仔女畢業後...

靚媽媽

好想聽聽大家意見...

我同老公從來對亞女, 只希望佢健康及開心.
所以, 不會迫佢讀書, 比佢自小讀國際學校,
放假比佢參加興趣班, 參加義工, 探訪...
我好鼓勵佢什麼都參加, 佢好開心. 而且佢從中學到好多野.

我女下年去英國讀書, 佢成績是好, 特別是理科.
理應會考到好既大學. 入到吃香既科目,

佢有同我講過, 佢想做關於社工既工作.
我有D吾開心. 我有同佢講, 興趣同現實是2回事.
你先應以搵錢行先, 放假咪去做義工囉.

佢覺得, 做自己想做的, 才會無悔.

我老公覺得, 佢而家年紀還小, 將來佢會改變選擇的.

比如禁講, 睇報紙見過, 仔女畢業後, 反而去落後國家做義工, 做父母如何接受?

我好想聽下你地意見.

我D親慼朋友, 成日話我比禁多錢果女讀書, 第時點點點回報.
其實我吾使佢養我, 係咪要女第時高回報比我?
不過有時會唸, 做父母都想個女第時既生活質素吾會差過做女.

亮燈

個人意見，如果阿仔既志願係去落後地區做野，而佢會好開心的話，我絕對支持，因為如果我諗住俾咁多錢佢去讀書，而之後冇回報的話，我就跟本唔會生小朋友，我會將D錢攞去投資，因為要回報嘛！我同阿仔講過，如果佢就算鍾意考古或果科在香港跟本會乞米既！我都支持，叫佢放心讀，只要佢有興趣，因為我唔相信世界之大，佢會餓死。

4eyesDad

原帖由 靚媽媽 於 15-12-17 發表
好想聽聽大家意見...

我同老公從來對亞女, 只希望佢健康及開心.

Happiness is one indication of having a good life. It may or may not be directly related to "material wellbeing". When she begins to think money is required to give her happiness, she will do something about it. There is no need to worry now. She is healthy,  intelligent, and has a feeling toward others. Very good. You should be proud of her. After college, Steve Jobs left America for India to seek happiness. He returned home and started his computer business. Now we have Apple, iPhone, iPad, etc. I am sure one day we will see your daughter's face in the cover page of TIME magazine.

Hongchu

放心比佢做佢想做嘅嘢，你同佢都唔會後悔。我妹細我十幾年，我父母對佢無期望，佢響無壓力下成長，結果佢攞住獎學金讀名牌大學，仲要讀d超冷門科，但又比佢搵到工。我見到佢每日都好開心又可以做自己興趣嘅工，父母都無替佢擔心過。

靚媽媽

感謝你們的回覆.

我們真的要尊重及鼓勵小朋友, 作為父母有些時候會有迷失,
多得各位既正能量及意見.

靚媽媽

亮燈 發表於 15-12-17 16:33
個人意見，如果阿仔既志願係去落後地區做野，而佢會好開心的話，我絕對支持，因為如果我諗住俾咁多錢佢去讀 ...

亮兄,

你說得對, 世界之大, 總有容納佢既地方.

靚媽媽

4eyesDad 發表於 15-12-17 17:57
Happiness is one indication of having a good life. It may or may not be directly related to "materia ...

真的, 小朋友真是我們的驕傲 :)

你說得對, 如果佢認為需要錢, 佢自己會去搵錢, 何需為佢地擔心呢..

謝謝!!

holemone

我老公係英國大學音樂系畢業，依家職業係半個IT人. 人生有好多事unpredictable, 你不用太早擔心。

Asiaway

回覆 亮燈 的帖子

亮兄，你看得很通，你很有大智慧。

noel2010

朋友個仔初中已去英國讀書，大學畢業，今年三十多歲人，去不同國家做農夫義工，父母擔心。但至少比人優勝的，享受玩完體驗完，仍可回歸家族生意。

樓主個囡是女兒，財富壓力不會太大，而且社工是正妥職業，開心充實已不錯了。

亮燈

原帖由 靚媽媽 於 15-12-17 發表
亮兄,

你說得對, 世界之大, 總有容納佢既地方.

謝謝！孩子會有自己既想法，我地為人父母要做既！就係鼓勵與支持，咁就足夠。

亮燈

原帖由 Asiaway 於 15-12-17 發表
回覆 亮燈 的帖子

亮兄，你看得很通，你很有大智慧。

過獎喇！我亂講而已，因我對佢地既要求唔大，我自己讀書唔成，只讀完中文中學既中三，我又可以對佢地有乜高要求呢？所以我只能夠咁諗：佢地肯讀就算喇！鍾意讀乜就讀乜啦！

猪猪侠

我大學畢业后做了幾年義工，给自己时间空间看看將來想做什麼。得益不了，亦令我体会到低收入家庭的苦况和旡助。今天我管400多人，當年義工的經驗大大帮助我體恤员工的日常困難。很有用。A person with empathy makes a good manager. Time to let go, let your children do their things.  They are more intune with their surroundings than you are.

kkddmom

朋友是社工科畢業，之後做社工。她是在office見case，她所接觸的事令她覺得自己非常幸運幸福。之後，她結婚生仔，現在係大學教書。

Ruby1219

原帖由 靚媽媽 於 15-12-17 發表
好想聽聽大家意見...

我同老公從來對亞女, 只希望佢健康及開心.

其實你個女個case 好ideal to me. 聰明丶快樂丶又有愛心，做父母夫復何求？從來我覺得幸福快樂吾係用＄衡量，當然有好多人，尤其香港人覺得無＄無運行，有＄=幸福，我同意＄有佢嘅作用，但只係工具，識得利用金錢帶比自己同其他人快樂係好事，但吾好反而比佢成為我地嘅枷鎖。更何況你個女做社工都會有收入，只不過吾會大富大貴，但心中富有丶滿足，我覺得佢嘅人生比有＄人更美滿！

我個仔都好聰明（成績好）丶好快樂，但佢好自我中心（可能加上係獨仔），我有時吾開心佢冇同理心，吾識關心人，所以好羨慕你個女咁有愛心。但好似我老公咁講，人無完人，我地做父母亦吾可以將太多主觀價值同願望加響仔女身上。只要佢地開心丶正直、吾做壞事吾傷害其他人，於願足矣。

亮燈

原帖由 Ruby1219 於 15-12-18 發表
其實你個女個case 好ideal to me. 聰明丶快樂丶又有愛心，做父母夫復何求？從來我覺得幸福快樂吾係用＄衡量 ...

好有道理，正是我心中所想。孩子會自己安排，我地放手就得。

靚媽媽

Ruby1219 發表於 15-12-18 10:35
其實你個女個case 好ideal to me. 聰明丶快樂丶又有愛心，做父母夫復何求？從來我覺得幸福快樂吾係用＄衡量 ...

的確如此.

我女自細已好懂事, 做義工令佢明白自己好幸運.
佢好正面, 好有同理心, 好快樂.
佢因為做義工, 佢學埋手語.
因我女好投入參加, 機構有時有 TEAM BUILDING 或者領袖技巧/加強自信心/認識自己
既免費COURSE 比佢. 佢都會去, 次次都說好開心.

我都覺得好幸運有呢個女. 講樣題外話, 我女當年早左2星期出世, 當日正是母親節啊 :)
我想通了, 就是放手讓她高飛, 想起小時候既自己, 父母無管自己, 今天都有少少成就.

而家最重要, 我唸我要做既係, 照顧好自己, 健健康康, 不用要佢擔心照顧我就是了 :)

多謝各位開解及意見. 希望我們既小朋友都健康快樂, 找到自己既目標, 他們開心我們就開心了.

simonlawht2

靚媽媽 發表於 15-12-17 16:05
好想聽聽大家意見...

我同老公從來對亞女, 只希望佢健康及開心.

我感受到妳的憂慮, 事情不是妳想像中的差, 如妳女兒決定修讀社工課程, 請參考以下建議:

1)  報讀英國大學社工課程可以參考以下排名:

http://www.theguardian.com/education/ng-interactive/2014/jun/03/university-guide-2015-league-table-for-social-work

2)  當妳女兒找到心儀院校後, 查一下以下網頁, 看看在該大學畢業後能否在香港社會工作者註冊局註冊才報讀:  

https://www.swrb.org.hk/chiasp/UK1.asp

https://www.swrb.org.hk/chiasp/UK_choice.asp

3)  如果她畢業後準備回港, 可再修讀一些Counselling輔導學課程, 舉例:

http://apss.polyu.edu.hk/teaching/taught-postgraduate/master-arts-guidance-counselling

畢業後可找相關的工作, 當她有若干年工作經驗, 再成為香港專業輔導協會會員, 可以考慮自行開設心理輔導服務公司。

香港專業輔導協會網頁:

http://www.hkpca.org.hk/

4)  如果她準備留在英國工作, 成為英國居民, 她可以考慮成為Approval Mental Health Professional, 或到美國繼續修讀社工碩士, 再拿兩年跟精神及心理治療相關工作經驗, 而且成為Licensed Clinical Social Worker (LCSW), 便可以到醫院精神科工作(主要是要跟精神科醫生一起合作), 或自己執業開Clinic, 在美國, LCSW可以收病人保險, 看一次LCSW 費用由美金一百元至三百元一次不等, 主要是替病人做精神或心理評估, 心理治療等。

https://en.wikipedia.org/wiki/Approved_mental_health_professional

https://en.wikipedia.org/wiki/Clinical_social_work

5)  如果她對數學及統計有興趣, 她可以去美國修讀社工博士, 將來做研究工作、在大學當講師或教授、或是當一個Program Evaluation Consultant (方案評估顧問), 舉例個簡單例子: 政府給了一筆錢給某非牟利機構, 如政府想知道這筆錢在這機構是否真的幫到有需要的人、效果如何,  通常政府會找這些顧問去評估, 之後政府再決定是否繼續再增加或減少資助, 甚至是不再提供錢給某機構。從事這類工作必需要有很強的統計背景。

可以看一看以下美國其中一間公司例子:

http://www.hanssenconsulting.com/index.html

http://www.hanssenconsulting.com/services.html

我可以告訴妳這類Consultant 公司收費很貴, 有些公司收費比律師樓收費更可觀。

6)  或者她可在未來修讀一個MBA, 在非牟利機構當管理層, 我知道在美國很人缺乏這類人才, 不知道英國和香港是否一樣缺乏。

7)  也許她像妳的丈夫講的, 未來有任何改變, 她在英國修讀社工必需要有210小時實習, 如實習後跟她所想的有出入, 也許她跟妳講要轉系也不一定。

希望這些資料可以幫到妳。

靚媽媽

原帖由 simonlawht2 於 15-12-22 發表
本帖最後由 simonlawht2 於 15-12-22 10:07 編輯

好多謝你意見，感激你花這麼多時間給我資料。

我在香港長大讀書，未曾有機會出國讀書。
所以對亞女升學前途好似愛莫能助。
我對於讀書比吾到太多意見個女，幸運的我今天見到你給意見，我會比亞女參考。

ANChan59

入到高中，大學，好多野我地已經管唔到 .... 更何況畢業之後 .....


我只有一個簡單要求 .... 任何事，知會一聲，保持聯絡！