者聽人講.其仔既,都係因為語言問題. 講真,揀小學好中學好,首要既條件一定係要知道自己揀佢既原因.》
b ) 小朋友是否適合? 《例如話,好多家長覺得某間小學好,一定啱阿仔/阿女,但係...就冇喺小朋友既角度去睇,如果小朋友本身係好動既,一直都係班裡既活躍份子,但你揀小學時,偏偏揀間傳統教法,要佢坐定定,迫功課等...換黎既,可能會變成一種無形既心理壓力,活動教學既學校,而家有好多,唔一定要比錢,所以,你亦可以用更多時間去睇,去聞,好聽同去了解》
c ) 假如真係揀定咗英文小學既話 , 而你又擔心 , 可以喺K2 - K3 , 幫佢搵D私人或小組既英語或國語班 , 等小朋友去提早適應 !
我個小朋友就喺 K2 開始 , 我搵私人老師教佢PHONIC 同埋國語拼音 , PHONIC 佢學咗大約半年倒 , 已經學到CVC , 老師覺得好夠 , 所以後期轉左會話 , 跟一個外國人學對答 ! 用玩既形式 , 但都係學左3個月咋 ! ^^ 因為果陣放暑假喇 ! 我地又去旅行 , 加上老師都覺得OK , 所以就停左 , 等開學喇 ! 而國語 , 果陣阿仔學左7個月倒 , 老師覺得足夠應付小一學期 , 佢提意我轉小組 , 比佢玩吓 , 一來慳錢 , 二來比佢多講多聽 , 但又係因為暑假 , 所以都停埋喇 !
2. 放心 , 我都係極度有限公司 , 老師只會上堂時用英文 , 國語 , 如果平時同家長溝通 , 都係用中文 , 除非你本身係外籍人仕 , 或老師係 , 咁佢地都會因情況而定 !
3. 我都係果句 , 每間學校都有好有唔好 , 如果我反感或質疑呢間學校既話 , 我唔會又要比個仔讀 , 又要一邊數間學校 , 而家係廿一世紀 , 每間學校都響應緊同家長多溝通多了解 , 但基於唔可能聽得晒所有家長既意見 , 就好自然會出現順得哥時失嫂意既現象出現 ! 到今日為止 , 我都重有見倒有家長既小朋友喺呢度讀緊 , 但佢地就好多不滿 , 呢點都好正常 !
人係要有要求 , 記緊一點 , 係要求 , 而唔係奢求 ! 我要求學校可以多同家長溝通 , 令家校同心 . 我要求老師可以體諒小朋友 , 唔好比咁多無形既壓力等 ... 我奢求學校喺我小朋友讀緊呢6年入面 , 唔好加學費 . 我奢求校長將全校一半既老師 , 轉為外籍老師 , 好等我小朋友可以模擬喺外國讀緊書咁 ! 其實 , 人才流失既野 , 每個行業都會出現 , 難道 , D老師有志向 , 想出九龍挑戰自己又係錯 ? 難道 , 老師覺得工作環境太遠 , 唔就自己 , 想轉份近既 , 又係錯 ?
天水圍某間小學 , 喺開學後數個月裡 , 大量流失咗一班學生 , 冇人知 ? 冇人問點解 ? 冇人想提 ? 我覺得好奇 , 教書既就話為錢為前途要走 , 但一間被外界覺得好有前途 , 好有創意既小學 , 短短時間之內 , 可以一班走3份一人 , 唔通呢D就叫正常 !?
老師都係打份工 , 就好似我地一樣 , 除左想搵個好老細之外 , 重希望人工高 , 唔駛OT , 地點又近 , 返5日 , 有14日大假 , 最緊要就係年尾花紅同雙糧都有 ! 哈 ~ 但有冇咁理想 ? 只要將心比己 , 多用唔同既角度去睇 , 就知道係咩一回事 ! 就如一句說話 " 耳聽7分假 , 眼見未為真 "
之前有媽咪夠話 , 李宗德遲遲唔公報中一派位 , 一定係派得好差 ... 結果 , 我會覺得 , 有D野 , 唔係聽 , 唔係估 , 而係要等 ... 我去睇個派位 , 問心覺得算唔錯 , 但同一時間 , 亦有家長背後插到飛起 , 點解 ? 因為佢地都覺得 , 有冇攪錯 , 一間英文小學 , 點解唔可以100% 全部上晒英中 , 全部入晒名校 ? 比你去睇 , 你又會有咩感覺 !? 其實 , 對與錯 , 好與壞 , 都只在乎你個觀點與角度 , 你話呢間學校有冇缺點 ? 更係有啦 ! 但呢一刻嚟計 , 我覺得可以接受 , 我亦相信 , 時間可以改變一切 ! 問題係 , 我地願唔願意 , 肯唔肯去諒解同支持 ! |
|