中一學生每天需要多少零用錢

堅之佐

各位家長 :

請問中一學生每天基本零用錢多少 ?
包括 : 午餐
車費 : 八達通

請提供意見。

littlebirds

如在校訂飯餐，約$15+飲品$5= $20 (lunch only)
如外出用餐，一般$25已Ok
所以$30是最基本了。

堅之佐

麥記餐亦要 20 多元,
另加星期六上課外班,
那麼一星期 二百元夠嗎 ?

norakyng

Hi,

Pay by month, by week or by day is the best ?
Any comment ?

fitceo

我俾阿女$150一星期,百達通另計,有剩叫佢儲起.
逢星期日俾!

norakyng

fitceo 寫道:
我俾阿女$150一星期,百達通另計,有剩叫佢儲起.
逢星期日俾!

Hi,

請問她每星期會有多少錢剩？

囝囝爸

不計八達通, 我比囝囝每星期零用一百, 午餐費一百, 共二百.  不用上課日子扣回二十元午餐費一天.  不過我叫囝囝午餐食好啲, 不要限於二十元一餐, 肚餓時要在校買零食, 不過要佢自己出錢.

其他有需要有用嘅嘢我會買給他, 佢自己鍾意啲無謂嘢佢自己買.  至今佢洗錢都好有分寸, 儲倒唔少錢.

半桶水

我女中一時:
每月零用錢$300 (放假都有,按月計)
飯錢$35 (要返學先有,按日計,放假無錢)
早餐在家吃,佢要去街食就要自己比.
八達通我比,
每月付款一或兩次.
其實你係咪準備小朋友升中比幾多錢佢.有d小朋友理財意識低,係唔可以按月比,有d一星期比一次,有d先洗未來錢(問同學借)就真係要日日比.有d月頭洗到七七八八,月尾就捱十元八塊腸粉,再窮d就捱三幾蚊麵包.

rclamlam

我女宜家中一, 因為佢出街食飯, 學校飯唔好食, 出去食大快x都要$2x, 淨番既就當係佢零用, 除左搭車錢之外, 每日$30, 星期六,日無錢比, 八達通就我比, 每月都係一兩次, 每次入$100, 因為我住個度要轉兩次車, 車費都唔平.

佢宜家大大下有時會話, 星期六, 日都要零用錢, 暫時仲未比佢.
我宜家係每日都比$30阿女, 下個月開始就每星期比一次, 如果每月比既, 佢地好快就用錢用到月尾無晒.

sorlo

呀囡每下月開始午餐費約200 (學校食) , 平時佢唔駛搭車番學, 但係八達通就自己入, 零用錢就根據佢既成績來比 規定佢要儲一半

半桶水

堅之佐:

比多幾個例子你參考吓:

我姨生女$400零用,無飯錢(學校食),其他父母比.

我女同學$500/一星期全包

大部份同學都有零用錢,班內係有幾位同學要帶飯而且係無零用錢.(以上係講中一情況)

中學生有自己社交圈子,適量零用錢我覺得係需要,特別係高中,同學之間都好多活動(行街,睇戲,食飯,燒烤,暑假宿營等等).

我女中五嗰年,淨係食火鍋都去左幾次(同學搞,幾拾位同學出席,佢好開心,實參與,)

會考完同學又搞宿營,佢又去,不過我無比錢,佢自己比嘅

rclamlam

咁即係點樣比零用佢呀, 你都比好多喎.

sorlo 寫道:
呀囡每下月開始午餐費約200 (學校食) , 平時佢唔駛搭車番學, 但係八達通就自己入, 零用錢就根據佢既成績來比 規定佢要儲一半

fitceo

norakyng ,

時有時無,剩都係十零蚊 !

norakyng 寫道:

Hi,

請問她每星期會有多少錢剩？

sorlo

RC:

其實每用約六百 , 包埋食晏同埋佢一般駛用囉

rclamlam

sorlo,

你女飯錢都平過我女啦, 搭車又平少少. 但係你會另外再比零用佢, 只係用成績來計, 但係你阿女都可以儲到好多啦, 我女每日都係得番3-5蚊零用.

Nymph_

我個女冇要求過我比零用錢佢,佢行路返/放學(約5分鍾),食飯係學校食(學校規定).
但我會幾$30佢放係銀包,以備不時只需(唔係比佢買野食,係比佢用黎交費用),但阿女話唔駛比咁多佢,佢仲比番$10我,話$20夠啦,唔好帶咁多$$$番學校,如果交費唔夠先問我攞.
但我平時都冇比零用佢.
    

norakyng

Nymph_ 寫道:
我個女冇要求過我比零用錢佢,佢行路返/放學(約5分鍾),食飯係學校食(學校規定).
但我會幾$30佢放係銀包,以備不時只需(唔係比佢買野食,係比佢用黎交費用),但阿女話唔駛比咁多佢,佢仲比番$10我,話$20夠啦,唔好帶咁多$$$番學校,如果交費唔夠先問我攞.
但我平時都冇比零用佢.
    

Hi Nymph,
_
你的女兒真乖！

Sammy_007

每星期100蚊,吾包反錢,八達通我入

LittlePan

共實八達通唔洗佢入, 反錢唔洗佢比, 咁佢有咩要用錢, 你比一星期$100, 我想參考下我係米比得少.


"每星期100蚊,吾包反錢,八達通我入 "

familychan

行路上學,不用車費.
早餐可在家吃or取幾蚊買麵包(每天自行在$箱取,不買就不取,不可不吃早餐用來儲.)
$20一日飯錢,一星期一次過俾($100).有剩自己留做基金.
8達通有$50以備不時之需.
逍閒費,有需要才俾,例如睇戲,會給票錢及車費,+$20.有剩交回,多左自己出.(佢好少出街,開學到而家只係用左3次逍閒費)
佢自己話唔洗俾零用~~~
: