英藝學生d三文兩語得唔得?

karaqueenie

九龍塘全日班收左, 但本身對學校了解唔多, 其他分校又唔多人講, 其實我只知佢地d學術會教高一級的, 其他一無所知, 希望有家長可以解笞下我以下問題:

1.學校究竟可唔可以令小朋友開心學習呢?

2.英文讀完3年之後, 又可唔可以同外國人輕鬆溝通呢?

3.考直資/私立又考得好唔好呢?

4. 有說此校行政差, 其實又影唔影響到小朋友本身的學習呢?

tomakun

1. 咁講啦, 其實係好睇小朋友架, 有D小朋友好鍾意番學, 有D唔鍾意, 亦都唔可以話得全部係學校既問題, 我仔仔就好鍾意番, 相反我個朋友(小朋友同班), 佢就差不多日日喊, 我問我仔仔點解佢喊, 仔仔都係答我佢掛住媽咪。
不過你要預左既係, 英藝係著重學習方面, 既然著重學習,
當然會比其他學校玩少D, 可能因為咁有小朋友會覺得番學係唔開心, 因為有老師都答過我, 我仔仔初初係唔喊, 番左幾個禮拜先喊, 老師話因為初初入學要令小朋友鍾意番學, 所以會玩多D, 基本都唔多教學, 但係過左兩個WEEK 到就開始會教學, 所以小朋友開始意識到原來唔係一路可以玩, 就會想逃避喇。

2.就我小朋友而言, 其實我本身唔多同仔仔講英文,
工人都係印傭, 起初都擔心學左英文仔仔冇得練,
你話輕鬆歉話又唔趕得上, 如果咁容易就唔駛讀上去嚕,
但係O係我角度睇係唔錯, 學校有活動時番去見到外藉, 都唔係個個行行企企, 佢地見到小朋友都會走埋去打招呼傾下計, 仔仔都答得到老師既問題, 呢個程度我接受架喇。

3.之前大仔都有報私校, 但係落選, 相反一個功課冇咁好既小朋友(因為我認識家長)就入左, 我都有同老師打聽, 佢地話其實考直資成績唔係第一, 最主要睇小朋友面試情況, 會戶問題, 我個仔功課係唔錯, 但係話醒又唔係醒, 俾人問多兩問成日口啞啞. 可能咁樣就考唔到囉!

4.學校行政的確係差, 老師都經常會調, 但呢個情況出O係外藉老師身上多D, 學校解釋係因為想令小朋友得到更好學習所以轉老師, 可能係有老師入職之後做得唔夠理想, 之前仔仔都成日轉外藉, 但係好O既係越轉越好, 雖然轉左唔少次, 但係有D真係睇佢改功課都睇到一頭煙, 同埋佢行政亂係有D野唔會通知家長要自己問, 諗好多日縮數咁, 但係呢D對小朋友冇影響囉我覺得, 佢都係咁上堂, 都係學到野就OK喇!!