中學考試成績.............

潮州辣椒

如果你哋啲仔女考試成績好好
你哋會點做？有無送禮物鼓勵？
如果佢哋唔要禮物，要求要錢....一定要錢
或每一科成績好都同你計(錢)
你哋會唔會應成他？
很煩惱 .............
成績可以同錢掛勾嘅咩    

櫺囹桼

首先攪清楚→讀書、考試係佢地責任...考得好唔好都要讚賞(如果佢哋已盡力)...亦可以由家長決定用咩方式作為鼓勵，不過如果由小朋友要求用金錢多寡作為分數高低之獎賞，打死我都唔會咁做！(你估地產佬賣樓計回佣咩...仲要逐科計逐分計...同sales逐層樓計逐%計佣有乜分別？)

女人當自強

讀書始終是小朋友自己的事，父母對小朋友應該多鼓勵而不是奬賞!

momodog1990

我覺要搞清楚小朋友要錢的目的
好多小朋友都有問過父母點解要讀好D書
父母會話可以找到份好工，做在office，有高D人工
可能父母係好無意咁講
或者只係想小朋友第時生活好D
但小朋友會覺得父母返工係要賺錢
咁佢地付出咁多努力都應該有所收獲
漸漸佢地會覺得錢係回報
我覺得呢個係對金錢看法的教育問題
既然讀書係小朋友的責任，讀得唔好的後果就由佢地承擔
但被生下來是父母的決定，請不要把責任推到孩子身上，孩子的一切都是由父母決定的，父母給予什麼教育，佢地就會變成咩人
我覺得用金錢獎勵其實都無咩大問題
反而係好好的金錢管理教育
我媽咪話我會考20分就比一筆獎勵金我
每多一分獎勵都會有增加
其實亦無傷大雅
就好似工作一樣
有付出才有收獲
其實這個世紀好現實
邊個成績好就有份好工，有多D人工
只是金錢管理同運用的教育應從小給予
我公母好節儉
屋企一向都係應洗得洗
所以耳濡目染下
我都好節儉
超市買野都會等特價
所以如果我得到份獎金
我都唔會亂用
小部份用來買野獎勵自己
大部份會用來學野或者用來作升學之用
但最後，我認為獎賞的金錢不應過多
亦不應以幾多分來決定
而係是否達到自己的目標來定
正如我的目標是20分
但如果小朋友只用成績好的科目來計錢
咁就不如定下賞罰制
達到目標賞
不達目標罰
當然中間要有個緩衝區
咁樣就無問題la

雪梨

櫺囹桼 寫道:
首先攪清楚→讀書、考試係佢地責任...考得好唔好都要讚賞(如果佢哋已盡力)...亦可以由家長決定用咩方式作為鼓勵，不過如果由小朋友要求用金錢多寡作為分數高低之獎賞，打死我都唔會咁做！(你估地產佬賣樓計回佣咩...仲要逐科計逐分計...同sales逐層樓計逐%計佣有乜分別？)

agree 讀書、考試係佢地責任...考得好唔好都要讚賞(如果佢哋已盡力)...亦可以由家長決定用咩方式作為鼓勵。

我個仔e+ P.5, 我一向用「合作獎」計劃。得獎方法係, 佢係考試期間，表現合作、用心溫書，無論考試成績係點。所以通常未派成績表已經會去買「合作獎」獎品。

基本上，呢「合作獎」獎品, 係由我決定買乜，阿仔冇得揀 (當然係留意佢平時有乜鍾意、想買，但又唔可以貴)。

如果阿仔自己有提議要買d乜作為「合作獎」獎品, 咁如果價錢合理，我會接受。但超出我預算，我會叫佢加自己d零用錢買。

而且每次考試最後一日，當晚，一家會外出晚餐，到阿仔指定餐廳，表示慰勞、好好慶祝一番，又考完一個試。       

Patrickyyc

潮州辣椒 寫道:
如果你哋啲仔女考試成績好好
你哋會點做？有無送禮物鼓勵？
如果佢哋唔要禮物，要求要錢....一定要錢
或每一科成績好都同你計(錢)
你哋會唔會應成他？
很煩惱 .............
成績可以同錢掛勾嘅咩    

如果錢可以提升阿仔的成績，我諗我會比得好開心囉！
    

櫺囹桼

記得有個笑話(我睇完就笑唔出)，話說某對父母想子女成材，於是定下規則，但凡考試測驗默書高過多少分就會有多少獎賞(逐級計算)...總之有能者就成為有“銀”者~一切從賞金開始！小朋友也認為人生只得一個“錢”字，而“錢”亦成為人生奮鬥唯一目標！好幸運地子女也能成材...到兩老年紀老邁無力工作生活成憂，子女總算還有點“考道”，於是將工人辭退，叫兩老幫忙料理家務，並將家中細務一一分類：“洗衣五十”、接小朋友放學八十”、“晚餐一百”、“過夜二百”...嗚乎哀哉耶？

norakyng

Hi,

會送扭蛋作禮物鼓勵，亦可換為錢儲存起來，
錢的數目不會很大，否則他們會覺得錢很容易得到。
儲存的錢鼓勵他們買書或訂閱書籍。

但要解釋錢正確觀念，及要他們知道賺錢不容易，
多勞多得。

norakyng

momodog1990 寫道:
我覺要搞清楚小朋友要錢的目的
好多小朋友都有問過父母點解要讀好D書
父母會話可以找到份好工，做在office，有高D人工
可能父母係好無意咁講
或者只係想小朋友第時生活好D
但小朋友會覺得父母返工係要賺錢
咁佢地付出咁多努力都應該有所收獲
漸漸佢地會覺得錢係回報
我覺得呢個係對金錢看法的教育問題
既然讀書係小朋友的責任，讀得唔好的後果就由佢地承擔
但被生下來是父母的決定，請不要把責任推到孩子身上，孩子的一切都是由父母決定的，父母給予什麼教育，佢地就會變成咩人
我覺得用金錢獎勵其實都無咩大問題
反而係好好的金錢管理教育
我媽咪話我會考20分就比一筆獎勵金我
每多一分獎勵都會有增加
其實亦無傷大雅
就好似工作一樣
有付出才有收獲
其實這個世紀好現實
邊個成績好就有份好工，有多D人工
只是金錢管理同運用的教育應從小給予
我公母好節儉
屋企一向都係應洗得洗
所以耳濡目染下
我都好節儉
超市買野都會等特價
所以如果我得到份獎金
我都唔會亂用
小部份用來買野獎勵自己
大部份會用來學野或者用來作升學之用
但最後，我認為獎賞的金錢不應過多
亦不應以幾多分來決定
而係是否達到自己的目標來定
正如我的目標是20分
但如果小朋友只用成績好的科目來計錢
咁就不如定下賞罰制
達到目標賞
不達目標罰
當然中間要有個緩衝區
咁樣就無問題la

HI,

agreed，要有良好的金錢管理教育.

eviepa

應用金錢獎賞姑且可以叫做傭金制，它的作用和運動員服食禁藥有異曲同功之效，短期可以將成績谷上，但長期而言，有害無益。

從小學到中一左右，讀書就好比工廠工人，坐下來八小時就有八小時的工資，多勞多得。因此小朋友的成績大抵和家庭的投入成正比，只要家長肯投入，就算非常錯誤的方法也可以把成績谷上，例如天天補習，天天做補充練習等等，長期而言，傷害了小朋友的學習積極性，後果要到中二左右才浮現，但短期而言，分數也實實在在地谷了上去，所以家長們都覺得自己所付出的有不俗的收獲，繼續這將這成功的方法應用到中二以上。

但誰不知高中時，讀書就像高級行政人員，學生要鬥的是本身的積極性，父母的人釘人再也發揮不了任何作用，因為就算你可以強制兒女乖乖地坐在書桌旁，也不能強制他們用心溫習，少年人坐著幾小時，甚麼也入不了腦根本是司空見慣，套用粵語殘片一句：「你雖然得到我

Nymph_

我識得有個學生,佢依家一放學番屋企就即刻上網,以為佢做功課,原來佢係幫同學上網做功課,之後問同學收番錢.自己嘅成績就唔好,今次考試只係比測驗時進步2名(全級名次),仲要求阿媽買礼物,仲話自己有進步,激到佢阿媽即時    咗出黎.
佢阿媽由小學開始就有:讀書讀得好就有獎勵,佢要乜都買比佢(佢地嘅環境唔係咁好),有時見到同學仔有零用錢,就同阿媽講佢又要,阿媽要求佢做家務先有得比,阿仔初頭有做,點知....做做吓就唔做,但阿媽又照比.
見到佢倆母子我就     

潮州辣椒

多謝大家嘅回應
我同老公都有同呀女講，每一個人都有自己的責任
你嘅責任就你讀好你嘅書，考好你嘅試
佢自己都知,但今年唔知點解...
下下都同你計錢(特别係成績)
佢話佢班有個同學考第三名都有$500獎勵
而她考第一就乜都無..........
我話買份禮物獎品獎勵她，她唔要
話一定要錢......我都己講清楚錢我不會俾
我只會買份禮物给你的
但她十分不開心兼且說乜都唔要la
但就日日提住果啲錢...........
你哋話我應點做？

Nymph_

通常都係佢身邊Ｄ同學影响佢,要同佢多分析,同了解佢係學校嘅情况,必要時揾佢班主任傾吓.

Patrickyyc

佢要錢一定有佢的目的，問下佢想買乜law，盡量多d溝通，唔好一刀切。佢考得咁好，千其唔好因為呢d野打擊佢士氣

潮州辣椒 寫道:
多謝大家嘅回應
我同老公都有同呀女講，每一個人都有自己的責任
你嘅責任就你讀好你嘅書，考好你嘅試
佢自己都知,但今年唔知點解...
下下都同你計錢(特别係成績)
佢話佢班有個同學考第三名都有$500獎勵
而她考第一就乜都無..........
我話買份禮物獎品獎勵她，她唔要
話一定要錢......我都己講清楚錢我不會俾
我只會買份禮物给你的
但她十分不開心兼且說乜都唔要la
但就日日提住果啲錢...........
你哋話我應點做？

ccspy

潮州辣椒 寫道:
多謝大家嘅回應
我同老公都有同呀女講，每一個人都有自己的責任
你嘅責任就你讀好你嘅書，考好你嘅試
佢自己都知,但今年唔知點解...
下下都同你計錢(特别係成績)
佢話佢班有個同學考第三名都有$500獎勵
而她考第一就乜都無..........
我話買份禮物獎品獎勵她，她唔要
話一定要錢......我都己講清楚錢我不會俾
我只會買份禮物给你的
但她十分不開心兼且說乜都唔要la
但就日日提住果啲錢...........
你哋話我應點做？

你囡囡咁恨錢，背後一定有D理由，你應該開心見誠同佢傾下，會唔會借左人錢要還，或者想買一D野而明知你唔會買？可能囡囡大個la，想打辦下，尤其是學期尾謝師宴，D小朋友好重視要辦成人，所以需要一D錢來預備。無論如何，溝通至為重要，尤其是係呢D關鍵時刻，反面可能付出ge後果重大。

eviepa

潮州辣椒 寫道:
多謝大家嘅回應
我同老公都有同呀女講，每一個人都有自己的責任
你嘅責任就你讀好你嘅書，考好你嘅試
佢自己都知,但今年唔知點解...
下下都同你計錢(特别係成績)
佢話佢班有個同學考第三名都有$500獎勵
而她考第一就乜都無..........
我話買份禮物獎品獎勵她，她唔要
話一定要錢......我都己講清楚錢我不會俾
我只會買份禮物给你的
但她十分不開心兼且說乜都唔要la
但就日日提住果啲錢...........
你哋話我應點做？

這就是傭金制的後遺症了，長期用金錢去賄賂子女，子女便會養成沒有傭金便不肯讀書的習慣。拿傭金就像吸毒，初時吸一口便覺非常頂癮，但慢慢會越吸越多。同樣道理，小朋友對物質的需求很小，但隨著年齡增加，需求會越來越大，對傭金的胃口也會越大，區區的小數對他們產生不了任何作用。再者，就算妳能付擔較高的傭金，有這種價值觀的少年人讀書能有多大的成就？

大家有沒有想過，子女最渴望的是甚麼？是名貴禮物？是一封大利是？其實是家長對他們的愛及認同。子女十居其九都能感受到父母的愛及關懷，家長一般不會犯這方面的錯。但很多家長卻對子女並不認同，我們常聽家長抱怨子女這樣不對、那樣不成，這樣會大大傷害子女的自專心，大大削弱了他們求學的積極性。

每個小朋友都必有自己過人之處，只要對其優勝之處多加讚賞，不要聚焦於其缺點，小朋友的上進動力便會增大。若能對小朋友任何方面的進步都加以鼓勵的話，他們便更有積極性了。

對子女真誠 — 記著，是真誠，不是「行貨」— 的讚賞才是子女最佳的禮物，並非金錢，並非名貴禮物。

記著，子女是讚不壞的。

sorlo

我個人唔反對對小朋友用"薪金"制,
因為我呀囡由中一開始, 呀囡係完全無零用錢既, 全部都係用佢的test, quiz  同exam 來計算"薪金". "薪金"一半要強制性地成為儲蓄

每次佢有表現我們都有獎賞, 不過特別既獎賞我們會強制性地要她儲起

我們每月每計算薪金一次, 每月呀囡都係自律地儲起三份二"人工" 存入佢個"my dream account"