能給我寶貴意見嗎 - 校車車程太長

M.E.T.

各位家長,

有沒有發覺你的囝囝囡囡乘校車時車程太長??

以我囡囡為例: 我住黃大仙區的, 早上要7:00 上車, 下車時已經要17:30. 頭尾要三個鐘車程, 是否太長呢?

6號車- 紅磡, 土瓜灣線都是早上7:30上車, 點解我要咁早上車呢?原因是該校巴走完市區後, 還要再去寶琳-"頤心園"接一位學生, 點解唔用將軍澳區內校車接那位學生呢? 校方己和校車公司開了幾次會, 我又和校方討論過幾次, 但只回覆: 佢地無權干涉校巴路線, 唉........ 盧校長在簡介會講過: 他要求校車的車程要在一小時內到達. 結果......只得上述答案

想問問大家有甚麼寶貴意見給我可和校方 / 校巴商討呢?

M.E.T.

freddielau

原帖由 M.E.T. 於 08-9-16 09:01 PM 發表
各位家長,

有沒有發覺你的囝囝囡囡乘校車時車程太長??

以我囡囡為例: 我住黃大仙區的, 早上要7:00 上車, 下車時已經要17:30. 頭尾要三個鐘車程, 是否太長呢?

6號車- 紅磡, 土瓜灣線都是早上7:30上車, 點解我要 ...

It's really a big headache

mumwong

我仔仔校車車程(沙田)亦好長早上7:05上車，最早8:30 or 8:35 先到學校 (共1.5 hours)，而且每曰都遲到。計埋由校車站到屋企車程，日曰最少用上超過3.5 hours。中秋過後再要提早10分鐘上車 。小朋友放學後做功課，食飯，對功課就要趕上床。平曰想要親子時間真的很困難。
我係家長會亦聽到校長承諾校車1小時內返到學校，但似乎唔對現。我本人覺得校車路程需要改善，我打算寫信直接向校長反映，如果學校無權過問校車路線，究竟邊個可以過問？

PaPa

我知道有些家長既做法係集合幾個同校（不需同班或同級）學生一起搭TAXI﹐你們每天一起等車時可以跟其它同校家長相討﹐每日由其中一位家長或傭人與四名小朋友一齊搭TAXI返學﹐車程一定短﹐但放學回程就要親自接啦！

CheukWang媽咪

Mumwong,

我們家往沙田，與妳有同一問題，請問妳是哪站？
今天家人在校門等待，時間是8:35am，還可以接納。我問兒子車路是如何？他形容像身體隨著車路搖晃(西貢公路)，彎多路不平坦，幸好司機叔叔也小心奕奕行走。      
有否發現播道書院內之會議記錄內提及4號車是由馬鞍山出發，不是沙田呀？ 無論如何，首要安全，其次我們盼望有改善空間。  

原帖由 mumwong 於 08-9-16 22:48 發表
我仔仔校車車程(沙田)亦好長早上7:05上車，最早8:30 or 8:35 先到學校 (共1.5 hours)，而且每曰都遲到。計埋由校車站到屋企車程，日曰最少用上超過3.5 hours。中秋過後再要提早10分鐘上車 。小朋友放學後做功課，食 ...

yinbb

我囝囝搭5號車, 由畢架山出發, 到慈雲山上車係7:23, 唔知幾點返到學校, 應該冇遲到. 回程5:05. (因為要等到4:10先上車)
我之前响佢地特定既位置上車 (填form曾要求响屋企落下上車, 唔批准)要步行5分鐘, 仲要7:15上車, 用多左時間, 過左幾日後, 我老公揸車跟蹤校車行走路綫, 發現佢地响我屋企樓下經過, 我即刻打比保母問有冇得改, 佢話唔到事, 改唔到. 第二日我直接問司機, 可唔可以轉上車點. 司機話ok冇問題. 我覺話事權响司機到, 你地可以試下問, 睇下幫唔幫到件事囉.

PaPa

我諗佢係想集中小朋友一起上車﹐如果增加上車點﹐只會另到車程更耐。

tintiny

在車費方面, 我都略嫌貴左d, 我在坑口上車要$400.  有朋友在坑口去寶琳只需$270.
同是一個地鐵站的距離, 但車費就爭咁遠?真想反映下, 有冇下調空間!
有個二年級家長朋友,都有同樣的意見呀

bignose

yinbb & MET
我係怡心園上車(#5)
總共有5位小朋友
8點準時一定到我地度
一定唔會遲到

yinbb

咁你小朋友咪同我一架車?但係我問車公司時佢話kln bay 係最後一個站. 你個保母係咪麗姨?

原帖由 bignose 於 08-9-17 12:11 發表
yinbb & MET
我係怡心園上車(#5)
總共有5位小朋友
8點準時一定到我地度
一定唔會遲到

freddielau

Perhaps you may try to contact our PTA members and seek for help.

bignose

yinbb
係麗姨呀

Y.S.L.

Freddielau,
我試過想找PTA想問些問題, 校方叫我留電話, 但so far沒有回覆, 我諗幫唔到MET.

Bignose,

MET個問題是唔係擔心會不會遲到, 而係點解區內的人要區外的校車去接埋佢地呢? 攪到佢地(區內的學生)要咁早起身上車, 咁遲下車呀. 區內真的沒有空位接載你們嗎?

有沒有聽聞這間校車公司上年被真道書院BLACK LIST 左?? 所以今年改左公司名

M.E.T.

Thanks YSL

mumwong,
你覺得去信有效嗎? 佢地每個星期五(話)會開會, 校長都是坐上客, 但都沒有能力要求校巴公司公開所有路線圖(它說給不到就作罷), 我問左校方三個星期但都是說: 他們會跟進. 唉.......... 如果你去信真的有效, 記得通知我喎, 我地幾位家長還想去報館添.

我今天收到一位家長來電說: 再一次要求Erica Liu在5號校車幾時可以完成安裝安全帶的事宜(架車本身係無的, 唔知5號車的家長知道嗎??), 她只說了一句: 唔得閒去裝, 而且又說運輸署都沒有明文規定一定要裝安全帶, 你咪唔好搭囉. 那位家長今朝還親自見校長添, 佢只說: 我明白, 你同黃小姐講啦. 我開會時會討論, 唉.....意見接受, 但態度照舊呢.  

Freddielau
我都有求聯絡PTA, 叫我留下電話, 之後都是石沉大海了.

yinbb,
去完九龍灣, 還要去觀塘先再去怡心園回學校呀

唔通我地5號車家長要黙黙接受?  

我都唔敢想下年要幾點起身, 幾點才回到家了.

M.E.T.

bignose

YSL
有冇區內校車接我們,
我想這不是我能處理及控制,
也不是我要求由5號校車接送的,
只是yinbb有提及怕會遲到,
so我答返冇.

要坐1.5小時校車確係好耐
而且我見校車都幾迫
3個小朋友迫埋2個位
似乎這間校車的安排真係唔太妥善

[ 本帖最後由 bignose 於 08-9-17 23:04 編輯 ]

mumwong

M.E.T
寫信去可能無用但總好過唔出聲，想校長及大家知道校車路線及時間有幾好。校車問題並唔係今年先有，係學校開校以來一直沒辦法解決。有家長話今年校車同去年校車同一個老細，只係改名，聯絡人同上年一樣。好似D酒樓一樣開完一間收檔後再開。
睇完大家所寫有懷疑PTA是否有用  。有問題最好家長自行解决。校車有問題，家長最好放棄搭校車，最好係搬屋，最好係自己或工人接送返學，最好自組白牌或taxi車..........

心心

我入黎講句中間話, 其實入學前都已經有需要了解學校校車安排, 我以前住沙田帝堡城跟本無校車接, 唯有搬屋, 有朋友住果度唔想搬就真係唯有放棄了學位, 相信學校都盡可能同校車公司反影, 最終路線都是校車公司決定, 都唔可以懷疑校長辦事不力, 以前幼稚園返九龍塘架車都好可怕, 3個BB坐2個位(無安全帶), 最終學校話跟足政府法例我地都無聲出, 不滿意者唯有改搭其他車或搵人接送, 最後無驚無險又坐足1年, 我好明白家長們的CONCERN, 不過我個人覺得最終可以做既都是反影比學校反影比校車公司, 再唔係就真係家長另行安排了...

[ 本帖最後由 心心 於 08-9-17 23:34 編輯 ]

CheukWang媽咪

播道書院是一間好學校，從千人當中考取學位，家長是不會輕易放棄，從放棄沙田津校表格開始，我知道車程不少於一小時，我們又沒有能力搬入將軍澳，又不能自已帶他返學，這問題令我們十分擔心，唯有增取校車服務，與負責人講解我們的困難，幸好司機和負責人也願意接送。其實我們反影意見，是希望改善服務。
(我的妄想！)盼望明年有多點學生住沙田或馬鞍山，這樣可不經西貢，直接回校。           

原帖由 心心 於 08-9-17 23:32 發表
我入黎講句中間話, 其實入學前都已經有需要了解學校校車安排, 我以前住沙田帝堡城跟本無校車接, 唯有搬屋, 有朋友住果度唔想搬就真係唯有放棄了學位, 相信學校都盡可能同校車公司反影, 最終路線都是校車公司決定, 都 ...

mandy907

各位家長你好！

我是住在馬鞍山的！我個女時常都向我反應，坐完校車個肚就不太舒服，我相信因西沙公路彎多！所以囡囡很期望我每個星期四接她放學後跳舞，因是我自已駕車！

但我也無可能每天送她，因油費真的很貴！所以明白校車的難處！

我也希望校車可以早日安排行隧道！

yinbb

原來大家係同車, 但係佢地真係好唔老實, 又話kln bay 係尾站, 唔怪得我同老公跟唔到佢尾啦, 咁兜發.

不過8點去到怡心園, 都算快.

原帖由 bignose 於 08-9-17 17:08 發表
yinbb
係麗姨呀