恩主教 vs 沐恩 vs 王肇枝

NellyMak

除了莫壽增、迦密柏雨這兩間Band 1。恩主教 vs 沐恩 vs 王肇枝， 請問哪間中學好D？ 入U率比較大機會？

joenjac

其實呢三間我都收集左幾多既資料,大家參考下

沐恩係最後考慮,唔知點解,成個大埔個個人都話呢間既戀愛風氣好盛,一講話唔選,就用好深既眼神同你講,係囉......一大堆
我係網上爬左好多人既日記,同參考番大學選科,沐恩讀社工比例較高

王肇枝自從有新校舍,好多人都想入.以前王肇枝比莫壽增仲要好,後來有人話好多人唔鍾意校舍舊,所以收唔到學生而令到學校成績跌,我認為教法都有d關係,200 個band 1同2學生,有一半唔夠14分,值得深思一下王肇枝出左咩問題,而且王肇枝既功課,同柏雨有得比,考試範圍好闊,今年會唔會改作風就唔知,但如果唔改兩極化就會一樣嚴重

恩主教新校長上場2年,同老師關係不得而知,但同學比既意見就話氣氛差左,2極化一樣嚴重,但自從加強左課外活動,好左d
校舍太舊,有種沒落既感覺,唔知點解就有種心障,成績有人話跌左可能同教學理念有關,恩主教比較在意培養學生實踐中學習,對考試操練因此少左,可能學生考公開試就唔夠人勁,一沉百踩,收唔到好既學生,惡性循環,人地就更加唔選

唔知對你有無用,我就係選唔到,今年祗用左一個志願,選左莫壽増,似乎大埔band 1頭同中已經有好大距離

familychan

其實3間學校都好好,恩主教一向都同莫記,密記平分天下,點解被人傳佢大跌呢?事因恩記一向中六(3班)都收自己人,可惜因剛今年收中六時因為第一階段剩2個位,要收出面人,所以就俾人係咁講,其實.......如果睇番出面d學校(其他區),band 1學校第一階段有d位剩一d都唔出奇,而且恩記有90個預科位比其他學校多,王記60個預科位,如果要王記在第一階段收90個都有一定困難,恩記跌左少少一d都唔奇,但非大跌......

至於新校長是來自一間名女校,亦有佢一套既做法,恩記咁多年舊校長都俾好多自由d老師,突然要俾人管,點都要互相適應.

傳聞就真係好多,有時係人云亦云,傳下傳下就好似真的,有街坊仲要講到好似唔讀得咁款,真係好誇張!

至於會考,沐記比王記好,王記比較守舊(要334啦!如果仲咁守舊,到時都唔知點面對),而且王記公開的是入大專入學率,同其他淨入大學率好唔同(有d取巧).大家要留意下d資料.