若果孩子K係HAPPY SCHOOL

HomemadeMom

小學唔讀私小只作大抽獎, 小一係咪會好辛苦呀?

Charlotte_mom

又唔一定，與孩子悟性好大關係
不過一般傳統教學預左日日功課，間中測考，大家都要改變心態

Samsima

回覆 HomemadeMom 的帖子

相信要睇你讀點樣嘅津/官，如名校或出名傳統，應該好辛苦，聽過朋友說小朋友小一開學後有情緒問題，結果個媽咪到細佬時就K2(Happy School) 開始補習

1998Ruby1998

唔一定，都要睇你抽中乜，同埋小朋友悟性。識人 happy 學卷考入名私，冇補習之下都考頭 10% 添。

官津好少會一開波就教深，畢竟係政府學校，俗 d 講句「乜人都有機會入」，學校一定有準備幫你銜接。如果你係入傳統學校的話，就預左會多功課同測考，升小前果個暑假最好訓練寫字、串字、自理。

Charlotte_mom

我姪女係讀無功課嘅幼稚園，日日食訓痾
小一抽間區內二線，樣樣中挺中挺，唔多亦唔少，唔深亦唔淺
但上左小學，就唔係撩完功課就算，唔keep住溫到測考咪知味道囉
似乎我弟婦未調節到心態，反而姪女就pick up得唔錯

Elenalan

HomemadeMom 發表於 18-11-7 17:18
小學唔讀私小只作大抽獎, 小一係咪會好辛苦呀?

通常係家長比孩子更需要適應。小朋友慢慢pick up唔會有咩hard feeling, 就算多測考佢都係當做多份工作紙填窿窿。係家長對分數睇唔開chur住温書先辛苦。

addicted

1998Ruby1998 發表於 18-11-7 19:22
唔一定，都要睇你抽中乜，同埋小朋友悟性。識人 happy 學卷考入名私，冇補習之下都考頭 10% 添。

官津好少 ...

甘小學有咩選擇 is happy school and not bad at academic ?

1998Ruby1998

回覆 addicted 的帖子

你嘅「not bad at academic」係點樣 「not bad」？DSE 整體成績？定係升中成績（非龍／直屬／聯繫校）？happy 係 「冇教深又唔多功課」，定係「有教深但方法好、功課適中」？

addicted

1998Ruby1998 發表於 18-11-7 23:07
回覆 addicted 的帖子

你嘅「not bad at academic」係點樣 「not bad」？DSE 整體成績？定係升中成績（非 ...

「有教深但方法好、功課適中」，升中成績。我聽說像救恩，港同個纇。

1998Ruby1998

回覆 addicted 的帖子

你列呢兩間之外，仲可以考慮福小、KTS、優才、禮賢。英華都好（記得你果個係仔？），好多活動玩。TSL 同 CKY 都可以考慮，但後面呢 3 間，要考上真係難上加難，同埋 CKY 學費唔少野 。優才同福小你可能唔會咁心儀，campus 對你黎講遠左 d。

sunnymama2

係唔係讀Happy school 家長乜都唔理先?如果係，會好辛苦，我仔仔親戚都同我仔同年，而家小一讀熱門津校好慘，功課唔願做，當然，因為課程對佢黎講太深啦，更係啦，A至Z未識哂，2+2都唔識，因為佢地父母唔教。

我本身覺得讀happy school 冇問題ga, 只要家長唔好hea, 幼稚園教的野要識，培養睇書習慣，上津小都可以應付到。

我仔都係讀happy school, 佢最難適應係寫中文字，佢上星期放學一番黎就講中文詞語攞到甲，好開心，仲開心過默書或評估攞滿分，由丙去到甲真係證明佢的進步

hohoho888

同意悟性同家長態度都好大影響
happy 幼有個好處是如果你小朋友是唔谷得, 是幾好, 如果是谷得, 你可以外加進補, 可以因材自己施教,
no free lunch la. 咩學校都好, 都係睇父母有無"跟進" , 當然有d 小朋友是天生自覺學習的, 如果你個小朋友係咁就恭喜囉, 但呢類細路唔多, 都係要父母guide 住既多, 所以中學前既階段點都要付出d

Charlotte_mom

我姪女上星期英文第一次測驗
已經早成個月通知，有grammar，有串字，有句法
我個女幫小妹妹溫左兩個星期六，小妹妹都算catchup得幾快。當然無可能120%識晒咁走啦，但已get到應有知識
派返黎，一般都岩，除左串字，錯晒！大拿拿無左12分！一個月串果十零粒字都串成咁。講真，靠隔星期「補」一次，返屋企又唔跟，我幫得你幾多
我有d心驚膽戰，如果弟婦仲係用幼稚園果種食痾訓心態去讀，點算呀......
學樓上話齋，唔駛阿媽跟自己識溫習，一萬個都無一個啦

hohoho888

Charlotte_mom 發表於 18-11-8 09:43
我姪女上星期英文第一次測驗
已經早成個月通知，有grammar，有串字，有句法
我個女幫小妹妹溫左兩個星期六 ...

講開又講, 都想請教下, 小朋友幾大應該要迫佢串下字, 同點教串字?
我女是very happy 幼, 所以學校程度淺
我有教佢, 有d 英文字佢識, 我問佢點解識, 佢話"認得"
佢好似當左英文是中文咁認字而不是串字
我其實唔係好知點樣令佢習慣下串字, 有無d咩方法呢?

noming

sunnymama2 發表於 18-11-8 08:56
係唔係讀Happy school 家長乜都唔理先?如果係，會好辛苦，我仔仔親戚都同我仔同年，而家小一讀熱門津校好慘 ...

天生天養係呢個時代真係唔WORK, 唔係話要教到個小朋友十項全能, 而係要去了解小朋友特質去搵合適嘅學校, 如果唔係小朋友真係好慘

HomemadeMom

想請教, 上到小學, 使唔使日日同小朋友温書?功課應陪佢做, 由得佢做比老師改定由佢做, 錯咗教返佢?

唔好意思, 可能覺得呢啲問有點低能, 但我真係唔知要點做? 我自己係外國讀小學, 成個小學生涯無考過試測過驗, 黙書都無....但當然, ENG GRAMMER一定好, 字一定識串, 記得以前日日返學都係好開心, 所謂的活動教學吧。英文未學過GRAMMER, 但總之講/WRITE出來的必定啱文化。所以呢家對住香港小學話要教GRAMMER, 我真係頭都大埋

nostradamus

1998Ruby1998 發表於 18-11-8 00:43
回覆 addicted 的帖子

你列呢兩間之外，仲可以考慮福小、KTS、優才、禮賢。英華都好（記得你果個係仔？） ...

KTS 是這一類嗎？

sunnymama2

noming 發表於 18-11-8 09:56
天生天養係呢個時代真係唔WORK, 唔係話要教到個小朋友十項全能, 而係要去了解小朋友特質去搵合適嘅學校, 如 ...

可憐個親戚的父母覺得幼稚園仲乜咁“辛苦”，唔好話幼稚園，小學都唔駛咁勤力啦，而家大仔就呈分，佢地才開始緊張。
我覺得讀咩學校都唔係好重要，最重要係父母的態度。有幾多係神童，可以自動自覺温書? 個根基打得差，讀書只會越黎越痛苦。

sunnymama2

HomemadeMom 發表於 18-11-8 10:18
想請教, 上到小學, 使唔使日日同小朋友温書?功課應陪佢做, 由得佢做比老師改定由佢做, 錯咗教返佢?

唔好意 ...

我又唔為每日陪温書，因為功課仲深過書本。因為阿仔多數我放工前做完功課，我會番黎check 佢功課，中文英文會再問一次佢的答案原因，特別係中文，我要佢解釋佢見到咩key word 才選答案，過程中你會發覺雖然答啱，但如來理解錯誤，我會同佢解釋多一次，希望佢真正明白。

noming

sunnymama2 發表於 18-11-8 10:24
可憐個親戚的父母覺得幼稚園仲乜咁“辛苦”，唔好話幼稚園，小學都唔駛咁勤力啦，而家大仔就呈分，佢地才 ...

咁成件事最弔詭係既然父母覺得幼稚園同小學都唔駛咁勤力同"辛苦”, 為何要揀熱津呢? 跟呀哥入所以大安旨意到時自然會識?