就黎小一面試, 準備左面試衫未??

Camom

原帖由 Kaling 於 11-3-11 22:58 發表
想早D買定D面試衫, 大家會去邊度買衫比囝/囡呀?  男仔有咩牌子衫好睇又唔太貴呢??

唔駛咁快買定，因為優才算係早面試，都講緊係6/7月嘅事，而過往面試嘅高峰期係10-12月，小朋友大得好快，我覺得可以遲少少先買。

可以考慮Nicolas Bear, Cheekee Duck。有時撞正d舖頭減價會扺買好多。

Camom

原帖由 小靜姸 於 11-3-13 23:24 發表
HIHI 請問係咪講緊而家讀緊K2既小朋友?? THANKS

係呀，今年讀緊K2嘅同學仔就嚟要準備面試啦

Camom

原帖由 wenwenlou 於 11-3-14 14:41 發表
現在一般小學都要求小朋友在面試時穿著得比較簡單,所以有領 T-shirt 或 裇衫+ 背心+扯布褲 都係男孩子的熱門服飾.

對，這是大部份面試時見到的男孩子衣著（包括我囝囝），亦有人選著比較fashionable的深色牛仔褲，上身都是恤衫／有領T-shirt＋背心。

Camom

原帖由 Kaling 於 11-3-14 23:11 發表
你囝囝考左幾多間呀?  面試結果點呀?? 今年D學校有無咩特別呀, 有D咩要注意咖?  可否分享一下..謝謝..

我囝囝考咗7間小學（優才/英華/St. Pauls' Boys/DBS/St. Paul's Co-ed/KTS/SFA)，其中4間有offer, KTS就有2nd in不過無去到。

我覺得小一面試最重要嘅係小朋友嘅禮貌，紀律同埋表達能力，當然一些學校亦會考學術/常讖，所以這方面亦不可忽略。不過一般而言，KV嘅學生喺學術方面問題應該不大。

所有學校都會要求遞交K2上下學期成績表（DBS連K1成績表都要）。Portfolio要視乎每間學校的內容及頁數要求去製作（St. Paul's Boys為了環保更加訂明不可用太重／厚嘅紙）。課外活動／獎項我認為不是面試嘅決定性因素，主要都係睇番小朋友喺面試時嘅表現，當然如果存在二選一嘅情況，課外活動／獎項就成為額外嘅考慮因素。

我喺每一次面試前都會同小朋友預演一次，主要係提番佢一Ｄ禮儀同埋等佢進入良好嘅面試狀態。我唔會俾壓力囝囝，令佢覺得面試不是一件苦差，所以每一次佢都好enjoy佢嘅面試時間。如果會考英華，記得提醒囝囝要記住面試內容／過程／課室環境等細節，因為如果有機會進入最後面試，校長係會考番佢哋喺之前嘅面試做過嘅嘢。

Camom

原帖由 Kaling 於 11-3-15 14:44 發表
其中4間有offer, 真係替你高興, 咁你最後揀邊間呀?
我個囝其實都算係中上, 不過佢的表現唔穩定, 而且唔夠留心, 人又比較慢熱怕羞, 人地問佢3樣野, 可能只聽到2樣..提極佢要留心D, 佢都係一樣咁失魂..真係擔心到時又 ...

我諗如果面試前有簡介會的話，可以帶埋小朋友去，等佢熟習下環境。如果嗰間小學係你心儀嘅小學，咁你就嘗試不經意咁讚吓間學校，等佢都先對間學校有好感。到面試之前你可以同佢講校長同老師鍾意乖／守規矩嘅小朋友，希望佢可以因此而聽聽話話咁面試啦。

另外，如果你囝囝容易同其他小朋友玩得太過「興奮」，就要盡量避免同Ｄ相熟嘅小朋友一齊報名，等佢可以專心Ｄ應付面試。

我們已經放棄了其中兩間學校嘅offer，另外兩間仍在考慮中。

Camom

原帖由 Kaling 於 11-3-15 18:43 發表
多謝你的提譏, 我諗你一定花左唔小心血係囝囝身上, 而家仲有幾個月就面試, 真係越黎越緊張, 希望一切順利, 考到心儀小學就安樂晒...

Good luck!