鍾逸傑教Band 3生會話

elbar

【明報專訊】前布政司、88歲嘅「鍾叔」鍾逸傑退休多年仍心繫社會，除咗支持梁振英任特首外，仍然不遺餘力服務社區。「鍾叔」接受馬會刊物《駿步人生》（圖）專訪時就透露，目前有一個新項目在手，今年將為屯門區Band 3學生開設英語會話班，主力協助學生更容易搵到工作、規劃人生。佢現時亦有擔任中大mentor（導師），為微笑行動、無止橋等機構服務，難怪佢話退休生活「full and busy」（充實忙碌）。

曾任新界政務司嘅鍾叔，見證新市鎮發展，佢話當年住喺大埔，每日睇住填海工程、馬場及新市鎮設施逐一落成。佢特別懷念昔日政府、企業及民間三者之間嘅和諧，仲講笑話香港比已故前英國首相戴卓爾夫人更醒，識得利用企業來推動社會建設，因為香港除咗食水外，電力、煤氣、電車及渡海小輪等均由企業提供。大家如有興趣，可以喺http://corporate.hkjc.com/corporate/operation/chinese/striding-on.aspx 閱覽《駿步人生》網上版。