你地有無同一個問題? 新手求教!

teapotman

阿仔係文靜怕醜型既男仔, 佢細個幼稚園時,叫佢做咩都做得好好,5歲考左個鋼琴兩級, 6歲拎了一個鋼琴比賽冠軍, 但佢大個左升小一 後,話唔鍾意練琴,唔想學, 個老師又成日話佢以前考琴D野唔記得晒, 成日都好勞氣咁鬧佢,所以佢更唔鍾意學。而且阿仔SIGHT READING唔好,彈琴唔睇譜,一味死力記譜, 拍子感差, 我都知佢唔係學音樂的材料,我都唔想迫佢,始終自己音樂都好差。佢好多時佢鍾意打波,乒乓球,足球同羽毛球等,但將來升中係咪通常要一樣音樂,一樣運動先易搵學校？我又驚佢唔學琴,第日音樂會仲差啲,同埋唔想佢嘥左之前所學,其實自從幼稚園考左兩級之後,我都係想老師同佢KEEP住學,唔想迫佢再考級,但佢話只係想自己亂咁彈,唔想要學D難既歌。....好矛盾, 有無媽咪係過來人？因為始終係第一個仔仔,所以唔識求教。如果只側重佢鍾意既SPORTS,係咪唔係咁好呢？

chymama2

一個人得24小時，點可能樣樣精呢?有一樣鍾意且持續已經好好。如果冇壓力考級，可能阿仔會好開心咁學呢。

Yanamami

哈哈！市徻d講，如果係只為升中，学琴無用吖。

Yanamami

順其自然啦！佢鍾意既野先会学得好嘛！男仔运动好吖！

MrBeast

勉強無幸福，當然學琴有些好處（不是指升中方面），你試下找方法inspire 下佢

irischowys

如果為升中，我寧願停學琴，學管弦樂好過， 揀佢最鍾意的一樣，鼓勵佢幾難都盡量克服。 我fd個女上年升中，音樂体育冇咩特別好，冇考直資，只靠成績入了地區名官中，佢覺得有冇体藝都得。咁樓主要清楚形勢，好似我孑女，均入了一條龍學校，100%升中，体藝唔掂都得，只要成績操行達標便可。那我只集中佢地強項發展，無需為現實妥協。

birdbird

teapotman

原帖由 irischowys 於 14-08-24 發表
如果為升中，我寧願停學琴，學管弦樂好過， 揀佢最鍾意的一樣，鼓勵佢幾難都盡量克服。 我fd個女上年升中， ...

其實阿仔既成績都應該入到同小學有聯系的中學，所以都唔太擔心，只係想兩手準備。佢拍子感差，我覺得佢會學咩樂器都辛苦，但我又唔想佢側重晒體育，所以有些頭痕，見佢鋼琴表現不錯，先唔想佢放棄，再學另一樣樂器又由頭辛苦。。。

momama

學術好，升中冇問題；學術唔好，體藝超好有助升中。但學術唔好，我寧願用時間去幫學術而唔係體藝。

teapotman

原帖由 momama 於 14-08-24 發表
學術好，升中冇問題；學術唔好，體藝超好有助升中。但學術唔好，我寧願用時間去幫學術而唔係體藝。



  ...

都啱既，唔洗佢文又得，武又得咁辛苦
多謝各位，好似突然看開了，無咁驚自己做錯決定

teapotman

原帖由 joanthony 於 14-08-24 發表
本帖最後由 joanthony 於 14-8-24 19:50 編輯

真係唔明, 既然無天份又無興趣, 點解要勉強? 不如發掘下有 ...

其實彈琴雖然common, 但如果佢識彈琴，第日大個佢對其他樂器有興趣時，學其他樂器會易上手啲，所以我先唔想佢半途而廢

茄子

原帖由 teapotman 於 14-08-24 發表
其實彈琴雖然common, 但如果佢識彈琴，第日大個佢對其他樂器有興趣時，學其他樂器會易上手啲，所以我先唔想 ...

係咪之前操得太勁，令佢反感？停下先啦！佢唔肯都冇辦法，又唔駛考試，為咩迫佢？由得佢彈自己鐘意嘅，可能有一日叮一聲自己話要學！冇興趣、唔想學，繼續迫佢學只會嘥錢，同傷和氣，一家人最緊要的是和諧！

Jordan_2006

其實.....小朋友同老師夾唔夾、鐘唔鐘意老師係好有関係（小朋友得六歲），如果你仲想佢學琴既話，轉老師或同老師再溝通下（教學方法）

hadwinboy

原帖由 teapotman 於 14-08-23 發表
阿仔係文靜怕醜型既男仔, 佢細個幼稚園時,叫佢做咩都做得好好,5歲考左個鋼琴兩級, 6歲拎了一個鋼琴比賽冠軍 ...

不喜歡看譜靠記是很多有音感的小朋友的特質。我仔聽音準，但拍子普通，也不喜歡看譜。聽完一首歌(兒歌、流行歌、古典歌)可以自己左右手彈番出來(4、5歲). 考琴distinction 但sight reading 那part 剛剛合格。他也曾表達過不想練琴只想亂咁彈。我解釋了給他，任何事情要苦練才會成功，莫扎特也日彈夜彈。所以暫時我仍半逼半氹個仔學不想浪費了他的天份。你再了解一下你個仔是不想練習還是根本對音樂冇興趣，是兩回事。轉老師也會有幫助，我本人細個時勁憎個老師，要同她作對結果浪費了自己。

hadwinboy

原帖由 hadwinboy 於 14-08-25 發表
不喜歡看譜靠記是很多有音感的小朋友的特質。我仔聽音準，但拍子普通，也不喜歡看譜。聽完一首歌(兒歌、流 ...

再者，捨易取難，人之常情，何況一個6歲小孩。所以我會教他不能隨便話放棄便放棄，也要幫他克服困難，多鼓勵他。

hadwinboy

原帖由 hadwinboy 於 14-08-25 發表
再者，捨易取難，人之常情，何況一個6歲小孩。所以我會教他不能隨便話放棄便放棄，也要幫他克服困難，多鼓 ...

唔好意思，是捨難取易

yfchoy

其實若真的想小朋友繼續彈琴，一定要改正佢對彈琴的概念。小女都有學，但老師一直強調要識睇譜而非記譜。所以老師唔急於要考鋼琴試(我哋亦講過學琴非為考學校)，因為老師話考試要練兩首歌(之前參加一級校際既歌都要練記碼半年)，若只為考試，其他的技巧一定被忽略(如手勢，睇譜，拍字)，與其這樣，寧可一直玩校際直到五級要考樂理才開始(除非覺得佢能額外應付到考試)。因為在最初學琴已以記譜方式去彈，根本很難享受彈琴既樂趣(因唔試譜和拍子，彈的歌只能從記憶彈出)。但十分明白大部份小朋友開始都係記譜，小女都係，現在都不停改正佢既觀念。近期都發現佢完全忘記低音部份音符，所以老師亦多加了時間要佢記番。昨晚，於晚宴餐廳有一鋼琴，小朋友們都去彈，當到小女時，佢忘了練習的琴譜點彈，比着以前既我應該會罵佢竟然唔記得點彈，但想深一層，可能佢已經開始改變學琴既習慣，是睇譜彈而非記譜，若看譜彈得啱即證明佢真係睇譜。咁我都冇再叫佢繼續彈。可能大家會覺得咁咪學唔到嘢，但其實小朋友既記憶唔長，一首歌能記到幾耐？但若有琴譜在手試睇譜就唔驚彈唔到，到真係培養到興趣，佢就自然會去記一些喜歡既歌。