踏入七月，又係放榜的月份，心情難免緊張

UTB

小六／中六學生開始緊張，有家長比學生更緊張。部分學校都唔太好過。小學方面，除了要諗下點樣整靚個派位統計，也不忘提醒離校小六生：考好Pre-S1就係對母校最好的回報。
中學方面就更緊張，佢哋關注新生整體Banding有冇下跌；B3收生不足的學校，擔心學生會向其他學校叩門，又或者要進一步縮班甚至殺校。
接住DSE放榜，名校之間又要比拼今年狀元花落誰家。其他學校又要諗下點樣公布DSE的成績，因為坊間有機構會藉DSE成績評估學校的Banding，影響未來的收生質素。

Dragonmama2012

尋晚開始準備叩門所需，原本想叩5間，但睇完叩門安排，應該九至五去唔到咁多間 ，部分要即場面試。

最後縮到叩三間，但資料會準備五份，有時間先去埋。

好緊張，又擔心當日天氣時好時壞，又擔心濃縮得太少，扣多啲機會好似大啲。

唉，總之就緊張

flipper2000

Dragonmama2012 發表於 24-7-3 11:17
尋晚開始準備叩門所需，原本想叩5間，但睇完叩門安排，應該九至五去唔到咁多間 ，部分要即場面試。

最後縮 ...

我都想叩4-5間, 2間同區2間跨區一間直資, 不過應該趕唔切, 有間仲要收3點

Dragonmama2012

flipper2000 發表於 24-7-4 10:00
我都想叩4-5間, 2間同區2間跨區一間直資, 不過應該趕唔切, 有間仲要收3點

我target 5間，一間未公佈叩門安排，二間即場面試，二間先收表格，睇左成績先通知筆試，如果有筆試都係差唔多時間進行，所以揀五間都會有撞期，叩得3間更擔心三間都唔收。

ready5份資料，到時盡去。

pccw2017

flipper2000 發表於 24-7-4 10:00
我都想叩4-5間, 2間同區2間跨區一間直資, 不過應該趕唔切, 有間仲要收3點

有D中學申請叩門時係唔需要學生在場而面試/考試是安排在另一天的, 就可以兵分幾路去叩門. 先打電話去目標學校問清楚, 睇下面試時間有無撞, 再安排行程. 叩4-5間都有可能.

Dragonmama2012

pccw2017 發表於 24-7-4 10:21
有D中學申請叩門時係唔需要學生在場而面試/考試是安排在另一天的, 就可以兵分幾路去叩門. 先打電話去目標學 ...

我睇嗰兩個都highlight左交表都要學生親身到場(emoji)所以準備好之後就見機行事。

flipper2000

pccw2017 發表於 24-7-4 10:21
有D中學申請叩門時係唔需要學生在場而面試/考試是安排在另一天的, 就可以兵分幾路去叩門. 先打電話去目標學 ...

請問其實叩門係咪當日知收唔收??

UTB

Dragonmama2012 發表於 24-7-3 11:17
尋晚開始準備叩門所需，原本想叩5間，但睇完叩門安排，應該九至五去唔到咁多間 ，部分要即場面試。

最後縮 ...

我覺得你嘅做法都好正路。三間正選，兩間後備。不過我都建議你嗰三間正選要排先後次序，排第一嗰間除咗因為心儀，亦都要評估一下叩入的機會（我的意思係指相對另外兩間正選中學的叩入的機會）。因為當日情況有頗多變數，時間緊迫容易做錯決定。預早計劃行程及應變方案。祝好運派到心儀中學。

Dragonmama2012

flipper2000 發表於 24-7-4 14:19
請問其實叩門係咪當日知收唔收??

一啲啲學校，有啲會即出offer，但有啲喺份叩門需知上已注明邊一日先會call/e mail家長，要自己做下功課

Dragonmama2012

UTB 發表於 24-7-4 20:25
我覺得你嘅做法都好正路。三間正選，兩間後備。不過我都建議你嗰三間正選要排先後次序，排第一嗰間除咗因為 ...

我排左先後次序，先叩最近純交表嗰，唔使即in嗰兩間，亦係最心儀，但叩門位咁少，交左表買個希望 。

之後先去第三，第四間要即場in，如果叩完都無人收就讀返派位嗰間。

pccw2017

flipper2000 發表於 24-7-4 14:19
請問其實叩門係咪當日知收唔收??

間間唔同. 通常係面試後當日或之後一日會通知你

pccw2017

flipper2000 發表於 24-7-4 14:19
請問其實叩門係咪當日知收唔收??

有D學校係當日叩門當日面試, 有D係第二日先面試. 但多數係面試後的當日或第二日便知結果. 可以打去學校問清楚. 但係注意叩門/交表呢個動作一定要係放榜當日指定時間內完成. 真的要留意交表時間 ! 過左鐘就唔收叩門表格. 唔好以為有成日時間可以慢慢交表, 有D學校只係上午收表.