有無人做過"韋氏學前幼兒智力測驗 "?

xmasboyleo

仔仔4.5歲，屬細仔(late December)，九月apply P.1，成績方面跟得上，所以想check 下IQ用來俾P.1校長知佢掂！

問過"全人"，但被拒，reason: 太細！
再check "越己堂"，發現有"韋氏學前幼兒智力測驗 "，想問
各位comments！有無香港norm？同正式韋氏智力測驗 的準確率相差多少？會唔會今年做完pre-school 嗰個，一、兩年後做正式嗰個，result 會相差很遠？

有無其他test for this age group?

Thank you!

abc媽咪

越己堂好似最近先有PRE-Schooler 的IQ TEST, 我五月打去問佢都無五歲以下的韋氏.

xmasboyleo

Any comments? Is it worth to take such a test?

abc媽咪 寫道:
越己堂好似最近先有PRE-Schooler 的IQ TEST, 我五月打去問佢都無五歲以下的韋氏.

abc媽咪

我聽周婉芬博士在電台說做咗TEST方便決定子女是否適合讀傳統學校. 另外在一個TALK 同謝清美傾過, 只是想人有我有的去做下. 無咁Scientific 比較佢用個Norm 和HK的Norm的分別.  不過剛從其他討論區看到做第二次就唔準, 你想清楚先!

睡覺

在我自己的case來看，我覺得六七歲以下的孩子的發展真的很不穩定。評估出來的結果亦不會太準確。

我自己以及聽不少家長講，幼兒的發展時快時慢。有時會有一個階段突然學習能力好快，跟住又會慢返。有時當佢發展某些智能時，別的能力可能又會退步左d......
我個仔在兩歲半左右時拼圖拼到六七十塊，但三歲打後卻突然差左好多，連四十五塊都拼得好慢(不過唔知是否因為佢ge深度遠視..)，但數學就突然發展得好快。

八個多月前政府cp份報告話阿仔需要 "build-up佢ge visuo-motor coordination skills and imaginative power.(creative story-telling games)"
只是，我做阿媽的知道他在這兩方面的能力並不如cp所觀察/評估 到的。

阿仔在十個月前做的另一份report就證實左我的想法，在一個"developmental test of visual perception"的評估中，阿仔 visual-motor integration 的總商數取得147分，而那個評估的ceiling point是150分(到10歲止)。當時這份report未出，cp話如果出左俾佢睇，等佢睇下係唔係阿仔在唔同環境或狀態下會有不同結果。(但加下我都未俾返佢睇)

至於想像能力，阿仔在最近突然開始自發性咁寫故事書，已經寫左幾頁紙，唔識寫的字會問我，以一個五歲孩子來說，真的算寫得頭頭是道(其實4號仔的想像力最豐富了)。


另外我係圖書館看過一本香港出版的書(好久前，唔記得左)，講及現今的孩子是否真的俾以前的天生聰明左好多？其實它說iq商數係高左，但並不代表真的天生聰明左。

其實現今幼兒教育較以前豐富左，智能玩具等也層出不窮。咁，如果仍用以前原用的智能測驗模式或相關題目，套用在現在視覺及資訊發達和物質豐富的社會中，可能其實已經有點落伍吧？

記得阿仔三歲多時健康院轉介佢去政府做評估。評估時，我完全在場，當時的評估問題，阿仔幾乎全部識答....結果評估出來可達五歲半智能。dr仲話可能低估左添
(因為阿仔當時唔係太合作，而且太完美主義的，要將一個密密麻麻的齒輪，硬要放好在每一個"角"裡頭，但那個拼合係好鬆，放arm形狀就ok，但佢死都要放得正正，搞左好耐(但個dr.只顧低頭不停計分、望住個計分鐘，望都無望佢拼的過程，知道阿仔ok了，才抬返起過頭...)，這個環節係要計時間俾分的)。

咁之後，佢話有點訝異阿仔無乜返學 (佢k1只返了兩個多月，因生病一直停學。)，都有咁ge成績....
咁，我當時好奇怪，原來智能測驗同有無讀幼稚園都有關？？咁，我當時心想，這樣子似乎又沒有太大意義吧？咁咪唔可以看得出真正實力嗎？
仲有，當時其中一part係考佢寫字，大小楷a-z，我好疑惑這個也當作智能？係，阿仔把全部寫哂出黎，仲寫得好靚，但係我當時諗，咁，如果人家父母，即使孩子可能也有咁ge能力，但係，因為三歲前未俾佢地執筆，咁，評估li樣野時，佢小朋友當然唔識寫，咁，點可以話佢智能差過我阿仔？

就好似我先前copy過在這區的一篇資料咁，以同一批一樣智商的幼兒做實驗(li批全都得100以下)，從當中抽一部分的孩子給予豐富的學習環境和營養。另一批照常無分別。咁，一段時間後出來的結果是﹕那些給予學習機會和營養的孩子的iq分數較無好條件的孩子高出二三十分以上。

咁，之後又將那批學生打回原形，停止左好的學習機會和好的營養。咁，過一段時間再check，佢地的iq分數明顯咋咋林下降了好多，比較接近返和筅前果批生活在條件差的孩子。(所以，如果你評估左小朋友iq超過130，之後大d又覺得佢無乜特別，咁，千祈唔好check第二次...)

咁這說明iq分數代表什麼呢？不論資優與否，iq分數是可藉由後天而增加分數的。資優iq可以好高，但iq並不等同資優。

好多資優書藉都有提過，只要是對資優方面的資料比較有認知的父母，又是一直有留意開他們小朋友發展的，其實他們才是最最最能認出孩子是否資優的人。且說他們的判斷通常都很準確。

其實我沒有給阿仔做任何評估，我也可以頗清楚知道阿仔的強弱項。
例如﹕佢強於數學、圍棋、音樂、語文能力(限於理解和寫作)、閱讀速度。
弱的地方﹕語言表達(用嘴巴表達)、情緒控制和情緒表達方式、社交能力、對佢來說"無意義"的短期記憶、美勞繪畫(但卻有創造力方面的繪畫能力)。

咁，以上的都不是cp和dr可以給我詳細報告得到。dr仲話佢只係見到佢好少時間，睇唔到佢的情緒和社交等問題。阿仔又係雙面人添.....

我覺得自己小朋友適合活動或傳統教學，，即使沒有做評估，做阿媽的都略知八九了。
阿仔的發展而加仍很不穩定。
如果以我個人的睇法，如果真係想去做評估，咁，八九歲就比較穩定一點了。

以上純屬個人意見。如有異見，請見諒﹗

睡覺

我還想講一個例子。
有一個小朋友，斷續加埋學了四個月圍棋停左。
過了幾個月，媽媽帶佢再去另一間報讀圍棋課程。

可是，媽媽雖然知道兒子圍棋很不錯，但實際程度應該報讀那一個級數別卻不知道。結果，當然是要接受中心的圍棋評估測試來決定。只是，筆試出來的結果，係小朋友要繼續入門班以後的第一個課程的後半部。

咁，媽媽心想，打好基礎也是好。(但個心總是覺得那個評估跟自己兒子的能力有出入，只是測唔出黎)

怎料，孩子上課後發覺課程太淺，根本距離他的能力好遠，上了一節課便要求跳班，跳左一次都唔得，上了又一課後，又要跳多期(當然，實質他有能力可以再跳上多一期)....期間，小朋友在外面公開賽仲取埋分別係名次獎及冠軍獎.....老師、年長一點的小朋友、其它家長們都對於他只學了不足二十課而年紀小小有此棋力都有點驚訝.....

究竟點解那個評估同小朋友的真實能力相差咁遠呢？

咁，你話啦﹗是否一次評估，你就"認定"了你孩子的能力呢？如果評估出來不如理想，是否就放棄好好栽培呢？
或許，只要你知道孩子的興趣所在，就順著他的愛好 (通常他們的天份就係果度) 給他發展，不論他是資優與否，不論他的iq分數如何......。

xmasboyleo

abc 媽咪 & 睡覺 ：
Thanks!

kerobobo

睡覺:
hihi!嘩,妳個仔5歲就識寫故事真係好勁喎,仲識咁多字tim,我個仔都係5歲,淨係識用圖畫來表達故事;我想請問妳講妳個仔做的測驗係咪經健康院轉介,去健康院申請就得?我都有d興趣做下,我估冇壞卦,我覺得個仔記性幾好,2,年前發生過一陣的事佢無端端提記,我會覺得mug佢咁都記得?
妳都會明白做父母都會想了解個小朋友多d,我都同意妳講自己本身係會最了解個小朋友,所以無論個測試結果係點,做父母都會知道個答案準唔準.又或者想d"專家"認同自己個睇法.
盼回覆,謝謝!
kerobobo

cat168128

我都覺得係
一次唔代表一世
小朋友既嘢要慢慢發掘架
個個都想自己小朋友係天才架
但你越想佢越大壓力
可以適得其反添

睡覺

kerobobo,
         我想，如果你只是想評估一下小朋友，大概要找協康、小童群益會....(以我兩年前所知，好似明愛都有，不過，如果係有特殊問題的先至唔駛俾幾千銀，如果無緣無故做的就要俾幾千元喇)

            我阿仔當時唔係因為想做評估而去做的。主要是他當時人仔細細就成日同我地唱反調，我仲以為佢有好像人地所講ge Oppositional Defiant Disorder；又情緒極端﹕不是過於興奮，就是過於激動，對於好多"刺激"物反應強烈。

社交上亦有問題。仲有人懷疑佢自閉，因為佢唔鍾意或怕羞時會唔睬人、唔望人。(當然佢班主任唔認為佢自閉，只覺得佢自我中心、自負、慢熱罷了。)

又成日係屋企不停哼唱，邊哼邊跳，錄影機拍住佢超過半小時個口同個身體都無停過，令人煩擾(後來想可能係佢對音樂和律動的喜好有關吧？)；此外，佢當時仲有中度發音障礙，好多音都發錯左，需要糾正；

以上種種，健康院最初睇佢"臨床表現" 時都無覺得他有如我們所說的問題(只是見左佢一陣間)，不過就認同佢是個非常自我的三歲兒。但因佢發音有問題，加上我地兩夫婦講到俾阿仔搞到好似好沮喪咁，於是就轉介喇。
咁同政府評估中心面試時，阿仔又唔睬姑娘，只係護士室不停周圍望，叫佢畫畫唔畫，只係指著部電腦好有興趣咁問li問路。於是，大概護士以為他有機會有自閉傾向.....吧？

所以，見完護士個多月便可以做種種評估喇。包括認知(智齡)、語言等評估，還要見職業治療師等。

如果你的小朋友沒有什麼令你煩擾的事，在學校又無問題，我想政府智能評估中心也不會替小朋友做任何評估的。即使做那個韋氏，他們也死不會告知你確實分數的。
其它政府機構我就不清楚了。

希望以上..回覆令你滿意。 :

另我想講，前幾天有位曾做特殊教育的老師同我講，佢話而加好多小朋友做那個韋氏都超過130，如她女兒做也一定很高分。佢話見過一個超過130的孩子，覺得他其實只是好一般。.....因此，只要你覺得孩子強項在那裡，又無任何讀寫或嚴重情緒障礙，那麼，除非好有錢(做下評估也無妨)，否則，只要順著他的強項和興趣發展，必定事半功倍，又唔駛勞氣，雙方都一樂也。(即孩子和父母)

有無睇千禧bb？小朋友不停打電腦遊戲機，個人在某些反應和觀察上都可以突出過人架﹗(但需要思考能力方面的東西可能變得....)但以前的小朋友呢？根本就沒有這方面的"訓練"啊﹗不過，咁玩法後遺症就無人得知。正如現今社會的孩子所接受的種種"教育模式"，將來孩子及社會有乜後遺症真係無人得知﹗

kerobobo 寫道:
睡覺:
hihi!嘩,妳個仔5歲就識寫故事真係好勁喎,仲識咁多字tim,我個仔都係5歲,淨係識用圖畫來表達故事;我想請問妳講妳個仔做的測驗係咪經健康院轉介,去健康院申請就得?我都有d興趣做下,我估冇壞卦,我覺得個仔記性幾好,2,年前發生過一陣的事佢無端端提記,我會覺得mug佢咁都記得?
妳都會明白做父母都會想了解個小朋友多d,我都同意妳講自己本身係會最了解個小朋友,所以無論個測試結果係點,做父母都會知道個答案準唔準.又或者想d"專家"認同自己個睇法.
盼回覆,謝謝!
kerobobo

kerobobo

睡覺:
謝謝回覆!
其實我只係八卦下,以為唔駛錢測下都無妨,出便要成幾千銀個d我踩佢都傻.
咁,最後結果其實妳個小朋友係咪資優兒童?會唔會好難教?
仲有妳知唔知成日睇電視個d係咪會唔會遲鈍d ga?
kerobobo

睡覺

kerobobo..
         最後結果..hehe....就係無結果....
         
不過，我知道ge係，佢ge一切智慧都係上帝賜俾佢，所以，佢係上帝賜俾我的一份gift....不過，要睇我會唔會好好咁把li份禮物適當咁逐d逐d拆出來，又是否能好好珍惜，好好保養.........

            講真，li份禮物真係好重......真係好重......棒在手上都好辛苦......我經常都感到自己承受不了這份大禮物架... :cry:  :cry:

成日睇電視係唔係會遲鈍d？我....我....我.....唔知也﹗不過bb仔真係唔好睇咁多。
我阿仔而加大都只係睇佢最心愛ge 多啦a夢卡通。
其它的都係睇我睇的，但不是很著迷，通常望幾眼，遇到有不適宜兒童觀看的情節我會叫佢個頭拎轉.......有時看見特別的新聞佢都會睇下。其實適當的睇電視都會學到不少野。例如常識、時事等。不過，亦會學壞....佢最近成日講豈有此理、扯~~~~等，都係睇亞視的"喜有此理"學返黎...

但佢唔係電視迷，佢平時最多做ge野係睇叮噹漫畫同埋圍棋書、下圍棋 (自己左手同右手下、上網同人對局等)，這就是最近兩個多月平時最常消遣的東西。

kerobobo

睡覺:
妳個仔係活躍左同怕羞左D"者",仲咩講到咁辛苦咁呀,妳都識話佢係個天賜比妳GE GIFT,妳真係要好好珍惜呀,有D人想要,個天都唔比佢呀.
有好多小朋友重多問題,不只心理,可能生理,父母都會不計勞苦去照顧佢地,無條件咁付出,只有"愛"先有咁大動力 ,妳要記住:係"愛"呀!
KEROBOBO

睡覺

佢....佢....佢鬧我係癲婆....
      
我想唔癲都難﹗

kerobobo

無端端做咩會話妳,梗有原因ga播

睡覺

因為我係癲婆囉...

kerobobo 寫道:
無端端做咩會話妳,梗有原因ga播

睡覺

其實我舉"癲婆"這個只是眾多例子中的微小的一個而已。

除左而加ge鋼琴老師，個個都買佢怕.........
連班主任都忌佢三分....(話佢唔可以以一般小朋友的方式教導...)

特殊教育老師觀察左佢幾次，
評語係，佢好叻，但卻係一個唔鍾意接受別人指揮的孩子...自尊心好重.....

所以，只要你話佢一句，即使係好聲好氣，
例如你說﹕阿仔，你條褲反轉左呀﹗
佢會話﹕ 你至反轉，反咩呀反......
(我係度諗，就由得佢反轉好了....，只是有很多事情，不是給他如此"結果自負"的教訓 便行。
其實日常好多好小事，好多細節都唔話得佢，幾乎係所有...

佢把口真係....
又例如﹕我同鄰居講野，話﹕「呀，我想去邊度買乜水果....」
佢明明係度同小朋友玩緊圍棋，都可以加把口話﹕「買咩呀買﹗買黎做乜呀？」    又關佢事？？仲講到好串咁ge態度...人家鄰居都俾佢突然如來的挑釁，搞到突哂雙眼出黎喇....

就剛才之嘛，佢係客廳寫緊佢本"大作"，走入黎問我﹕「同」字點寫？

我話邊個「同」字呀？

hey...(好唔耐煩的態度)，同咪同囉﹗

我叫他講兩個字來聽下先啦﹗
佢又好唔耐煩，最終先講話﹕同你玩個同囉﹗
請求人都咁大大聲無禮貌....

我一早知道，每次佢問我野，我唔明時都要睇佢面色和脾氣... :cry:  :cry: 所以佢一走黎問我野，我個心就卜通卜通咁跳....預左又要受佢氣，好可憐架....(佢bb開始已經好唔受教架喇，已經忍左佢五年....)

一個小朋友，一定經常會做錯野和唔識好多野，咁，父母和師長一定會給他指正、糾正或教導，但係佢自尊重度咁唔受教，覺得被指正係天跌落黎咁嚴重，咁痛苦，咁，叫我點教？

每次準備要糾正佢一些錯誤的東西時，我都要先準備好佢可惡的反應。......

試過用bb保你大的教導方式糾正佢的無禮，但係，真係搞到我地元氣盡傷.....
佢好多好多日常小事都係咁，真係好煩...因為最終個根源仍是自尊心超級強勁之故也.......     

現在只好慢慢"潛移默化"，讓他經歷多一點，讓他慢慢適應下來吧﹗好辛苦....

kerobobo

不如睇下心理醫生,佢好似有D鍾意同鬥氣及對周圍既人好不滿咁,或者趁佢開心心情好個陣,同佢傾下,做咩成日咁同媽咪講野,而家細個咁樣,大個左點同人地相處呀?

睡覺

kerobobo..
        謝謝你關心呀，

其實佢暫時仲未有心理上的問題(遲d唔敢包)，只是天生比較敏感而已，我而加已準備訂以下li本好適合ge書喇，希望可以得到多點啟示吧﹗
1. http://www.ylib.com/Search/Showbook.asp?BookNo=A3204

2. http://www.ylib.com/search/pre_show.asp?BookNo=A3204

kerobobo 寫道:
不如睇下心理醫生,佢好似有D鍾意同鬥氣及對周圍既人好不滿咁,或者趁佢開心心情好個陣,同佢傾下,做咩成日咁同媽咪講野,而家細個咁樣,大個左點同人地相處呀?

kerobobo

咦咦!呢本好野黎ga播,真係好適合妳,遲d妳睇完之後,有咩教仔好心得,記著上來bk同我地分享呀,我預祝妳萬事勝意!心想事成!!!