聖公會聖多馬小學

淘寶

好似好少人講呢間學校，上年開放日去唔到，希望今年去到喇

請問呢間學校升中派位如何？

20分女仔博呢間學校好嗎？

功課會多嗎？

測驗考試多嗎？

謝謝解答

worldcat

回覆 淘寶 的帖子

上年2018小一，小道消息係20分大概七八成機會入。到今年，小一上學期都係無測驗，下學期開始有。
功課平均每日四五樣，唔係撞啱英中常都有抄寫就唔算多。

但今年開始轉左新校長，唔擔保跟住會唔會有轉變。始終今次屬於空降，唔同上次副校升上去。
今年無join校友元宵聚會，但聽校友講老師們都係“磨合期”中，係好係壞真係要遲啲先知。

利申：9x年畢業，係校友。自己囝囝綜合各因素後係入左同區其他小學。
我估係深水埗區亦係少有有校友會嘅小學，前兩届校長都有聆聽校友意見，幫助學校定位。希望新校長都可以保持呢個習慣。

0030

回覆 淘寶 的帖子

我女讀緊，相對其他學校當然是輕鬆開心的，但升英中比例大概35%左右，學校一直的宗旨都系學生品德第一，成績先系第二～睇下家長需要搵點樣的學校啦～正常20分入的機會極大～

淘寶

worldcat 發表於 19-3-21 10:16
回覆 淘寶 的帖子

上年2018小一，小道消息係20分大概七八成機會入。到今年，小一上學期都係無測驗，下學期 ...

我都係9x後畢業，以家開始諗緊，但我搵唔到佢升中派位嘅率

20分就得呢間，諗緊博唔博其他學校

淘寶

0030 發表於 19-3-21 10:26
回覆 淘寶 的帖子

我女讀緊，相對其他學校當然是輕鬆開心的，但升英中比例大概35%左右，學校一直的宗旨都 ...

35% 唔算高添，唉，唔知點揀好。。。

不過我都未知小朋友讀書係點，如果讀唔上都唔會勉強

0030

回覆 淘寶 的帖子

如果要升英中比例有超過35%以上的可以選協和，開平和荔天，善導和瑪神～

淘寶

0030 發表於 19-3-21 10:35
回覆 淘寶 的帖子

如果要升英中比例有超過35%以上的可以選協和，開平和荔天，善導和瑪神～

大抽獎應該難抽中，真係好驚揀錯咗

小學揀校真係唔識，以家做定功課先

謝謝JM你解答  

shevachevy

worldcat 發表於 19-3-21 10:16
回覆 淘寶 的帖子

上年2018小一，小道消息係20分大概七八成機會入。到今年，小一上學期都係無測驗，下學期 ...

識人今年讀緊小一, 上學期已有測驗但會讀卷, 我睇過卷覺得唔深, 合理。
另老師應該幾包容小一生之間o既學術差異

轉左校長應該影響會樂團? 因為之前譚校長出錢出力搞, 而家校長有無心傳承落去就唔知啦~

worldcat

回覆 shevachevy 的帖子

上學期應該得考試，10月份無測驗喎。。下次再問問先。

shevachevy

worldcat 發表於 19-3-21 11:26
回覆 shevachevy 的帖子

上學期應該得考試，10月份無測驗喎。。下次再問問先。 ...

SORRY, 咁可能我MISTAKEN左你話上學期無測考, 我唔記得果次叫測定考, 係有卷做囉

0030

回覆 shevachevy 的帖子

一年考三次試，11月，3月，6月，其他學校4次考試～課程算淺～

shevachevy

0030 發表於 19-3-21 11:53
回覆 shevachevy 的帖子

一年考三次試，11月，3月，6月，其他學校4次考試～課程算淺～

初小算淺, 但高小都唔淺, 特別數學都有D難, 平時功課都有D奧數題

worldcat

淘寶 發表於 19-3-21 10:28
我都係9x後畢業，以家開始諗緊，但我搵唔到佢升中派位嘅率

20分就得呢間，諗緊博唔博其他學校

畢業生都唔早幾年入校友會同參加聚會8下。
真係好睇小朋友性格，當日考慮。。
自問對升中有要求，囝囝算懶散型，聽人教又多過教父母教。如果入多馬，佢好大可能到中學追唔上。所以最後揀左間比較谷嘅學校，係追得有啲辛苦但囝囝都返得開心。

如果父母係學業無好高要求，咁就多馬喇。
如果有要求，我意見係。
吸收力正常，而且自律。 多馬
吸收力正常，但懶散得嚟都肯去做。 揀谷少少學校
吸收力正常，懶散兼唔聽人講。 多馬
吸收加差啲，但自律努力。 多馬
吸收加差啲，而且比較懶同唔聽教。。。 無意見

se6b03

鄧校長黎聖多馬之前係黃宣及全完小學做過，譚校長就轉左去主愛，兩位校長轉校之後都加左人工。

淘寶

worldcat 發表於 19-3-21 12:16
畢業生都唔早幾年入校友會同參加聚會8下。
真係好睇小朋友性格，當日考慮。。
自問對升中有要求， ...

明白，多謝解答

做父母當然想自己仔女讀到好學校，但我自己都好怕谷嘅學校，但又知會聖多馬升英中比率又真係太細，又好擔心

唉～ 我都唔知點揀先好，又驚派位派咗寶校，到時扣門。。。。 我都驚驚地

worldcat

回覆 淘寶 的帖子

今日站在旁觀者角度，只可以提醒一下。學校有幾多位上到英中固然係一個考慮，但學校再高入英中率都要小朋友肯配合先得。係現行遊戲規則， 唔計直私，英中=b1。讀邊間小學都唔會話好輕鬆。想係荔天 長協 旅小嘅頭50~60%,，同係多馬考頭3x%難度無乜分別。
如果重未參觀過多馬開放日，把握2019年尾一次，睇下學校各方面係唔係自己所想。

淘寶

worldcat 發表於 19-3-22 08:32
回覆 淘寶 的帖子

今日站在旁觀者角度，只可以提醒一下。學校有幾多位上到英中固然係一個考慮，但學校再高 ...

原來2019年尾有開放日，真係要睇下