ADHD 家長孩子同樣受壓

monkeymama

家長孩子同樣受壓 2005年10月12日
廣 告

【明報專訊】聖雅各福群會樂寧兒童發展中心服務經理及社工梁翠雲曾接觸不少有專注力失調�過度活躍症的兒童，她表示病童和家長同樣面對不少壓力，需要旁人體諒和支援。7歲男孩經常不停走動，說話不停，行為鹵莽、衝動，又不耐煩排隊輪候，常引來不少衝突，更曾因一時不小心，投擲玩具時撞穿其他小朋友的頭部。老師認為家長縱容孩子惹禍，不懂管教，後來男孩父母帶兒子做評估後，證實他有專注力失調�過度活躍症，並接受藥物治療，可惜校方依然不太接受男孩。後來其父母替孩子轉校，現在他的行為已大大改善，情緒亦漸趨穩定。

梁翠雲表示﹕「病童的家長常承受沉重壓力，但他們須明白孩子往往不能控制自己的行為和表現，故應盡量接納孩子，不妨多看書或上網搜尋資料，多認識專注力失調�過度活躍症，會更能接受孩子的行為表現。」此外，建議家人幫忙照顧孩子，讓父母「

mabel0809

本人正是一個經評估為輕度專注力失調及過度活躍症小朋友的媽咪.    只是輕度!已令我經常苦惱!    由一年級第一天開學,學校已不時與我接擉!現在升五年級了, ADHD的問題好像少了,但學校開始發現佢在人際關係方面比較差,很自我中心,經常因小事而發脾氣,幸好和我和學校的關係尚好,老師亦有耐性,經常開會正視此種小朋友的問題及給我安慰.但每當看到小兒手冊的紅筆(行為問題)與及手機顯視學校的來電,我的心就有一種莫明的緊張和恐懼....     　　　　　　   

rachaelmum

Dear Mabel0809,

身同感受!!!       

我個Asperger女女都和您仔仔一樣呢! 唯有大家互相支持, 互相安慰, 互相鼓勵.................

anna_gigi

本人小兒是位ADHD,我個仔每年升班都會寫封信給新班主任通知小兒有ADHD,特別注意同時加以體諒,但學校從來未有個什麼幫助

mabel0809

Dear anna_gigi & rachaelmum ,
　
真是十分開心能夠在此認識你們!說真的,由此至終我都努力去理解這種小朋友的特性,想學識怎樣去處理他的問題.
在幼稚園時,已有好幾位家長叫我帶個仔去做評估,因為佢地見到我個仔有些行為與其他小朋友不同,(比較活躍那種)但我同事卻對我說不要這麼緊張,男孩子是這樣蹦蹦跳的.但後來續漸發現他在其他群體中都開始有大大小小的問題,如衝動,與人玩耍時過份投入(很大力打人),不懂控制自己,多言等.經常因此與人發生爭執.上到小一,第一天下課,收到學校電話,輔導主任及班主任要見我和爸爸,說要了解小朋友背景!(因為篨一天已有跡可尋) :-| 後來學校安排個仔去教署做評估,結果說他有輕微ADHD,跟住就個個月見精神科醫生,依家五年級,兩個月見一次,仲食緊葯.其實佢已經無乜ADHD的問題,但可能這五年小學生活中.經常給老師作"特別處理",課外活動又經常出事.我的脾氣又不好   令佢無乜自信心我有時都好辛苦,.(我要返工,輪shift)又唔可以唔做,唯有有時心平氣和時打電話和他傾傾, ,多主動參加學校的義工活動,跟學校老師聯絡,希望他們多多包容!     

rachaelmum

mabel0809,

您其實已經做得很好了! 尤其是我們這些在職媽咪, 每天都像和時間競賽, 下班後碰著孩子一大堆未做的功課和溫習, 再加上唔合作扭計發脾氣, 這些      的場面時常在發生。

在別人眼中(特別是我奶奶)我不是一位盡責的好媽媽, 因為我總有沈不住氣的時候、總有打罵孩子的時候....., 但我們身心所承受的壓力相信所有BK媽媽最明白的。

各位媽咪, 我們大家繼續努力吧!

anna_gigi

mabel0809
其實在幼稚園未必証實得到係唔係ADHD,大約上左小學真正証實得到,當年學校安排去教署做評估,係話佢讀寫障外,根本不是這回事,未必準,我個仔係經學童保健,轉介心理學家科,再轉介到精神科,現時仍然有醫生跟進,佢食左好多年葯,今年先開始停,精神科醫生同我講大概要上到中學會轉好,到時可能唔使食葯,今年都中二嘗試唔食.不過間中都會勞氣
其實mabel0809你囝囝既每一個階辛苦經歷段我都經過,現時上到中學一年,第一次考試取全班第六,都覺得有D安慰

rachaelmum

mabel0809 & anna_gigi,

很高興認識您們! 您們走過的路及經歷都是我們正在或即將會面對的, 希望您們能多來BK分享您們的經驗。

和您們一群前輩媽媽相比, 我們行的路已比您們容易平坦得多, 至少現在社會對有特殊需要小朋友的認識和接立程度都比以前為高。

各位前輩媽咪、思佳媽咪, 謝謝您們! 因為您們走過的路是充滿淚水和心血。

anna_gigi

rachaelmum
其實我仲有一個囡囡比哥哥細9年,我應該係再從頭適應,現在讀k3,明年升入小一,又驚又喜,不過妹妹都O.K.,無ADHD.
得閒我可以同你傾傾有關特殊小朋友問題,有時醫生都未必解答得到,只有親身經歷過至感受得到

mabel0809

我今晚又因個仔的默書溫習問題而動火了!唉,學校操行已經唔好,讀書又唔比心機,我又放唔低,可能真係太擔心了 :cry: 老公又幫唔到,剛剛自我發洩完 兩眼都紅了!教仔實在非常辛苦.亦感受到"養兒一百日,長憂九十九"的滋味!
我還有一個小女兒,可幸是她非常懂事,已五歲半,今年k3,出年小一了.我想或許是天意安排,給我這小小的考驗
我剛報了一些教子講座,希望幫我減減壓

KaKwanc

Dear all mum,

大約半年前我開始細心觀察囡囡的行為, ADHD的十種特徵佢起碼中七種, 上年N1在校已很活躍及有時不守紀律, 但情況尚可受控. 但今年K1情緒明顯難於控制, 今個月已被老師罰留堂兩次, 老師還說同佢講解錯誤之處時, 佢不埋訓示!! 在家出錯時, 須坐在冷靜區哭鬧很長時間才能平伏心情! 上情緒管理課時, 第一堂已與所有小朋友有衝突, 還出手打比她大兩三年的小朋友, 有一次更打MISS.

其實較早前我已想帶囡囡去做評估, 但據我所知及正如anna_gigi 所講, 小學之前是很難確診的. 但最近留堂事件后, 我諗應該與班主任好好溝通一

klyie

我囡囡讀k3時,老師通知我帶囡囡去做智能測驗.因老師覺得她不專注和有讀寫障礙.後來check了証實有過度活躍,不專注和有讀寫障礙.個一剎心情好down.從那一日起.我上網和買了有關ga書看.另到自己了解這些小朋友.明白到要比多些時間佢地.我都有上過d課程,但不多.現在比較有耐性教她.和怎樣認對.有時都會覺得教極佢都唔上心,好激氣.但我都會飲d水行入廁所洗個面.等自已冷靜一下才再教佢.
以前我會好唔開心,點解自己囡囡會咁,成日被人誤會無家教.
現在不會了.我會不理旁人的眼光.由得佢地話囉.好高興在此認識妳們,大家得閒傾下.舒緩下.趕住收工,下次再傾.

丸媽媽

好開心終於有呢個topic出現~~~
"ADHD 家長孩子同樣受壓"
剩係單看呢句標題,眼眶內已經充滿淚水,因為每當感受別人對我們/孩子體諒或接納,自然就有份感觸。

我仔仔兩年前評估為專注力缺乏,之前只覺得仔仔專注力差,完全唔知原來同”過度活躍症”扯上關係,所以覺得都幾意外,因為仔仔在親友眼中算幾乖巧,出外交際時只會坐定定果隻。但始於幼稚園時,凡一拎起支筆就千斤重,對於功課只有逃避,回想佢三歲幾四歲開始做功課,我勞氣到要趕佢出門口,響防盜眼望到佢當時驚慌亂跑個樣,到今時今日個心仍然拿住痛,雖然好後悔當時既衝動,但這種衝動仍然繼續地發生….. :-x  :-x  :-x
相信旁人好難理解ADHD家長面對既壓力,當然孩子就更苦    唯有不斷放開對仔仔既期望,但又要教佢對自己功課負責,所以仍不斷拉鋸 :cry: :cry:

但講到尾,孩子需要我地去教,責無旁貸唯有勞力控制自己情緒,keep好親子關係呢樣都好重要。響呢度有大家互相支持,實在太好!

klyie

請問妳地仔仔囡囡多大呀??我囡囡6yr.p1.但系學校有好多功課做.現在都ok,再遲d功課再多不知點算.默書ga日子,可以系屋企全部讀識,當在學校默書ga時候會唔識和分數較低,次次佢都話好唔開心,因為有努力過.我自己內心都好唔開心.但,我會安慰佢,自己盡左力有真正讀書就ok.唔好介意.妳地小朋友有無我囡囡的情況??分享下.

丸媽媽

klyie>>我仔仔明天十歲,佢未上小學已經出現做功課困難(寫字冇力+易分心),上小學頭一個月我已經被老師召見,話佢完全唔主動抄家課冊,要不斷提佢先會抄,默書時,老師話已經開始讀了幾句,佢連支筆都未拎起,考試試卷漏做幾版簡直家常便飯。這些都明顯反映佢處於分心狀態,對於眼前工作無法進行。

看你囡囡情況,我完全唔覺有甚麼問題,起碼佢拿到唔好既成績會識得唔開心,我仔仔係唔會,因為佢就算好多野做唔到,都唔覺有乜大不了。相信你囡囡慢慢適應小學後,情況就會改善,而且你囡囡既然懂得對自己成績有要求,倒不如著重比機會佢自覺溫習,總好過父母不斷陪讀來谷好成績,而且小一成績亦無需要看得太重,培養良好讀書態度先係最重要

希望不會怪我太直言

monkeymama

丸媽媽 ,

I really appreciate your sharing , Don't give up , we can support each others

(Quote) 好開心終於有呢個topic出現~~~
"ADHD 家長孩子同樣受壓"
剩係單看呢句標題,眼眶內已經充滿淚水,因為每當感受別人對我們/孩子體諒或接納,自然就有份感觸。

BKU

想請問大家知不知道由余志文主持的維思潛能發展中心，我親烕個仔有ADHD，佢媽媽想參加維思的治療，但要比三萬幾蚊做五個月，佢阿爸就唔想，覺得唔係真有用，因為維思用的甚麼腦電波方法無其它人提到，好似得佢地用，唔該大家比Ｄ意見。

rachaelmum

看到這裏總有想哭的感覺! 因為相同情節差不多每天也在我家裏上演。     

但始於幼稚園時,凡一拎起支筆就千斤重,對於功課只有逃避,回想佢三歲幾四歲開始做功課,我勞氣到要趕佢出門口,響防盜眼望到佢當時驚慌亂跑個樣,到今時今日個心仍然拿住痛,雖然好後悔當時既衝動,但這種衝動仍然繼續地發生….. :-x  :-x  :-x
相信旁人好難理解ADHD家長面對既壓力,當然孩子就更苦    唯有不斷放開對仔仔既期望,但又要教佢對自己功課負責,所以仍不斷拉鋸 :cry: :cry:

但講到尾,孩子需要我地去教,責無旁貸唯有勞力控制自己情緒,keep好親子關係呢樣都好重要。響呢度有大家互相支持,實在太好!

mabel0809

今天上了一個家長課,是講關於情緒控竹制.點知晚上就差點發火了!個仔又給老師寫手冊了!上課搔擾同學 唉,我想我要改變下,要沉住氣,因為他已經十歲了!當務之急,要保特大家的親子關係.我問佢點解,佢話係自己無控制自己,佢認錯,其實,佢同我解釋,我能平心靜氣和他說教,他是接受的 .......

丸媽媽

BKU 寫道:
...佢媽媽想參加維思的治療，但要比三萬幾蚊做五個月，佢阿爸就唔想，覺得唔係真有用，因為維思用的甚麼腦電波方法無其它人提到，好似得佢地用，唔該大家比Ｄ意見。

我朋友囝囝前年做過呢個治療,佢在"邁步兒童發展中心"做,完成治療後聽佢講,囝囝的確比以前主動及專注左,但佢補充一點,這種治療好講求患者本身意志力,佢囝囝前年做時,該機構是剛引入這套neurofeedback器材,需要找一些小朋友作試驗,所以佢無需負擔高昂費用便接受了這項治療。
不過我問過精神科醫生,佢話呢類治療仍未有足夠臨床數據,長遠會否帶來影響仍是未知之數,聽完之後我都唔係好敢比仔仔試

反而最近留意一項叫"認知"技巧課程,還約了這星期上去聽簡介,看看能否適合囝囝,請問你們有否接觸過這課程? 不過費用都唔平,全套課程分為四級,初/中班各$2300/六堂; 高/深造班各$2600/六堂,即係全套課程共24堂接近一萬大元,真係要清楚了解先決定報唔報

另外還有"健腦操",聽聞都話可以改善專注力,你地試過未呀?

講左咁多,深深感受到自己及大家的無助