小朋友做每件事情都好慢，點算好呀

cream997

你地小朋友做事快唔快，我個女慢得好緊要，點樣可以令佢改變咁慢既性格。例如，讀字慢，講野慢，寫字慢，加上個人好分心，往往都拖時間拖得比正常小朋友慢一倍，今個暑假放了佢出去學數學，中文，老師話佢慢到嘔，又不時兩頭望，好分心。你地啲小朋友有冇係咁架？ 你地會點樣幫佢呀？

longlokma

原帖由 cream997 於 14-08-11 發表
你地小朋友做事快唔快，我個女慢得好緊要，點樣可以令佢改變咁慢既性格。例如，讀字慢，講野慢，寫字慢，加 ...

或者你可以比佢学棋，可以训練專注力。

kaka1128

我囝做野都超慢, 換衫刷牙洗面+寫字+跟老師指示做野都係好慢好慢佢其實可以快D, 但個人鍾意之之遊遊, 無人push佢既話就有咁慢得咁慢咁做野....
當佢要做野個陣, 就用計時器計時, 最初比多D時間佢做,  佢做到就讚佢,  如寫字, 最初比1分鐘佢寫1個字, 再慢慢減時間, 宜家就30秒寫1個字, 有時都唔駛咁耐都寫到. 做其他野都係, 做到就讚或者獎, 做唔到就扣佢零食, 佢宜家d速度係快左.

MrBeast

Observe 下有冇乜基本野弱，eg, 大小肌等，lei d 比較易train, Otherwise, 時間，耐性，多讚和古勵

cherrieshum

性格使然，沒辦法! 你需要有心理準備，小學多功課，磨擦很大! 終極方法，大打一頓，罰企一小時!

Yanamami

cherrieshum 發表於 14-8-12 07:58
性格使然，沒辦法! 你需要有心理準備，小學多功課，磨擦很大! 終極方法，大打一頓，罰企一小時!



  ...

慢郎中！天生的。打都無用。好傷感情。我大女而家中學啦，會懷恨在心。樓主唯有喺用盡方法改到幾多就幾多，但唔好expect她會邊快囉。

Radiomama

Agree!
天生的，慢活的人腦袋裏想：為什麼要急和快？咁趕做咩呢？
1）減少不必要的細節
2）生活節奏鬆動些
3）小學功課已多，減少家中的誘惑
不過到最後，慢活的人健康些快樂些；急先鋒壓力大易有各類病症。

cream997

我女升小三了，我相信係性格上既問題，令到個人慢半拍，我話佢佢唔鐘意，重會喊，有時我都忍唔住會鬧佢，但鬧完佢又回報慢半拍既性格。捱左小一小二 2年，好似打仗咁，日日催佢。黎緊小三啲中文深好多，本身中文理解已經唔好，又讀得慢，又睇得慢，依家中文又咁深。

專注力不足我女一定有，你地有冇家長會比啲營養補充比小朋友食，可以分享下嗎？   尋日睇左篇報道，話食糖會令到小朋友反應慢，遲鈍，我女又真係成日食糖，所以我打算叫佢介左去。

HaYi

我個 (升P3) 都係, 要佢做就超慢, 佢想玩就好快, 佢係專注力不足, 不是個人慢, 反而是好急但不專心, 對冇興趣的工作形成拖拉,  樓主如果發現不對頭, 早check 下會好D.


我個中文一向比英文差, 呢個暑假我就叫佢加強中文,  睇讀寫都要, 佢由P1不多睇中文書, 到依家可以幾頁睇到百幾頁的小小說, 時間亦快左. 趁上小三仲易追, 大家加油  

食糖是會令有ADHD 的小朋友更興奮, 更不集中, ADHD 的要少食.  
不過同慢不知有冇關.

sososu

我個女都係 :

要佢做就超慢, 佢想玩就好快,

係咪真係專注力不足, 需要睇醫生嗎 ?

Radiomama

回覆 sososu 的帖子


大家冷靜些，不用動不動就睇醫生。想一想，大人都會這樣啦，為了去玩，做家務也可以爽d手!

cream997

嘩好利害，睇到小說呀，依家暑假我日日捉佢睇書，望可以令佢越讀越快，越睇越快，小三開始啲閱讀理解又長又深又多4字詞語，再高年班唔可以再每粒字睇，啲卷咁長。明白要好有恆心先有成效。 中文理解唔好，影響埋數學文字題，個腦唔識轉，好吃力。

cream997

原帖由 Radiomama 於 14-08-12 發表
回覆 sososu 的帖子

我都唔想話要足佢去睇醫生，食藥。學校有話佢專注不足，整體行為上學校冇叫佢要做啲乜，只係上堂分心，就叫下佢，返黎啦。做野慢就催下佢快手啲。有時我會諗佢自己分左心，佢都未必知，好似本能咁，可能佢地都好痛苦。你地有冇比魚油小朋友食，維生素B群 之類既補充品。

HaYi

cream997 發表於 14-8-12 10:12
我都唔想話要足佢去睇醫生，食藥。學校有話佢專注不足，整體行為上學校冇叫佢要做啲乜，只係上堂分心，就叫 ...

如果只是專注力不足, 冇活躍, 學校好少會投訴, 因不會影響他人, 不過拖時間是好影響成績, 我個以前 (K時) 都有長期食魚油, 不過不是太有效.
叫做冇害可以一試, 因人人情況不同, 不要過量就好.

cream997

HaYi 發表於 14-8-12 10:26
如果只是專注力不足, 冇活躍, 學校好少會投訴, 因不會影響他人, 不過拖時間是好影響成績, 我個以前 (K時)  ...

拖時間絕對是影響學業, 善忘, 學左又唔記得, 記性差, 冇心記 !  明白的, 魚油要按分量吃, 吸過多好像會留在肝 !

201102

Radiomama 發表於 14-8-12 08:37
Agree!
天生的，慢活的人腦袋裏想：為什麼要急和快？咁趕做咩呢？
1）減少不必要的細節

Radiomama,

請教何謂 1）減少不必要的細節? 其他幾點都明白.

Thanks!

JJDBB

Set時間完成，因為孩子漸大，必須控制自己的時間(任何事)。雖然話每個小孩子性格各有不同，但每人只有Z4小時，所以必須教其set時間工作，拖住黎做真系冇益。

cream997

JJDBB 發表於 14-8-12 10:52
Set時間完成，因為孩子漸大，必須控制自己的時間(任何事)。雖然話每個小孩子性格各有不同，但每人只有Z4小 ...

有呀, 晚晚都set左時間叫佢做d乜, 長期戰 !

MrBeast

既然硬唔受，試下做一陣玩一陣，一陣=你小孩的usual attention span