阿女學校既職員好過份,嬲到我丫>,

cmancman

今朝阿女學校校務處職員,令到我好嬲,想係星期日家長日時同校長傾返件事,但朋友叫我唔好再講,費事影響左老師職員對阿女既態度,講比大家聽,請大家比d意見我好嗎?

今朝阿女發燒,佢話想請假,但今日要交下月既飯單,今日係最後限期(學校上星期五先派飯單,我昨日先得閒入錢,所以今日先交到,學校之前又講明遲交唔比訂飯),咁我諗住阿女都要睇醫生,就叫阿女睇醫生前返學校交飯單及請假信,因為學校都好近姐又的士來回...

校務處有個職員,我叫佢做 a 啦,a 打比我問咩事,我解釋左係因為要交飯單,我唔想阿女訂唔到飯下月全月要食公仔麵,所以叫佢睇醫生前返黎學校順便交請假信,咁a 就話"明白",收左線...

到阿女返到黎,佢講返 a 唔肯收佢張飯單,話12點幾飯商黎先交得,阿女話宜家7:50am,等唔到12點,請佢代收飯單, a 同阿女講唔係佢負責,叫阿女去搵班主任,當時未夠鐘集隊,班主任唔係教員室又唔係操場,阿女返去校務處同 a 講, a 叫佢打比我,之後由我同佢講(即上一段果D對話內容)當時ａ無同我講過唔肯收又無講過要交比班主任又無話１２點幾先交得,淨係話"明白"就收左線...

咁我就打返去校務處問,我打去開頭唔係 a 聽電話,
我話 : (我係xxx媽咪,頭先佢黎學校請假及交飯單,點解你地唔肯代收呢?)
佢話 : (我唔知喎,唔關我事喎)
我話 : (你唔知頭先有學生黎請假咩?咁邊個會知呀?)
咁佢之後叫左 a 聽,a 一路都無乜禮貌,仲越講越大聲,
我話 :(頭先xxx黎請病假,同我通電話係米你呢?)
a 話 : (係呀)
我話 : (咁點解你唔肯代收飯單呢?又叫佢12點幾再黎交,佢唔舒服喎)
a 話 : (我地唔收呢D野架,唔係我地負責架嘛,飯商負責架)
我話 : (我知係飯商負責,我係叫你地代收姐)
a 話 : (我叫左佢交比班主任啦)
我話 : (我知,但佢搵唔到班主任丫嘛,點解一定要佢搵班主任呢?點解你地唔肯方便一個發緊燒既學生,代班主任或飯商收左張飯單先呢?)
a 話 : (呢d唔係我負責架嘛,佢請假都要搵班主任啦)
我話 : (我已寫左請假信你都收左仲同我通過電話,咁仲洗乜要佢去搵班主任呀?平時請假都只係我打黎同校務處聯絡,第二日返學先補請假信比班主任啦!佢搵唔到班主任,你地唔可以代收既咩?)
a 話 : (呢d唔係我負責架....)<--不斷咁講,我講野佢都唔停我有我講佢有佢講
我話 : (學生係經學校訂飯,都關學校事啦,咁學校既事唔係校務處處理既咩?咁校務處做咩?幫個發緊燒既學生代收一張飯單姐,都唔得?要佢走黎走去最後都仲唔肯收)
a 話 : (你個女發燒你就唔好比佢拎返黎啦,你個女講野唔清唔楚,我點知佢發燒唔舒服呀,你話佢唔舒服你都叫佢返黎啦)
我話 : (佢睇醫生都要出去架啦,順便返黎交姐,同埋的士來回,我都唔想佢唔舒服仲要去學校,但今日到限期交飯單,我又要下午先幫到佢黎學校交,過左期訂唔到飯,我個女成個月食公仔麵咩!你係校務處都唔處理校務!你唔收得飯單既咩?)
a 話 : (你個女講野唔清唔楚,我點知佢做乜呀,佢又無話要我代收)
我即時問我個女,有無同a 講請佢代收,阿女話肯定有,我同返a講,
我話 : (我個女話佢肯定有講喎,而我都同你講過佢返黎學校既原因係要交飯單,因今日到限期,明天怕訂唔到飯無飯食)
a 話 : (佢話佢有講我都無辨法架,你又唔在場,講咩都無用,我係唔知佢講乜喎,你個女講野唔清唔楚,我都唔知佢叫我代收飯單)<--佢又一輪咀講,我講野佢照講
我話 : (我唔在場,我暫時唔理我個女係米真係講得唔清楚比你聽,但你當時有同過我傾過電話,你知道佢係專程黎交飯單,頭先你都仲講緊收飯單唔係你既責任,咁你宜家又話唔知佢黎交飯單?都講唔通啦)
a 話 : (咁我係聽唔明佢講乜喎,我點知佢咁多唧,如我知佢唔舒服我一定幫佢收飯單)
我話 : (明明我親自同你講左,頭先你都話收飯單唔係你責任,又叫佢12點幾先交比飯商,又叫佢搵班主任交,咁你宜家都仲可以講你唔知佢係要交飯單?仲頼佢講野唔清唔楚?唔想同你講,請你接駁電話比校長)
a 話: (你有咩同我講得喇,我會處理....)<--跟住又係講返上面果d野
我再叫多佢幾次接駁比校長,佢又重複講上面果d野,最後
我話 : (你係米唔會接駁比校長,如你唔接,我收線喇,我親身黎搵校長傾)
a 話 : (咁你係米想搵校長傾丫,係我就幫你接去啦)
我話 : (我一早就叫左你接架啦,係你猛話有咩同你講得喇)
但係都唔係接左去比校長,只係校長既秘書...

我同秘書講哂所有野,仲講返之前開學時因校務處既錯,令到我個女既舊名出現左係校網同學校大門名單上,連初開學時貼係身到既名字labal都係舊名,令到阿女好多同學都知佢改左名改左姓,我係升中一前暑假幫佢改名就係唔想比同學知佢改左姓,宜家就比哂同學知,有d口臭同學笑過阿女兩個姓兩個老豆...
到今日校網都仲係未改架,我已通知左校務處5次喇

我要求與校長見面,秘書話約左再通知我!
但頭先班主任打黎同我傾,話係大家誤會左姐,
雖然班主任好有禮貌,但佢口敏係指我個女怕醜所以講得唔清楚先導致有誤會佢話係校長叫佢打黎比我交代既...

照咁睇,我估校長唔會同我約時間會面囉:evil:
黎緊星期日係家長日,係禮堂有座談會,
請大家比D意見我,睇下我應唔應該再同校長傾呢?

thanks a lot~
太太太長篇啦,sorry

          

半桶水

哩間到底喺乜嘢學校 睇到我都  

教務處職員淨喺識得"卸膊",而唔喺解決問題.咁嘅質素員工,想學校提升到校譽都幾難.學校內部管理喺咪有問題

上述情況學校喺要協助處理,唔通學生喺學校食左有問題嘅飯盒中毒,學校喺咪視而不見 又同家長講你去問供應商啦 :evil:

咁家長有問題揾邊嗰協助,喺咪李國章   

familychan

梗係要反映啦!就算唔係佢負責,佢都可以用其他方法幫個學生,例如:幫佢留言俾班主任,等班主任通知飯商已入數,叫學生明天先交.
況且佢無D禮貌!

mi_wong

算啦!肉在鉆板上，我成日都聽到d家長話要忍，費事自己d小朋友响學校受刑，你知大人不需返校面對，日後只有小朋友去面對。忍一時，小朋友可以安享日後日子，我自己都有好多野"good"聲吞咗佢。

mimi1234

cmancman,

個職員真的很離譜。

不過，如果下次過了最後限期又未交飯單，你可以試試直接打電話比飯商，看看可否 fax 比飯商，等佢地幫忙處理。有次我個女忘了在限期前交支票及飯單，用 fax 先交飯單，再後補支票，我未交錢都得，何況你真的已入數。飯商做生意，一定會樂意處理。

在這裏讚一讚"大家樂"的職員，非常友善而且真的幫我解決了問題。

tkkmama

cmancman,

實在太離譜。

尼d就叫:少做少錯, 不做不錯啦...   如有下次, 你直接同飯商聯絡好過啦. 費事經d衰人, 就算佢肯收, 一陣又唔知道放左去邊就盞攪啦.

投訴就冇謂啦, 又唔知佢係有乜人事背景, 攪得唔好仲衰, 影響埋小朋友學習忝, 大人不記'小人'過啦.

煩惱媽媽

梗係要再同校長講啦，而家時時都話要家校合作，一定要校長出來傾傾，比個答覆，不可能這樣不了了之的，如果係咁，家長又點放心比自己的仔女係度讀 :cry:

bananaok

我睇你都係算把啦.我以前就係咁.投訴完,我個仔係學校仲大鑊.比個8婆班主任玩到殘.之後所有ga投訴都自動轉脹入埋我個仔數.攪到佢日日返學都唔開心.我覺得lee d都係個人問題,你地唔好以為讀得書多ga人,就會好有品德呀.唉~~

edithedith

我認為你都是不要再跟學校投訴好了, 雖然道理在你那邊, 但試想想, 如果你個女被學校標籤為麻煩學生一類, 佢在學校的餘下幾年都會被不公平對待的, 試想想, 這是一個很自然不過的定律來的, 這類情形不是單單發生在學校身上, 在公私營機構一樣會發生的, 要維護學校(公司)形像, 那個會承認自己的員工不濟呢? 又那會員工會承認自己有錯呢?

明白你對這次事件很火, 但可以抽離一點來看, 知道學校行政如何(這麼爛), 將來處理起一些問題時, 就會更加容易知道怎樣去掌握了, 在這件事裏, 我覺得你也有點不對的地方, 這就是叫個女自己回校交飯紙及請假紙, 因為首先學校有理由相信佢未必係病得如你信所說(我通常會附醫生請假信的), 另外, 佢發燒真的可能會比較疲倦, 未必會反應快的, 而且還要周圍找班主任? 我估你個女都不會很大個的, 是吧, 發緊燒一個人乘的士都不是十分好的安排吧, 始終佢都是未成年的孩子吧.

以上只是我個人意見, 希望不要把你加火吧, 我是十分認同你現在的不滿感受的

cmancman

多謝各位意見
其實我都係怕以後個女係學校比人標籤為麻煩人之女,
之後會有不公平對待,或者當佢犯錯時,有人會"報復"
所以改姓名事件及之後幾次校務處職員不禮貌事件,
我都無向學校投訴過,改名問題我只係簡單通知學校話未改呀就算...係今次我頂唔到,先會同佢理論,但我都有保持有禮貌.
我有幾個做教師的朋友都同我講,大部份老師或職員,家長黎投訴都覺得係家長麻煩,就算老師或職員知道自己有錯,都會覺得只係少事姐,洗唔洗投訴呀,佢地都話投訴左仲會衰左...
我都知呢個係事實...但如各家長都唔提出意見,學校點會有改善,點會有進步?
我星期日家長會後都會同校長簡短提下件事,我唔係想問罪,只係想佢地改善下,如果真係仲衰左既話,都無法啦

cmancman

edithedith 寫道:
我認為你都是不要再跟學校投訴好了, 雖然道理在你那邊, 但試想想, 如果你個女被學校標籤為麻煩學生一類, 佢在學校的餘下幾年都會被不公平對待的, 試想想, 這是一個很自然不過的定律來的, 這類情形不是單單發生在學校身上, 在公私營機構一樣會發生的, 要維護學校(公司)形像, 那個會承認自己的員工不濟呢? 又那會員工會承認自己有錯呢?

明白你對這次事件很火, 但可以抽離一點來看, 知道學校行政如何(這麼爛), 將來處理起一些問題時, 就會更加容易知道怎樣去掌握了, 在這件事裏, 我覺得你也有點不對的地方, 這就是叫個女自己回校交飯紙及請假紙, 因為首先學校有理由相信佢未必係病得如你信所說(我通常會附醫生請假信的), 另外, 佢發燒真的可能會比較疲倦, 未必會反應快的, 而且還要周圍找班主任? 我估你個女都不會很大個的, 是吧, 發緊燒一個人乘的士都不是十分好的安排吧, 始終佢都是未成年的孩子吧.

以上只是我個人意見, 希望不要把你加火吧, 我是十分認同你現在的不滿感受的

我明白你的意思,
我都唔想我個女病但仲要返去交飯單架,最好我自己去,
一來阿女要睇醫生,點都係要坐的士,我又陪唔到佢,而且佢都唔係細路,照顧到自己架喇.
二來阿女話限期前一定要交,之前試過一次佢唔記得比飯單我交錢,到期當日先知,咁就入唔切錢訂唔到飯,學校係唔準學生外出用膳,果個月成個月食麵.我唔想下個月又係咁

不過我真係蠢左,我應該直接搵飯商傾,當時諗唔到...

cmancman

啱啱阿女返黎同我講
班主任今早同全班講 :
你地去校務處講野要講清楚,
自己唔識表達唔好返到屋企同屋企人講校務處唔理你地,
你地表達唔到係你地問題

   

個班主任咁講即係話係我個女問題而唔係校務處果個 a 既問題啦,明明係我親口同校務處講,佢地都仲屈我個女話我個女講得唔清楚    

半桶水

cmancman,

算吧啦! 我睇完老師回應,只有失望兩個字!!

再糾纏下去,囡囡只會做左你同學校之間嘅磨心 :cry: 最終受害者喺嗰囡.

familychan

cmancman 寫道:
啱啱阿女返黎同我講
班主任今早同全班講 :
你地去校務處講野要講清楚,
自己唔識表達唔好返到屋企同屋企人講校務處唔理你地,
你地表達唔到係你地問題

   

個班主任咁講即係話係我個女問題而唔係校務處果個 a 既問題啦,明明係我親口同校務處講,佢地都仲屈我個女話我個女講得唔清楚    

好明顯個果校務處職員講另一套野誤導班主任啦!
呢D人就係因為知道D家長怕事,唔敢投訴先愈來愈大赡,愈來愈無禮貌,仲屈人!

yeungmum

一定要

女人當自強

cmancman,

很明白你的感受，我覺得你應該向校長反映(記住表明你的立場並非投訴)，若校長知道內部行政如此混亂，一定會採取適當的方法去改善。另一方面，應正面引導囡囡，讚賞她有盡力表達自己，只不過是學校職員誤會了。
投訴事小，若經過此事，囡囡以後也敢表達自己反而事大。所以一定要小心處理

edithedith

cmancman,

好明顯你女學校的老師與職員都係同一陣線之人, 咁樣你更加唔好用投訴的方式去處理今次事件, 因為這個老師都無查明同學仔係咪表達能力差, 而且相信佢係你女的班主任應該清楚你個女的表達能力, 但佢在班上的說法即係話佢認同個書記的講法話你女的表達能力差, 亦表明家長的投訴是無理的指責, 我估計你女兒在這個班主任的眼中未必被評為good good的那種, 原因很簡單, 人係有偏私的, 第一眼/第一接觸覺得你好, 你便是好.

我明白你的不忿, 但有時做事係要用 "忍一時之氣, 退一步海闊"的心態去做, 當然你跟校長輕輕反映也未嘗不可, 但不要有任何祈望, 因為人的素質根本如此. 再者, 過多些時候回頭再看, 你頓然會覺得這只是小事一樁吧了.

cmancman

edithedith 寫道:
cmancman,

好明顯你女學校的老師與職員都係同一陣線之人, 咁樣你更加唔好用投訴的方式去處理今次事件, 因為這個老師都無查明同學仔係咪表達能力差, 而且相信佢係你女的班主任應該清楚你個女的表達能力, 但佢在班上的說法即係話佢認同個書記的講法話你女的表達能力差, 亦表明家長的投訴是無理的指責, 我估計你女兒在這個班主任的眼中未必被評為good good的那種, 原因很簡單, 人係有偏私的, 第一眼/第一接觸覺得你好, 你便是好.

我明白你的不忿, 但有時做事係要用 "忍一時之氣, 退一步海闊"的心態去做, 當然你跟校長輕輕反映也未嘗不可, 但不要有任何祈望, 因為人的素質根本如此. 再者, 過多些時候回頭再看, 你頓然會覺得這只是小事一樁吧了.

我同意你講法,佢地係同一陣線既,我再投訴都無乜用...但我都會係星期日家長日去同校長簡單講下,因為校長只聽過該職員講或可能根本唔知,宜家講到係我個女既問題而唔係該職員問題,我有必要幫個女去澄清,我都預左無乜用,但起碼對得住個女啦...大家容許我係到呻下啦,thanks~...最希望個女唔好放係心

我覺得班主任只信哂個職員,對間學校好失望,個班主任連我都唔信,我講左比佢聽當日阿女係校務處時該職員係同我通過電話,我親口同佢講左阿女係專程黎交飯單,佢都話明白,阿女返到黎同我講佢唔肯收,我再打去搵佢時,佢都仲講佢唔收既原因係唔係佢既責任,到講講下又講大話話根本唔知我個女講乜所以佢先唔收,佢根本係知我個女搵佢係交飯單,而我都同佢講左啦,佢都仲可以話唔知,擺明係推卸啦.
至於我個女表達能力問題,我當時唔在場聽住,唔可以100%話個女無問題,但我個女平時係點樣既我就一定知,阿女舊年自行選校果間收左佢,但因果間只係我鐘意既學校,佢唔鐘意,放榜結果公佈後,我同佢去三間學校叩門,全程我無出聲由佢自己去校務處詢間申請,交表,面試,到走時向職員道謝,佢都自動自覺,一d都無口齒不淸或膽少細聲,三間學校都即時收佢,而佢宜家呢間學校,佢同主任,副校長面試後出黎,副校長,主任同校長講,當時仲有其他家長及學生係到,都講我個女好主動好有笑容,佢地好歡迎佢黎呢到讀....我唔係想讚我個女,只係唔相信佢所講話我個女講得唔清唔楚,咁簡單既野都講唔清楚?係唔清楚個職員就唔會叫佢12點幾先交,又唔會叫佢搵班主任交啦...

我都知呢單野唔係咩咁大件事,人生大把機會會遇到不平事,但新鮮熱辣,所以要發洩下

edithedith

cmancman,

所以話我明白你的感受呢, 其實每個家長與學校的關係都十分重要, 當中又要看看你小朋友所讀的是Band幾的中學, 因為一些高高在上的中學是比較自我的, 一些則是十分有誠意辦學, 十分喜迎家長意見的, 他們會很主動及負責任, 多數Banding 高的學校都比較"大枝野".  希望你同校長講完唔會對你個女有壞影

大男人